Yo 11:15 - Sơ̆p Hlabơar Nơ̆r 'Bok Kei-Dei

¹⁵ Trŏ mơ̆n Inh ưh kơ đei năm pơklaih sư năr mơsơ̆ kơlih Inh wă kơ iĕm lui kơjăp. Na dang ei bĕ bơ̆n năm lăng sư.”

Yo 11:15 ပူးပေါင်းရင်းမြစ်များ

Bl 26:24

Măng noh Kră Yang jur tơ sư păng khan: Inh boih Kră Yang 'Bok Kei-Dei Abraham, 'bă ih, 'nĕ kơ hli, Inh oei hơdai ih. Inh gô ăn thim tơdrong pŭn hiôk kơ ih păng ăn adrĕch adrung ih, jing lơlap, yua kơ Abraham đĭch đam Inh.

Bl 39:5

Đơ̆ng năr sư jao kơ Jôsep đĭ-đăng mŭk tơmam lăm hnam sư, na Kră Yang ăn hnam sư đei pŭn hiôk; yua kơ đơ̆ng Jôsep wei-lăng ei, Kră Yang kư̆m ăn pŭn kơ rim mŭk tơmam sư đei noh mơ̆n, mă khan tơmam lăm hnam dah tơ lăm mir chŭn.

Horiso 105:14

Sư ưh kơ ăn đei bu gơh pơjuă pơđep lu sư. Kră Yang hil kơ lu pơtao yua kơ lu sư.

Êsai 54:15

Tơdah đe chă đon wă pơrăm ih, noh ưh kơ trŏ đơ̆ng Inh. Bơngai bu chă đon wă pơrăm ih sư gô pơ̆k huŏng yua kơ đơ̆ng ih.

Êsai 65:8

Kră Yang khan: “Thoi đe oei 'bôh đak hơmu lăm hơie hơmu Na khan: ‘'Nĕ kơ pơrăm lê̆, yua kơ lăm plei noh oei đei tơdrong 'lơ̆ng.’ Inh kư̆m gô pơm thoi noh kơ lu đĭch đam Inh, Inh ưh kơ pơrăm đĭ-đăng lu sư ôh.

Yo 11:14

Na Yêsu roi tơpăt kơ lu sư: “Lasarơ lôch boih.

Yo 11:16

Na Thôm mă đe krao sư Kon Kơmar, sư khan kơ buăl pơhrăm tơduă sư khan: “Bĕ bơ̆n năm kiơ̆ Sư wă kơ bơ̆n lôch hơdai Sư.”

Yo 11:4

Yêsu kơtơ̆ng thoi noh na khan: “Tơdrong jĭ sư 'noh huay kơ lôch ôh. Tơdrong jĭ 'noh wă kơ đe ư-ang kơ 'Bok Kei-Dei păng ư-ang kơ Kon Sư mơ̆n.”

Yo 12:30

Yêsu khan: “'Bơ̆r Sư pơma thoi noh ưh kơ sĭ yua kơ Inh ôh, yua kơ iĕm, wă kơ iĕm băt kơ Inh đơ̆ng 'Bok Kei-Dei tơpă.

Yo 17:19

Inh chu ăn akâu Inh tang yua kơ lu sư, wă pơm trŏ thoi Ih wă, wă kơ lu sư kư̆m pơyơ̆r ăn akâu lu sư chu kiơ̆ thoi Ih wă, yua kơ lu sư băt tơdrong Ih boih.

Yo 2:11

Tơdrong mơsêh mơyang âu boih Yêsu pơm tơ'bôh kơ đe mă hơdrol. Sư pơm tơ Pơlei Kanna, dêh Galilê. Thoi noh boih na lu bơngai pơhrăm păng Sư lui kơ Sư đơ̆ng 'Bok Kei-Dei tơpă.

II Kor 4:15

Dôm tơdrong nhôn adrin jang wă pơyua iĕm păng wă kơ tơdrong 'Bok Kei-Dei 'mêm mơnat kơ kon bơngai rai jơ̆p teh, wă kơ kon bơngai bơnê hăm pơang anăn Sư rai lơ.

II Tim 2:10

Inh đei tơdrong pơmat ling-lang, mă-lei inh oei adrin khŏm khŏm. Inh bơtho lu bơngai 'Bok Kei-Dei rơih wă kơ lu sư lui kơ Kră Yang Yêsu Krist, na 'Bok Kei-Dei gô pơklaih sư đơ̆ng tơdrong yoch păng atŏk sư oei hơdai păng Sư ling-lang ning-mônh.

I Yo 5:13

Inh chih kơ iĕm kơthơ âu kơ lu iĕm bơngai mă lui kơ Yêsu Kon 'Bok Kei-Dei wă kơ iĕm băt nhên iĕm gô arih ling-lang păng 'Bok Kei-Dei.