Yo 10:32 - Sơ̆p Hlabơar Nơ̆r 'Bok Kei-Dei

³² Na Yêsu khan hloi: “Iĕm 'bôh Inh pơm lơ tơdrong mơsêh 'lơ̆ng ngăl boih. 'Bă Inh ăn kơ Inh pơm dôm tơdrong noh. Na iĕm wă klơ̆m Inh păng tơmo yua kơ Inh pơm dôm tơdrong 'lơ̆ng mă 'Bă Inh ăn kơ Inh pơm noh hă?”

Yo 10:32 ပူးပေါင်းရင်းမြစ်များ

Horiso 35:12

Lu sư iŏk tơdrong kơnê̆ mong đêl inh pơm 'lơ̆ng Achăng lê̆ bơhngol inh pă đei hơmĕng kiơ.

Bôk Bơthô 4:4

Inh kư̆m 'bôh đĭ-đăng tơdrong kon bơngai jang gleh hrat, yua tơdrong gơh hơgei, noh jơ̆ yua kơ tơdrong sư 'ngeng areh klai dih băl. Tơdrong noh kư̆m tơdrong kơ đei, gô mơ̆ng kơ kial bơbơ̆t tơ yơ kiơ̆ tơ noh.

Je 37:18

Đơ̆ng noh Jêrêmi khan kơ pơtao Sêđekia: “Inh hăm đei pơm glăi hăm ih, hăm lu kră pơgơ̆r, dah hăm kon pơlei âu, na ih mah rôp tah inh tơ lăm hnam phak?

Mathiơ 11:5

Lu măt tol gơh 'bôh hơdah, lu jơ̆ng kue mah gơh yak, lu jĭ chin mah klaih, lu klĭk gơh kơtơ̆ng, lu bơngai lôch mah gơh iung arih, lu bơngai dơnuh hin mah mơ̆ng Inh bơtho tơdrong 'nao 'lơ̆ng.

Yo 10:25

Yêsu khan kơ lu sư thoi âu: “Inh khan kơ iĕm boih mă iĕm ưh kơ wă lui. Dôm tơdrong mơsêh mơyang 'Bă Inh ăn kơ Inh pơm tơ'bôh ăn kơ iĕm ră wă kơ iĕm băt kơ Inh âu 'Bok Krist.

Yo 10:31

Na lu bơngai Juđê kơtơ̆ng Sư khan thoi noh, lu sư iŏk tơmo wă klơ̆m pơlôch Sư ră.

Yo 10:33

Lu bơngai Juđê khan: “Nhôn ưh kơ klơ̆m Ih ôh gah tơdrong pơm 'lơ̆ng, mă-lei nhôn wă klơ̆m păng tơmo yua kơ Ih pơma tih kơ 'Bok Kei-Dei. Ih kon bơngai đĕch, mă Ih khan Ih atŏ păng 'Bok Kei-Dei.”

Yo 10:37

Dah Inh ưh kơ pơm tơdrong mơsêh mơyang đơ̆ng 'Bă Inh ăn lei trŏ tơpă iĕm ưh kơ wă lui kơ Inh.

Yo 5:36

Mă-lei Inh đei minh 'nu tih hloh kơ Yôhan, Sư tơbăt ăn kơ iĕm tơdrong Inh. Na dôm tơdrong mơsêh mơyang đơ̆ng Sư ăn kơ Inh, na Inh bơ̆jang ahrei âu, dôm tơdrong noh wă kơ iĕm băt 'Bă Inh wơh Inh tơpă.

Jang 10:38

'Bok Kei-Dei ăn kơ Yêsu đơ̆ng Pơlei Nasaret Yang Bơhngol 'Lơ̆ng tơgŭm Sư pơm tơdrong mơsêh mơyang. Yêsu năm chă tơgŭm đe păng pơklaih đĭ-đăng bơngai đơ̆ng yang Satan pơđep. Yêsu gơh pơm thoi noh yua kơ 'Bok Kei-Dei tơgŭm Sư.

Jang 2:22

Pêtrôs oei pơma: “Ơ lu đe Isơrael, mơ̆ng inh bĕ. Yêsu Pơlei Nasaret, bơngai mă 'Bok Kei-Dei wơh Sư pơm tơdrong mơsêh mơyang, pơm tơdrong hlĭch hlăch, tơ'bôh kơ iĕm tơdrong chrơp, 'Bok Kei-Dei yua Sư pơm lu tơdrong 'noh tơ lăm lu iĕm, thoi lu iĕm đei băt boih.

I Yo 3:12

Bơ̆n ưh kơ gơh pơm thoi Kain ôh. Kain sư kiơ̆ yang Satan, sư pơlôch oh sư pôm mĕ 'bă. Kơlih kơ kiơ Kain pơlôch oh sư? Kơlih kơ sư pơm tơdrong kơnê̆ ling-lang, gah oh sư pơm tơdrong 'lơ̆ng tơpăt.