Yo 11:32 - Sơ̆p Hlabơar Nơ̆r 'Bok Kei-Dei

³² Mari năm truh tơ anih Yêsu na 'bôh hloi Sư. Mari bon hloi 'bơ̆t anăp Sư kơkuh kơ Sư păng khan: “Ơ 'Bok, dah Ih tơ âu ki lei 'nhŏng inh huay kơ lôch ôh.”

Yo 11:32 ပူးပေါင်းရင်းမြစ်များ

Luka 17:16

Sư kŭp kơ̆l bon 'bơ̆t jơ̆ng Yêsu păng khan: “Bơnê kơ Ih.” Bơngai noh đơ̆ng dêh char Samri, ưh kơ sĭ bơngai Juđê ôh.

Luka 5:8

Lăp Simôn mă đe kư̆m anăn Pêtrôs 'bôh Yêsu pơm tơdrong mơsêh thoi noh boih na sư hơloh 'nap 'bơ̆t anăp Yêsu kơkuh kơ Sư khan hloi: “Ơ 'Bok, Ih weh đơ̆ng inh đĕch wăi, inh hli kơ Ih, yua kơ inh bơngai yoch.”

Luka 8:41

Đei minh 'nu bơngai năm tơ Yêsu. Sư ei bơngai kră wei-lăng hnam akŭm đe Juđê lăm pơlei kiơ̆ ei. Anăn sư Jairut. Sư 'nap 'bơ̆t jơ̆ng Yêsu na apinh Yêsu năm tơ hnam sư,

Yo 11:2

Mari âu mă tuh đak pơgang 'bâu phu kơ jơ̆ng Yêsu păng iŏk sŏk sư kơdih sut kơ jơ̆ng Yêsu. Na dang ei 'nhŏng sư Lasarơ oei păn kơ jĭ.

Yo 11:21

Mathê khan hloi kơ Yêsu: “Ơ 'Bok, dah Ih tơ âu ki lei 'nhŏng inh huay kơ lôch ôh.

Yo 11:37

Mă-lei lu mơ'nah dơ̆ng khan: “'Bok âu pơklaih bơngai măt tol gơh 'bôh hơdah, na ki dah Sư wă pơklaih lei Lasarơ huay kơ lôch ôh iih?”

Yo 4:49

Na 'bok ei khan kơ Yêsu: “Ơ 'Bok, apinh Ih jah năm tơ hnam inh. Inh hli kơ kon inh lôch hơdrol.”

Tơdrông Tơ'bôh 22:8

Anăn inh Yôhan bơngai mă kơtơ̆ng păng 'bôh dôm tơdrong noh. Inh kơtơ̆ng păng 'bôh nhên tôm thoi noh boih na inh 'nap kơkuh kơ linh jang 'bơ̆t jơ̆ng sư.

Tơdrông Tơ'bôh 5:14

Na puăn anăn lu sem brem 'noh khan: “Trŏ boih iĕm khan thoi noh.” Na 'bar-jĭt puăn 'nu lu đe kră kư̆m wang 'nap kơkuh kơ 'Bok Kei-Dei hăm Kon Triu.

Tơdrông Tơ'bôh 5:8

Lăp Kon Triu ei iŏk hla bơar noh boih, na puăn anăn lu sem brem noh păng 'bar-jĭt puăn 'nu lu đe kră, lu sư 'nap kơkuh kơ Kon Triu. Klaih kơ noh rim 'nu kơ lu sư chĕp brŏ reh păng chĕp pơnhan maih, lăm pơnhan ei 'bĕnh kơ đak pơgang 'bâu phu. Đak pơgang 'bâu phu ei wă pơtih gia kơ lu kon 'Bok Kei-Dei krao khan kơ Sư kơtơ̆ng truh tơ Sư tơpă.