Yo 11:27 - Sơ̆p Hlabơar Nơ̆r 'Bok Kei-Dei

²⁷ Mathê drơ̆ng: “Ơ 'Bok, inh lui tơpă. Inh lui kơ Ih 'Bok Krist, Kon 'Bok Kei-Dei mă nhôn chang gô jur tơ ala teh âu wă dŏng pơklaih nhôn.”

Yo 11:27 ပူးပေါင်းရင်းမြစ်များ

Malachi 3:1

“'Nâu, Inh đei wơh bơngai pơtruh nơ̆r Inh, sư gô pơih trong adrol kơ Inh; păng Kră Yang mă lu iĕm chơchă Sư gô blư truh mơ̆t tơ lăm hnam akŭm 'Bok Kei-Dei, wă khan linh jang khan nơ̆r Sư pơgơ̆p hăm iĕm mă lu iĕm oei chang gô. 'Nâu, Sư truh!” Kră Yang khan thoi noh.

Mathiơ 11:3

“Ih hăm trŏ kơ 'Bok Krist mă Yôhan khan gô truh, dah nhôn oei gô bơngai nai dơ̆ng?”

Mathiơ 16:16

Simôn Pêtrôs khan: “Ih 'Bok Krist, Kon 'Bok Kei-Dei mă arih ling-lang.”

Mathiơ 16:20

Đang Sư pơma thoi noh boih na Sư khă lu bơngai pơhrăm păng Sư kuă ăn roi kơ đe Sư boih 'Bok Krist.

Luka 2:11

Măng 'nâu tơ pơlei Đawit, đe tơpŭ kơ minh 'nu 'Bok Dŏng Pơklaih, 'Bok Kră Yang, Krist.

Yo 1:49

Nathanel khan kơ Sư dơ̆ng: “Ơ 'Bok Thây, lei Ih boih Kon Kră Yang 'Bok Kei-Dei, Ih Pơtao bơngai Isơrael tơpă.”

Yo 4:42

Lu bơngai lui đơ̆ng rŏng khan kơ duch ei thoi âu: “Nhôn lui kơ Sư dang ei ưh kơ sĭ nhôn băt đơ̆ng ih ôh. Nhôn lui kơ Sư dang ei yua kơ nhôn kơtơ̆ng Sư bơtho na nhôn băt hloi kơ Sư 'Bok Dŏng Pơklaih kon bơngai tơpă.”

Yo 6:14

Thoi noh na dôm lu bơngai tơpôl ei 'bôh Yêsu pơm tơdrong mơsêh mơyang Sư thoi noh na lu sư khan: “'Bok âu boih 'Bok mă bơ̆n chang gô đơ̆ng sơ̆ khan gô truh tơ ala teh âu wă pơtruh nơ̆r 'Bok Kei-Dei.”

Yo 6:69

Nhôn lui boih kơ Ih. Nhôn băt kơ Ih Kon 'Bok Kei-Dei mă 'lơ̆ng tơpăt.”

Jang 8:36

Kơplah bre sư oei yak rok trong ei, bre sư 'bôh đak. Na bơngai ei khan kơ Philip: “Ih lăng 'bơ̆t âu đei đak glung. Ih hăm gơh pơm kơ inh 'batem dang ei dah ưh?”

Jang 8:37

Philip khan: “Dah ih lui hăm đĭ jơhngơ̆m klơm klak ih, gơh mơ̆n pơm.” Na bơngai pơm tih ei khan: “Inh lui kơ Yêsu Krist Kon 'Bok Kei-Dei.”

I Yo 5:1

Bơngai bu lui kơ Yêsu 'Bok Krist mă 'Bok Kei-Dei wơh wă dŏng pơklaih bơ̆n, bơngai 'noh kon 'Bok Kei-Dei. Bơngai bu 'mêm kơ 'bă đe, bơngai 'noh kư̆m 'mêm kơ kon đe mơ̆n.

I Yo 5:20

Bơ̆n băt Kon pôm 'Bok Kei-Dei jur tơ bơ̆n boih. Sư roi tơbăt ăn kơ bơ̆n tôm tơdrong 'Bok Kei-Dei Kră Yang tơm tơpă. Bơ̆n pôm đon păng Kră Yang 'Bok Kei-Dei păng pôm đon păng Kon Sư Yêsu Krist mơ̆n. Yêsu Krist Sư kư̆m Kră Yang tơpă mơ̆n na Sư ăn kơ bơ̆n arih ling-lang.