Yo 10:37 - Sơ̆p Hlabơar Nơ̆r 'Bok Kei-Dei

³⁷ Dah Inh ưh kơ pơm tơdrong mơsêh mơyang đơ̆ng 'Bă Inh ăn lei trŏ tơpă iĕm ưh kơ wă lui kơ Inh.

Yo 10:37 ပူးပေါင်းရင်းမြစ်များ

Yo 10:25

Yêsu khan kơ lu sư thoi âu: “Inh khan kơ iĕm boih mă iĕm ưh kơ wă lui. Dôm tơdrong mơsêh mơyang 'Bă Inh ăn kơ Inh pơm tơ'bôh ăn kơ iĕm ră wă kơ iĕm băt kơ Inh âu 'Bok Krist.

Yo 10:32

Na Yêsu khan hloi: “Iĕm 'bôh Inh pơm lơ tơdrong mơsêh 'lơ̆ng ngăl boih. 'Bă Inh ăn kơ Inh pơm dôm tơdrong noh. Na iĕm wă klơ̆m Inh păng tơmo yua kơ Inh pơm dôm tơdrong 'lơ̆ng mă 'Bă Inh ăn kơ Inh pơm noh hă?”

Yo 14:10

Ih ưh kơ lui ôh hă 'Bă Inh oei lăm Inh, nhi 'Bă Inh minh jơhngơ̆m minh đon? Dôm nơ̆r Inh pơma bơtho ăn kơ iĕm ưh kơ sĭ lĕch đơ̆ng Inh kơdih ôh. Dôm tơdrong mơsêh mơyang Inh pơm ăn kơ lu iĕm 'noh lĕch đơ̆ng 'Bă Inh mă oei lăm Inh tơpă.

Yo 15:24

Đơ̆ng sơ̆ ưh kơ đei bu pơm tơdrong mơsêh mơyang dang Inh. Dah Inh ưh kơ pơm tơdrong mơsêh mơyang 'bơ̆t anăp lu sư wă tơbăt ăn kơ lu sư Inh đơ̆ng 'Bok Kei-Dei thoi krô hmă, lei lu sư ưh kơ hil kơ Inh ôh. Na dang ei lu sư 'bôh Inh păng 'bôh dôm tơdrong Inh pơm boih, na lu sư hil areh kơ Inh păng hil areh kơ 'Bă Inh mơ̆n. Lu sư chă tơdrong yoch tơpă.

Yo 5:31

“Dah ưh kơ đei bu nai pơma bơ̆ng Inh, lei iĕm ưh kơ lui kư̆m bưh.