Yo 10:28 - Sơ̆p Hlabơar Nơ̆r 'Bok Kei-Dei

²⁸ Inh ăn kơ triu Inh arih ling-lang, sư ưh kơ layơ lôch răm ôh. Ưh kơ đei bu kĕ tơgar iŏk sư đơ̆ng ti Inh.

Yo 10:28 ပူးပေါင်းရင်းမြစ်များ

Jop 17:9

Bơngai 'lơ̆ng tơpăt wei kơjăp trong sư kơdih, Bơngai đei tơpang ti rơgoh 'lơ̆ng rai pran kơtang.

Horiso 31:5

Inh jao bơhngol ih lăm ti Kră Yang. Ơ Kră Yang, 'Bok Kei-Dei tơpăt sĭt tơpă. Ih huai iŏk inh boih.

Horiso 37:28

Kră Yang lăp đon kơ tơdrong tơpăt, Ưh kơ đei achăng lê̆ lu bơngai 'lơ̆ng rơgoh Sư; Lu sư đei Kră Yang wei-lăng ling-lang: Mă-lei gah lu adrĕch adrung bơngai kơnê̆ gô răm đĭ.

Tơdrông Pơđơk 24:16

Yua kơ bơngai tơpăt mă sư pơ̆k tơpơh wơ̆t ră, Mă-lei gô iung dơ̆ng; Mă-lei bơngai pơm kơnê̆ gô pơrăm hăm pơmat-tat.

Tơdrông Pơđơk 4:18

Mă-lei trong lu bơngai tơpăt thoi hơdah pơchrang, Pơchrang hơdah truh tơ 'năr dơ̆ng.

Êsai 27:3

Inh bơih Kră Yang Tơ'ngla wei-lăng sư, gô ruh đak kơ sư ling-lang, păng inh wei-lăng sư măng năr kơnh hli kơ đe pơrăm sư.

Êsai 45:17

Mă-lei bơngai Isơrael, Kră Yang gô dŏng pơklaih. Hăm tơdrong dŏng pơklaih ling-lang ưh kơ đei layơ tôch. Lu iĕm huay pă mơlâu dah rŭng răng dơ̆ng bơih truh tơ đĭ chăl khŏm khŏm.

Êsai 54:17

Mă dôm tơmam tơblah sư pơm wă pơrăm Ih gô ưh kơ kĕ păng dôm nơ̆r lu bơngai pơma jâu ih gô glăi đĭ. Noh bơih tơdrong Inh ăn kơ lu đĭch đam Kră Yang, păng tơdrong lăng pơsĭt đơ̆ng Inh ăn, Kră Yang khan thoi noh.

Êsai 55:3

Athei pơgling đon păng năm bĕ tơ Inh, mơ̆ng Inh na bơhngol lu iĕm gơh arih. Inh gô pơm tơdrong pơgơ̆p hăm lu iĕm ling-lang, wă khan tơdrong 'mêm mơnat tơpă Inh pơkă hăm Đawit.

Je 23:4

Inh gô chă lu bơngai wei rong lu sư; lu sư ưh pă hli kơ kiơ dơ̆ng păng ưh kơ đei hiong minh pôm ayơ,” noh Kră Yang khan.

Je 31:3

Sơ̆ Kră Yang tơ'bôh boih kơ bơ̆n khan: “Inh 'mêm mơnat kơ iĕm hăm tơdrong 'mêm ling-lang hlŏng hloi, Thoi noh na Inh oei wei kơjăp 'mêm kơ iĕm.

Je 31:34

Ưh pă đei pơhrăm băl boih lu rông 'bôt sư; păng lu 'nhŏng oh sư khan: Athei băt kơ Kră Yang! Yua kơ đĭ-đăng lu sư gô băt kơ Inh, bơngai pơm iĕ truh tơ bơngai pơm tih Kră Yang khan: “Inh ưh pă jô̆ yo kơ tơdrong lu sư pơm kơnê̆, păng kư̆m ưh pă 'blŏk kơ yoch glăi đêl lu sư pơm.”

Je 32:40

Inh gô pơgơ̆p hăm lu sư ling-lang hlŏng hloi; Inh ưh pă wă lê̆, dah lu sư ưh pă ăn pŭn hiôk kơ lu sư; Inh kư̆m wă pơm ăn kơ jơhngơ̆m lu sư băt hli yom kơ Inh, wă kơ lu sư ưh pă achăng lê̆ Inh.

Markôs 13:22

yua kơ năr noh kơnh đei lơ bơngai pơm Krist, đei lơ bơngai khan sư bơngai pơtruh nơ̆r 'Bok Kei-Dei. Lu sư kư̆m gơh pơm tơdrong mơsêh wă kơ lu bơngai mă 'Bok Kei-Dei rơih boih lui kơ lu sư pơhlŭ ră.

Luka 23:46

Yêsu pơma 'bơ̆r re khan: “Ơ 'Bă, Inh pơjao ăn kơ Ih Bơhngol Inh.” Na lăp Sư pơma đang boih, na Yêsu kơtĕch jơhngơ̆m hloi.

Yo 10:29

Lu triu 'Bă Inh mă ăn kơ Inh ei, 'Bok ei boih tih hloh kơ dôm lu yang nai, na ưh kơ đei bu kĕ tơgar iŏk lu sư đơ̆ng ti 'Bă Inh ôh.

Yo 11:25

Yêsu khan kơ sư: “Inh boih tơiung arih bơngai đơ̆ng lôch păng ăn tơdrong arih ling-lang. Bơngai bu lui kơ Inh, bơngai 'noh sư lôch bưh mơ̆n, mă-lei Inh tơiung arih sư dơ̆ng.

Yo 14:19

Pă 'biơ̆ dơ̆ng lu bơngai tơ ala teh âu ưh pă 'bôh Inh boih. Pôm lu iĕm đĕch 'bôh Inh. Inh gô oei hơdai hăm 'Bă Inh arih ling-lang, lu iĕm gô arih ling-lang thoi noh mơ̆n.

Yo 17:2

Thoi Ih ăn kơ Inh pơgơ̆r đĭ-đăng bơngai, Inh gơh ăn kơ kon bơngai mă Ih pơjao kơ Inh gô arih ling-lang păng ba.

Yo 18:9

Yêsu khan tơdrong noh 'blep tơdrong đơ̆ng Sư khan lê̆ hơdrol kơ 'Bă Sư hei thoi âu: “Lăm lu bơngai đêl Ih ăn kơ Inh ưh kơ đei bu hiong ôh.”

Yo 3:36

Bơngai bu lui kơ Kon Sư, bơngai 'noh sư gô oei hơdai hăm 'Bok Kei-Dei arih ling-lang. Bơngai bu ưh kơ lui yom kơ Kon Sư, bơngai 'noh sư ưh kơ đei arih ling-lang ôh. 'Bok Kei-Dei hil kơ sư tơpă păng sĭt gô phak sư ning-mônh.”

Yo 4:14

Bơngai bu nhă đak đơ̆ng Inh ăn, kơnh sư huay pă rơhing boih. Đak mă Inh ăn kơ sư thoi lĕ đak mơlĕch, sư ro jur suŏn lăm to bơngai mă nhă 'noh, pơm kơ bơngai noh gơh arih ling-lang.”

Yo 5:24

Inh khan kơ iĕm tơpă, bơngai bu mơ̆ng Inh bơtho păng lui hloi kơ 'Bok Kei-Dei mă wơh Inh, bơngai 'noh ning-mônh sư gô oei hơdai hăm 'Bok Kei-Dei arih ling-lang păng Inh huay pă sek tơlang tơdrong sư boih. Sơ̆ sư kiơ̆ tơdrong lôch mă-lei dang ei sư kiơ̆ tơdrong arih.

Yo 6:27

Iĕm 'nĕ chă tơmam sa mă jing ôm hach. Iĕm athei adrin chă tơmam sa sot, săt 'lơ̆ng ling-lang, ưh kơ đei layơ ôm hach, wă 'me iĕm arih ling-lang. Tơmam sa ei, Inh mă jur jing kon bơngai, Inh asong ăn kơ lu iĕm. 'Bă Inh 'Bok Kei-Dei pơjao ăn kơ Inh thoi noh păng Sư kư̆m tơbăt ăn kơ kon bơngai tơdrong noh ră mơ̆n.”

Yo 6:37

Đĭ-đăng dôm lu bơngai mă 'Bă Inh ăn kơ Inh, lu sư gô lui kơ Inh. Păng bơngai bu lui kơ Inh, Inh ưh kơ tŭk sư ôh.

Yo 6:47

“Inh khan tơpăt tơpă kơ lu iĕm, bơngai bu lui kơ Inh sư gô arih ling-lang păng 'Bok Kei-Dei tơpă.

Yo 6:68

Pêtrôs khan kơ Sư: “Ơ 'Bok, nhôn wă kiơ̆ bu dơ̆ng lĕ? Tơdrong Ih bơtho khan wă ăn kơ nhôn gô arih ling-lang tơpă.

Jang 7:59

Klaih kơ noh lu sư klơ̆m Êtien păng tơmo, wă kơ Êtien lôch. Lăp đơ̆ng ei, Êtien sư krao khan thoi âu: “Ơ Kră Yang Yêsu, apinh Ih iŏk bơhngol inh.”

Rom 5:17

Sơ̆ yua kơ minh 'nu bơngai pơm yoch, na kon bơngai lôch ngăl, mă-lei dang ei bơ̆n đei minh 'nu bơngai nai anăn Sư Yêsu Krist, Sư dŏng bơ̆n tơpă. Bu gơnang kơ Sư, 'Bok Kei-Dei mơnat kơ bơngai noh, jô̆ bơngai noh jing bơngai 'lơ̆ng boih, na Yêsu ăn kơ sư noh arih hiôk-hian ling-lang.

Rom 5:2

Bơ̆n lui kơ Yêsu Krist na 'Bok Kei-Dei 'mêm mơnat kơ bơ̆n. Sư ăn kơ bơ̆n hiôk chơt yua kơ bơ̆n băt chang gô măng năr Sư wă ăn kơ bơ̆n oei hơdai hăm Sư hiôk-hian ning-mônh.

Rom 5:21

Tơdrong yoch pơm kơ kon bơngai jing lôch, mă-lei 'Bok Kei-Dei Sư 'mêm na jô̆ bơ̆n jing bơngai 'lơ̆ng, ăn kơ bơ̆n arih ling-lang yua kơ Kră Yang bơ̆n Yêsu Krist.

Rom 5:9

Na dang ei 'Bok Kei-Dei jô̆ bơ̆n jing bơngai 'lơ̆ng boih yua kơ đei Yêsu Krist lôch tang bơ̆n. 'Noh bơ̆n băt kơ Sư dŏng pơklaih bơ̆n đơ̆ng tơdrong 'Bok Kei-Dei wă phak.

Rom 6:23

Bu jang chă tơdrong yoch, apah sư tơdrong lôch. Mă-lei gah lu bơ̆n, dang ei 'Bok Kei-Dei ăn đĕch kơ bơ̆n arih ling-lang yua kơ bơ̆n lui kơ Kră Yang bơ̆n Yêsu Krist.

Rom 8:1

Yua kơ thoi noh na dôm lu bơ̆n bơngai mă lui kơ Yêsu Krist, 'Bok Kei-Dei ưh pă wă phak lu bơ̆n dơ̆ng boih.

Rom 8:29

Lu bơngai thoi noh, hơdrol kơ đe tam mă tơpŭ kơ sư sơ̆, 'Bok Kei-Dei băt kơ lu sư hơdrol boih. Lu bơngai thoi noh 'Bok Kei-Dei pơkă wă ăn jing kon Sư thoi Yêsu Krist; Yêsu Krist jing 'Nhŏng Kơdră lu sư, lu sư jing oh Yêsu.

Both 33:3

Sư 'mêm kơ kon pơlei pơla Sư tơpă; đĭ-đăng lu linh jang oei lăm tơpang ti Sư; Sơtơ̆p kŭl-tăng kơkuh 'bơ̆t jơ̆ng Sư. Sơng iŏk nơ̆r bơtho khan đơ̆ng Sư.

Philip 1:6

'Bok Kei-Dei jô̆ iĕm jing bơngai 'lơ̆ng boih, na inh băt tơpă Sư gô tơgŭm iĕm ling-lang truh tơ năr Yêsu Krist jur ning-mônh.

II Tes 2:13

Ơ lu 'nhŏng oh, gah iĕm Kră Yang Yêsu Krist 'mêm mơnat kơ iĕm tơpă. 'Bok Kei-Dei wă kơ nhôn ling-lang krao khan bơnê kơ Sư kơlih kơ Sư rơih iŏk iĕm đơ̆ng blŭng-a sơ̆ wă kơ iĕm klaih đơ̆ng tơdrong yoch păng wă kơ Yang Bơhngol 'Lơ̆ng ăn kơ iĕm jing bơngai 'lơ̆ng tơpăt wă jang tơdrong Sư; păng Sư ăn kơ iĕm lui kơ tơdrong Kră Yang Yêsu Krist.

I Tim 1:16

Mă-lei 'Bok Kei-Dei oei mơnat kơ inh na pơklaih inh yua kơ Kră Yang Yêsu Krist wă tơbăt kơ kon bơngai Sư mơnat tơpă kơ inh mă pơm yoch lơ hloh kơ đĭ-đăng bơngai nai. Na lu bơngai nai gô 'bôh tơdrong Sư mơnat kơ inh, sư băt 'Bok Kei-Dei mơnat tơpă kơ đĭ-đăng bơngai, na lu sư gô lui kơ Kră Yang Yêsu Krist hăm arih ling-lang.

II Tim 1:12

Yua kơ inh bơtho tơdrong 'noh yơh na dang ei inh đei tơdrong pơmat-tat âu. Mă-lei inh ưh kơ mơlâu kơ đe ôh yua kơ inh băt kơdih inh lui kơ Kră Yang păng inh băt Sư tơgŭm inh jang tơdrong Sư khŏm khŏm truh năr Yêsu Krist jur tơ teh âu ning-mônh dơ̆ng.

Hêbrơ 7:25

Thoi noh na mă layơ Sư oei pơklaih ling-lang dôm lu bơngai mă gơnang kơ Sư, wă kơ bơ̆n gơh brŏk tơ 'Bok Kei-Dei, kơlih kơ Sư arih ling-lang ưh kơ tôch. Păng Sư oei apinh 'Bok Kei-Dei ling-lang wă tơgŭm bơ̆n.

I Pet 1:5

Yua kơ bơ̆n lui păng gơnang kơ Sư tơpă, na 'Bok Kei-Dei tơ'ngla mă mơsêh mơyang, Sư wei-lăng lu bơ̆n ling-lang truh tơ năr Sư wă ăn kơ bơ̆n tôm tơdrong mă Sư đei hơmet lê̆ boih tơ năr tôch noh kơnh.

I Yo 1:2

Nhôn 'bôh Yêsu Krist oei tơ teh âu. Sư boih ăn kơ bơ̆n arih ling-lang păng 'Bok Kei-Dei. Kơlih kơ nhôn 'bôh Sư tơpă na nhôn gơh roi ăn kơ iĕm tơdrong Sư. Sư arih păng 'Bă Sư 'Bok Kei-Dei đơ̆ng blŭng-a sơ̆. Sư arih ling-lang ưh pă layơ lôch. Sư jur tơ ala teh âu păng tơ'bôh kơ nhôn akâu Sư.

I Yo 2:19

Lu bơngai ayăt kơ Yêsu Krist dang ei, tơm hmơm sơ̆ sư khan sư wă bôl lu bơngai lui tơpă, mă dang ei sư achăng tŭk lu bơ̆n bơngai lui. Dah sư bôl bơ̆n bơngai lui tơpă lei sư bôl bơ̆n ling-lang ưh kơ đei layơ tŭk. Na dang ei sư achăng tŭk bơ̆n tơpă boih, noh bơ̆n băt lơ̆m lu sư ưh kơ đei bu buăl bơ̆n.

I Yo 2:25

Thoi noh bơ̆n gô arih ling-lang, kư̆m thoi Yêsu Krist pơkă sơ̆.

I Yo 5:11

'Bok Kei-Dei pơma gah Kon Sư thoi âu: Sư wă kơ bơ̆n arih ling-lang păng Sư. Bơ̆n gô arih ling-lang tơpă dah bơ̆n lui kơ Kon Sư.

Ju 1:1

Inh Jut, oh Yakơ, hăm đĭch đam Yêsu Krist, chih hơpong kơ lu bơngai mă 'Bă tơm bơ̆n 'Bok Kei-Dei 'mêm rơih iŏk sư boih, wă khan lu bơngai mă Yêsu Krist wei-lăng.

Ju 1:21

Iĕm athei kơchăng kơ akâu iĕm kơdih, na iĕm oei 'bôh tơdrong 'Bok Kei-Dei 'mêm kơ iĕm ling-lang. Păng bơ̆n athei chang gô tơdrong Kră Yang Yêsu Krist wă ăn kơ bơ̆n arih ling-lang ei, yua kơ Yêsu Krist 'mêm kơ bơ̆n.

Ju 1:24

Bơnê kơ 'Bok Kei-Dei, pôm Sư đĕch kĕ wei-lăng iĕm, huay ăn kơ iĕm lê̆ Sư, wă kơ iĕm dơ̆ng 'bơ̆t anăp Sư ning-mônh iĕm 'bôh Sư mơsêh mơyang, iĕm hiôk hơiă huay kơ hli kơ Sư, yua kơ iĕm ưh kơ đei tơdrong yoch.

I Sam 2:9

Sư wei-lăng jơ̆ng lu bơngai kiơ̆ Sư tơpăt; Mă-lei lu bơngai kơnê̆ sư gô tơlơ̆ lê̆ lăm măng mu. Kon bơngai ưh kơ kĕ ôh yua tơdrong pran kơdih.