Yo 10:27 - Sơ̆p Hlabơar Nơ̆r 'Bok Kei-Dei

²⁷ Dah iĕm triu Inh tơpă lei iĕm băt kơ 'bơ̆r Inh pơma hloi păng Inh kư̆m băt kơ iĕm mơ̆n, na iĕm kiơ̆ Inh hloi.

Yo 10:27 ပူးပေါင်းရင်းမြစ်များ

I Pot 18:21

Đơ̆ng noh Êli năm dơ̆ng 'bơ̆t anăp lu kon pơlei pơla păng khan: Lu iĕm năm ting bơring kiơ̆ 'bar pah trong 'nâu dĭng dang yơ? Tơdah Kră Yang 'Bok Kei-Dei lei iĕm athei kiơ̆ Kră Yang, tơdah Baal jơ̆ Kră Yang 'Bok Kei-Dei lei iĕm athei kiơ̆ Sư. Mă-lei lu kon pơlei pơla ưh kơ đei tơl sư minh nơ̆r.

Êsai 66:22

Kră Yang khan: “Nhen thoi plĕnh 'nao teh 'nao mă inh pơjing gô oei kơjăp ling-lang 'bơ̆t anăp Inh thoi noh mơ̆n lu kon sâu iĕm păng anăn lu iĕm kư̆m oei kơjăp.

Mathiơ 16:24

Klaih kơ noh Yêsu khan kơ lu bơngai pơhrăm păng Sư: “Dah bơngai bu wă kiơ̆ Inh, sư athei tŭk đĭ tơdrong sư kơdih păng tôi kơdih 'long pơglang chu lôch yua kơ wă kiơ̆ Inh.

Mathiơ 17:5

Kơplah Pêtrôs oei pơma thoi noh 'bôh glĭp kơ hơmơ̆l kok rang hơdah jur gom lu sư. Păng đei nơ̆r 'Bok Kei-Dei pơma đơ̆ng lăm hơmơ̆l noh khan: “Sư âu Kon Inh mă 'mêm kơeng tơpă, Inh lăp đon kơ Sư dêh. Na iĕm ling-lang athei chu yom kơ Sư.”

Mathiơ 25:12

Mă-lei 'bok mă 'nao iŏk akăn ei khan kơ lu sư: ‘Inh khan kơ iĕm tơpă, inh ưh kơ băt kơ lu iĕm ôh.’ ”

Mathiơ 7:23

Mă-lei năr 'noh kơnh Inh gô khan kơ lu sư thoi âu: ‘Inh ưh kơ băt kơ lu iĕm âu ôh. Weh tơ nai năm, iĕm bơngai kơnê̆ ngăl.’

Markôs 10:21

Yêsu lăng 'bok mơdrŏng noh, Sư 'mêm tơpă na Sư khan thoi âu: “Ih răk ưh kơ tôm oei pă minh tơdrong. Ih athei tĕch đĭ mŭk tơmam ih chă asong kơ lu bơngai dơnuh hin na kiơ̆ hloi Inh. Thoi noh na ih gô đei mŭk tơmam tơ kơpal plĕnh ti ning-mônh.”

Markôs 8:34

Yêsu krao bơngai tơpôl lơ păng lu bơngai pơhrăm păng Sư mơ̆n năm tơ Sư. Na Sư khan: “Dah bơngai bu wă kiơ̆ Inh, sư athei tŭk đĭ tơdrong sư kơdih păng tôi kơdih 'long pơglang chu lôch yua kơ wă kiơ̆ Inh.

Luka 13:27

Na Inh tơl tơwih dơ̆ng: ‘Inh khan kơ iĕm tơpă, Inh ưh kơ băt kơ lu iĕm ôh. Weh tơ nai năm, iĕm bơngai kơnê̆ ngăl.’

Luka 9:23

Na Yêsu khan kơ bơngai tơpôl lơ mă năm mơ̆ng Sư: “Dah bơngai bu wă kiơ̆ Inh, sư athei tŭk đĭ dôm tơdrong sư kơdih na rim năr sư athei tôi kơdih 'long pơglang chu lôch yua kơ wă kiơ̆ Inh.

Yo 10:14

Gah Inh bơngai wei triu 'lơ̆ng tơpăt păng brĕ tơpă. Inh băt kơ triu Inh, triu Inh băt kơ Inh mơ̆n,

Yo 10:16

Inh đei mơ̆n triu khŭl nai, mă-lei ưh kơ trŏ khŭl Juđê âu ôh. Na Inh athei iŏk triu khŭl nai ei. Lu triu ei gô lui kơ Inh păng băt kơ 'bơ̆r Inh pơma mơ̆n. Na triu ei păng triu tơpôl âu lu sư gô jing minh tơpôl lơ kiơ̆ minh 'nu Inh wei-lăng.

Yo 10:8

Đĭ-đăng bơngai truh hơdrol kơ inh khan wă wei-lăng triu, lu sư dang bơngai chă tơtông ngăl mă-lei triu ưh kơ kiơ̆ lu sư ôh.

Yo 12:26

Bơngai lui jang tơdrong Inh, sư 'noh athei lui kiơ̆ Inh mă tơpă. Bơngai lui jang tơdrong Inh, sư 'noh gô oei hơdai hăm Inh ling-lang păng 'Bă Inh gô ăn kơ sư tơdrong apah.”

Yo 21:22

Yêsu khan kơ sư: “Dah Inh wă kơ sư arih sot truh Inh jur dơ̆ng ning-mônh ngê̆ kiơ kơ ih jet? Ih kư̆ lui kơ Inh đĕch.”

Yo 5:25

“Inh khan tơpăt kơ iĕm dơ̆ng, ning-mônh kư̆m thoi dang ei mơ̆n, lu bơngai lôch gô kơtơ̆ng nơ̆r Kon 'Bok Kei-Dei krao sư, na bu mă mơ̆ng Sư krao, sư 'noh gô iung arih.

Yo 8:12

Yêsu bơtho dơ̆ng thoi âu: “Inh pơchrang hơdah kơ kon bơngai jơ̆p-jang kơ teh đak wă kơ sư băt tơdrong 'Bok Kei-Dei. Bơngai bu kiơ̆ Inh sư huay năm lăm măng mu kiơ̆ tơdrong yoch, sư gô đei Inh pơchrang hơdah kơ sư păng ăn sư arih ling-lang.”

Yo 8:43

Inh tơhlôh ăn kơ iĕm thoi noh boih, kơlih kơ kiơ iĕm ưh kơ wao tơdrong Inh bơtho? Hăm trŏ iĕm arăng kơ̆l ưh kơ wă lui kơ nơ̆r Inh bơtho?

Jang 3:23

Bơngai bu ưh kơ chu yom Sư, iĕm athei pơlôch tŭk sư.’

I Kor 8:3

Bơngai bu 'mêm kơ 'Bok Kei-Dei, 'Bok Kei-Dei rơih iŏk sư boih.

Galati 4:9

Dang ei iĕm chă Kră Yang 'Bok Kei-Dei 'bôh boih; mă tơpă ưh kơ sĭ bơ̆n chă Sư ôh, Sư krao bơ̆n. Thoi noh boih na yua kơ kiơ iĕm wă kiơ̆ dơ̆ng tơdrong juăt kon bơngai? Kiơ̆ kơ tơdrong juăt noh ưh kơ yua kiơ ôh, ưh kơ đei tơgŭm minh tơdrong kiơ wă kơ bơ̆n yua ôh. Na lơliơ iĕm wă jing đĭch tơdrong juăt kon bơngai bơ̆n dơ̆ng?

II Tim 2:19

Dôm tơdrong 'Bok Kei-Dei trŏ kơjăp tơpă. Sư pơkă thoi âu: “Inh Kră Yang 'Bok Kei-Dei băt kơnăl kơ đĭ-đăng bơngai lui kơ Inh păng đĭ-đăng bơngai lui kơ Inh sư athei tŭk lê̆ tơdrong yoch.”

Hêbrơ 3:7

Thoi noh na iĕm athei kiơ̆ kơ nơ̆r Yang Bơhngol 'Lơ̆ng khan sơ̆ thoi âu: “Đơ̆ng âu tơ anăp mưh iĕm kơtơ̆ng nơ̆r Inh pơma,

Tơdrông Tơ'bôh 14:4

Lu sư bơngai rơgoh 'lơ̆ng ngăl ưh kơ đei kiơ̆ lu bơngai ưh kơ lui pơm yoch ôh. Lu sư thoi bơngai drŏ-nglo mă ưh kơ pơ̆n ngôi jê̆ bơngai drŏ-kăn, thoi bơngai drŏ-kăn mă ưh kơ pơ̆n ngôi jê̆ hăm bơngai drŏ-nglo. Kon Triu 'Bok Kei-Dei năm tơ yơ lu sư kiơ̆ tơ noh, yua kơ 'Bok Kei-Dei huai iŏk lu sư đơ̆ng khŭl kon bơngai, na lu sư dang tơmam đe pơyơ̆r ăn kơ 'Bok Kei-Dei păng pơyơ̆r ăn kơ Kon Triu.

Tơdrông Tơ'bôh 3:20

Dang ei Inh oei dơ̆ng tơ 'ngoaih 'măng wă krao iĕm. Bu kơtơ̆ng 'bơ̆r Inh krao na pơih kơ Inh 'măng, bơngai noh Inh wă mơ̆t oei hăm sư, sŏng sa hơdai sư.