Yo 1:50 - Sơ̆p Hlabơar Nơ̆r 'Bok Kei-Dei

⁵⁰ Yêsu khan: “Đon ih lui thoi noh kơlih kơ Inh khan kơ ih Inh 'bôh ih ngôi 'bơ̆t tơm 'long hơra. Mă-lei ning-mônh ih gô 'bôh lơ tơdrong mơsêh mơyang tih hloh loi kơ 'noh dơ̆ng.”

Yo 1:50 ပူးပေါင်းရင်းမြစ်များ

Mathiơ 13:12

Bơngai bu hlôh, 'Bok Kei-Dei gô pơthim ăn kơ sư hlôh hloh kơ noh na sư gô hlôh tơpă. Bơngai bu ưh kơ wă mơ̆ng, bơngai noh rai hiong dôm tơdrong sư hlôh.

Mathiơ 21:19

Na Sư 'bôh minh tơnơm 'long hơra 'bơ̆t cheng trong. Na Sư thar năm lăng 'long hơra noh ngêh kơ đei plei, plă kơ ưh, 'bôh pôm hla đĕch. Na Yêsu sơkat kơ 'long hơra noh khan: “Đơ̆ng âu tơ anăp e 'nĕ pă plei dơ̆ng.” Sĭt tơpă tơnơm 'long hơra noh kro lôch hloi.

Mathiơ 25:29

‘Kon bơngai bơ̆n mưh jang pơnam, sư đei tơmam lơ, Kră Yang mơnat ăn pơthim tơmam kơ sư rai lơ rơkah rơkai. Bơngai mă alah, tơmam ưh kơ đei lơ, rai hiong huach đơ̆ng sư tăm.

Luka 1:45

Ih hiôk tơpă yua kơ ih lui kơ nơ̆r Kră Yang khan kơ ih gô đei kon.”

Luka 7:9

Yêsu kơtơ̆ng sư khan thoi noh, Sư mah hlĭch kơ đon, yua 'bok noh đei đon lui tơpă. Na Sư hue tơ rŏng khan kơ lu bơngai tơpôl mă kiơ̆ Sư ei thoi âu: “Inh khan kơ iĕm tơpă, đơ̆ng sơ̆ Inh tam mă 'bôh ôh khŭl bơngai Juđê lui kơjăp dang bơngai Rôm âu.”

Yo 1:49

Nathanel khan kơ Sư dơ̆ng: “Ơ 'Bok Thây, lei Ih boih Kon Kră Yang 'Bok Kei-Dei, Ih Pơtao bơngai Isơrael tơpă.”

Yo 1:51

Yêsu khan kơ lu sư: “Inh khan kơ iĕm tơpă, ning-mônh iĕm gô 'bôh plĕnh tơpơih na iĕm 'bôh lu linh jang 'lơ̆ng 'Bok Kei-Dei jur tơ Inh Kon Bơngai păng iĕm kư̆m 'bôh lu sư tŏk tơ plĕnh.”

Yo 11:40

Yêsu khan kơ sư: “Inh khan kơ ih boih, dah ih lui ih gô 'bôh tơdrong mơsêh mơyang đơ̆ng 'Bok Kei-Dei.”

Yo 20:29

Mă-lei Yêsu khan kơ sư: “Ih 'bôh Inh boih, thoi noh ih lui. Lu bơngai bu mă ưh kơ 'bôh Inh, mă-lei sư lui, 'noh hiôk tơpă kơ lu sư.”