Ya 5:6 - Sơ̆p Hlabơar Nơ̆r 'Bok Kei-Dei

⁶ Iĕm jâu lu bơngai 'lơ̆ng pơm kơnê̆ na pơlôch hloi lu sư, mă-lei lu sư ưh kơ pơjăng ôh.

Ya 5:6 ပူးပေါင်းရင်းမြစ်များ

Êsai 5:23

Lu sư achăng lê̆ lu bơngai pơm kơnê̆ yua kơ đei iŏk pơgâm sa tơmam đe răt, sơngah ưh kơ pơm tơdrong 'lơ̆ng tơpăt kơ bơngai ưh kơ đei yoch.

Êsai 53:7

Sư đe teh pơjuă păng pơmat, mă-lei ưh kơ đei pơma minh nơ̆r, nhen thoi triu đe dui wă pơm 'nhĕm, nhen thoi triu kơmlo dơ̆ng 'bơ̆t anăp bơngai yuă sŏk sư ưh kơ đei tơlĕch minh nơ̆r.

Mathiơ 21:38

Lăp lu bơngai jang mơng 'bôh kon 'bok tơ'ngla mir truh tơ lu sư, lu sư pơđâu dih băl khan: ‘Bơngai âu boih kon 'bok tơ'ngla mir âu, na dang ei bĕ bơ̆n pơlôch sư na mă mir âu jing mir bơ̆n.’

Mathiơ 27:20

Mă-lei lu đe 'bok soi tih păng lu đe kră sek tơlang pơtrŭt lu kon pơlei pơla athei Pilat tơlĕch kơ lu sư pôm 'Barra'ba na pơlôch Yêsu.

Mathiơ 5:39

Thoi noh boih na gah Inh bơtho iĕm thoi âu: Đe pơm kơnê̆ kơ iĕm, iĕm 'nĕ pơm plơ̆ kơ đe; đe tap 'bŏ iĕm gah 'ma, ăn sư tap gah minh dơ̆ng.

Jang 22:14

Anania khan kơ inh: ‘Lu kơdră bơ̆n sơ̆ lui kơkuh kơ 'Bok Kei-Dei. 'Bok Kei-Dei boih rơih iŏk ih, wă kơ ih băt dôm tơdrong Sư pơm, Sư wă kơ ih 'bôh Kon 'lơ̆ng tơpăt Sư păng kơtơ̆ng Kon Sư pơma.

Jang 7:52

Lu 'bok kơdră iĕm sơ̆ pơm kơnê̆ areh kơ đĭ-đăng bơngai pơtruh nơ̆r 'Bok Kei-Dei. Lu 'bok kơdră iĕm sơ̆ pơlôch lu bơngai mă pơkă lê̆ hơdrol kơ tơdrong 'Bok Krist bơngai mă 'lơ̆ng tơpăt wă truh. Na Sư truh boih mă-lei iĕm plĕch kơ Sư păng pơlôch Sư hloi.

Jang 8:32

Na 'bok ei đŏk lăng sơ̆p hla bơar ei thoi âu: “Bơngai noh đe anhăk ba Sư thoi đe anhăk triu wă pơlôch. Thoi kon triu ưh kơ chă hmoi lăp đe yuă sŏk sư, bơngai noh kư̆m ưh kơ đei ôr pơma ha pơret ôh.

Hêbrơ 10:38

Lu bơngai 'lơ̆ng tơpăt kiơ̆ Inh, lu sư gô đei tơdrong arih, yua kơ lu sư đei đon lui. Mă-lei dah bơngai bu lêl kơdŭn tơ rŏng kuă kơ kiơ̆ Inh khŏm khŏm, bơngai noh Inh ưh kơ lăp đon kơ sư ôh.”

Ya 2:6

Mă-lei iĕm pơjăm pơjuă lu bơngai dơnuh hin, ưh kơ băt mơnat kơ lu sư. Bu pơjăm pơjuă wă kơtĭt sa iĕm păng dui anhăk iĕm tơ lu kră sek tơlang? Lu bơngai mơdrŏng boih pơm kơ iĕm kơnê̆ thoi noh.

Ya 4:2

Iĕm hưch kơ tơdrong âu, 'nhĕng kơ tơdrong to, mă-lei ưh kơ đei kơ iĕm, na iĕm jing tơhil areh dih băl, tơgar sa băl, truh tơ wă pơlôch băl mơ̆n. Iĕm ưh kơ đei tơmam kăl yua noh, kơlih kơ iĕm ưh kơ krao khan apinh 'Bok Kei-Dei.

I Pet 4:18

'Noh thoi đe chih lăm sơ̆p hla bơar 'Bok Kei-Dei sơ̆ thoi âu: “Tơ̆ng lu bơngai pơm 'lơ̆ng tơpăt anat kơ klaih, lei bĭ lu bơngai pơm kơnê̆ pơm yoch lu sư thoi yơ?”