42 Na đei lơ bơngai lui kơ Yêsu tơ ei.
Lu bơngai Juđê mă kiơ̆ Mari hei, lu sư 'bôh Yêsu tơiung arih Lasarơ na đei lơ mơ̆n lu sư lui kơ Yêsu.
Mă-lei kư̆m đei lơ mơ̆n lu kră pơm tih lăm dêh Juđê lui kơ Yêsu. Mă-lei lu sư ưh kơ roi kơ đe tơdrong sư lui ôh, kơlih kơ lu sư hli kơ lu bơngai Pharisi băt kơ lu sư lui, na bơngai Pharisi ưh kơ ăn mơ̆t akŭm lăm hnam akŭm 'Bok Kei-Dei.
Kơplah Yêsu oei tơ Pơlei Jêrusalem lăm năr đe pơm Giĕng Năm Brih, na Sư tơ'bôh kơ đe tơdrong mơsêh mơyang Sư. Na đei lơ bơngai lui kơ Sư.
Đei lơ tơpă kon pơlei Samari lui kơ Yêsu kơlih kơ duch pơlei noh roi kơ lu sư khan: “Bơngai ei roi 'blep tôm tơdrong đêl inh pơm.”
Păng đei lơ bơngai nai dơ̆ng lui kơ Yêsu. Lu bơngai âu lui đơ̆ng Yêsu bơtho kơdih.
Kư̆m đei lơ bơngai mơ'nah lui kơ Sư tơpă. Na lu đe ei khan: “Bơngai âu pơm lơ tơdrong mơsêh mơyang tơpă. Nhôn tơchĕng băt kơ Sư 'Bok Krist tơpă boih âu.”
Yêsu pơma thoi noh na đei lơ bơngai lui kơ Sư.
