Yo 1:31 - Sơ̆p Hlabơar Nơ̆r 'Bok Kei-Dei

³¹ Sơ̆ inh ưh kơ kơnăl kơ Sư, sơmă truh inh wă pơm kơ đe 'batem, na inh wă kơ lu bơngai Isơrael băt kơ Sư, na inh pơm kơ lu sư 'batem păng đak.”

Yo 1:31 ပူးပေါင်းရင်းမြစ်များ

Malachi 3:1

“'Nâu, Inh đei wơh bơngai pơtruh nơ̆r Inh, sư gô pơih trong adrol kơ Inh; păng Kră Yang mă lu iĕm chơchă Sư gô blư truh mơ̆t tơ lăm hnam akŭm 'Bok Kei-Dei, wă khan linh jang khan nơ̆r Sư pơgơ̆p hăm iĕm mă lu iĕm oei chang gô. 'Nâu, Sư truh!” Kră Yang khan thoi noh.

Mathiơ 3:13

Kơplah noh sơ̆, Yêsu đơ̆ng dêh Galilê năm tơ krong Jôrđăn, Sư apinh Yôhan pơm kơ Sư 'batem.

Mathiơ 3:6

Lu sư roi tơdrong yoch lu sư kơ 'Bok Kei-Dei, na Yôhan pơm kơ lu sư 'batem tơ krong Jôrđăn.

Luka 1:17

Kră Yang bơ̆n wă jê̆ jur na kon ih ei gô năm hơdrol kơ Kră Yang. Sư đei Yang Bơhngol 'Lơ̆ng ăn kơ sư jing pran kơtang tơpă kư̆m thoi Êli sơ̆. Sư gô tơgŭm kon pơlei Isơrael 'mêm mơnat kơ lu kon sư. Sư gô tơgŭm lu bơngai ưh kơ lui tơbral kơdih tơdrong yoch na wă kơ đei đon 'lơ̆ng. Yua kơ thoi noh na sư hơmet ming kon bơngai adrol kơ Kră Yang truh.”

Yo 1:30

'Bok 'noh boih inh krô nŏng roi kơ iĕm: ‘'Bok mă truh đơ̆ng rŏng kơ inh Sư tih hloh kơ inh tơpă; inh tơpŭ sơ̆, Sư đei hơdrol loi kơ inh boih.’

Yo 1:32

Yôhan roi kơ đe thoi âu: “Inh 'bôh Yang Bơhngol 'Lơ̆ng jur đơ̆ng plĕnh thoi sem kơtơp jruh kơpal Sư.

Yo 1:33

Hơdrol kơ 'noh ki inh kư̆m tam mă băt kơ Sư mơ̆n, sơmă 'Bok Kei-Dei wơh inh pơm kơ đe 'batem păng đak păng Sư đei khan kơ inh thoi âu: ‘Ih gô 'bôh Yang Bơhngol 'Lơ̆ng jur oei kơpal minh 'nu bơngai, bơngai 'noh boih pơm kơ đe 'batem phara yua kơ Sư ăn Yang Bơhngol 'Lơ̆ng oei hơdai păng kon bơngai.’

Yo 1:7

wă kơ Yôhan pơtruh kơ đe tơdrong bơngai pơchrang hơdah ei. Yôhan pơtruh kơ đe tơdrong bơngai hơdah ei wă kơ đĭ-đăng bơngai lui kơ bơngai mă pơchrang hơdah ei.

Jang 19:4

Pôl khan gah tơdrong Yôhan sơ̆ thoi âu: “Yôhan pơm 'batem kơ lu bơngai tơbral kơdih tơdrong yoch păng sư bơtho lu bơngai Isơrael athei lu sư lui kơ minh 'nu 'Bok gô truh đơ̆ng rŏng kơ sư, wă khan Yêsu.”