Ya 3:17 - Sơ̆p Hlabơar Nơ̆r 'Bok Kei-Dei

¹⁷ Na gah tơdrong hơgei, bơngai bu hơgei đơ̆ng 'Bok Kei-Dei ăn, bơngai noh bơ̆n 'bôh sư pơm tôm tơdrong 'lơ̆ng, sư bơngai dim gơh găt hăm đe, băt chu yom kơ lu bơngai tih kơ sư, băt mơnat kơ đe, băt asong băl tơmam; sư bơngai tơpăt tơpă, ưh kơ sĭ sư chă pơm đĕch ôh.

Ya 3:17 ပူးပေါင်းရင်းမြစ်များ

I Pot 3:12

'Nâu, Inh ăn tơdrong ih apinh, ăn kơ ih hlôh wao gơh hơgei, dĭng mah lu bơngai adrol kơ ih ưh kơ đei bu hơtŏ kơ ih păng lu bơngai đơ̆ng rŏng kơ ih kư̆m ưh kơ đei bu dang ih.

I Pot 3:28

Đĭ-đăng bơngai Isơrael kơtơ̆ng tơdrong pơtao sek tơlang noh lu sư hli yom ư-ang kơ pơtao, yua kơ lu sư 'bôh pơtao đei tơdrong gơh hơgei đơ̆ng Kră Yang 'Bok Kei-Dei, wă kơ sek tơlang tơpăt.

I Pot 3:9

Thoi noh apinh Ih ăn kơ inh mă đĭch đam Ih âu tơdrong gơh hơgei, wă kơ gơh sek tơlang tơdrong kon pơlei pơla ih, wă kơ inh băt kơnăl tơdrong 'lơ̆ng, tơdrong kơnê̆; yua kơ bu gơh kĕ sek tơlang kơ lu kon pơlei pơla lơ dêh 'nâu?”

I Ho 22:12

Apinh Kră Yang ăn kơ ih tơdrong gơh hơgei hlôh wao wă kơ ih pơgơ̆r wei-lăng lu bơngai Isơrael wă kơ ih răk kiơ̆ tơdrong juăt Kră Yang 'Bok Kei-Dei ih.

I Ho 22:9

Ih gô đei minh 'nu kon drŏ-nglo; sư gô jing minh 'nu bơngai drŏ-nglo hiôk rơnŭk, inh gô ăn kơ sư rơnŭk rơnua păng ăn pơdơh đơ̆ng đĭ-đăng ayăt tăp dăr kơ sư. Krao anăn sư Sôlômôn, Inh gô ăn tơdrong hiôk rơnŭk kơ lu bơngai Isơrael lăm chăl sư pơgơ̆r.

Jop 28:12

Mă-lei chă tơdrong gơh hơgei đei đơ̆ng yơ? Tơ yơ tơm tơdrong hlôh wao?

Jop 28:23

Lăp minh Kră Yang 'Bok Kei-Dei hlôh băt trong truh tơ gơh hơgei. Păng minh Sư đĕch băt kơ chă anih sư tơ yơ.

Jop 28:28

Kră Yang khan kơ kon bơngai “Hli yom kơ Kră Yang, noh bơih tơdrong gơh hơgei; Weh ataih đơ̆ng tơdrong kơnê̆, 'noh bơih tơdrong hlôh wao.”

Le 36:2

Môis krao Bêsalel, Ôhôliap păng lu bơngai gơh hơgei jang đei tơdrong tơchĕng mă Kră Yang ăn boih kơ lu sư mă đei jơhngơ̆m mơn pơdrŭt lu sư pơtơm năm bơ̆jang.

Tơdrông Pơđơk 2:6

Yua kơ Kră Yang ăn tơdrong gơh hơgei; Đơ̆ng 'bơ̆r Sư lĕch tơdrong băt hlôh, hlôh wao.

Êsai 2:4

Kră Yang gô sek tơlang sơlam tŏk-bŏk kơ đĭ-đăng teh đak păng sek ăn kơ lơ adrĕch adrung bơngai, lu sư gô iŏk đao hơjơ̆m pơm pla 'nhik iŏk tơju hơlă lu sư pơm săng kô. Teh đak âu ưh pă đei tơblah păng teh đak to dơ̆ng bơih, ưh pă đei pơhrăm wă tơblah dơ̆ng.

Êsai 32:6

Na lu bơngai kơwao sư pơma lu nơ̆r kơtul kơwao; jơhngơ̆m đon sư pơm tơdrong yoch, 'maih pơm lu tơdrong kơnê̆, pơma tơdrong glăi gah Kră Yang, pơm kơ bơngai pơngot klak hoh, ưh kơ ăn đak nhă kơ lu bơngai rơhing.

Êsai 40:11

Sư gô wei rong khŭl triu Sư nhen thoi bơngai wei triu, akŭm lu triu kon lăm ti Sư, păng kơ'mĭn kuăr sư tơ kơtơh, chông hơdar hơdêh lu triu yŏng đei kon iĕ.

Da 1:17

Đơ̆ng noh, Kră Yang 'Bok Kei-Dei ăn kơ puăn 'nu bơngai tơdăm noh đei kơ̆l 'ngok gơh hơgei lăm rim tơdrong lu sư hŏk pơhrăm. Đaniel kư̆m đei gơh băt tơblang tơdrong tơ'bôh păng tơdrong apo.

Malachi 2:9

“Yua kơ thoi noh na Inh kư̆m đei pơm ăn kơ lu iĕm rai iĕ jing pă rơ-a 'bơ̆t anăp đĭ kon pơlei pơla, yua kơ lu iĕm ưh kơ kiơ̆ trong Inh pơdah kơ đe khan lu iĕm oei lăm khôi juăt.”

Malachi 3:3

Sư gô hơ-oei thoi lu bơngai jôr hu pơm rơgoh đĭ, sư gô chhut lu kon drŏ-nglo Lêwi, pơm ăn kơ lu sư rơgoh thoi maih păng hu, lu sư gô pơyơ̆r tơmam soi kơ Kră Yang lăm tơdrong tơpăt.

Mathiơ 23:28

Đe lăng akâu akar iĕm gah 'ngoaih kư̆m thoi noh mơ̆n, rŏ kơ bơngai pơm 'lơ̆ng kơ đe, mă-lei lăm to iĕm ling-lang kơ hơlĕnh păng pơm kơnê̆ kơ đe.

Mathiơ 5:8

“Pŭn dêh lu bơngai jơhngơ̆m 'lơ̆ng rơgoh, lu sư gô 'bôh 'Bok Kei-Dei.

Mathiơ 5:9

“Pŭn dêh lu bơngai gơh pơm sơlam kơ đe wă kơ lu sư tơhiôk băl, đe gô jô̆ sư kon 'Bok Kei-Dei.

Luka 21:15

yua kơ Inh gô ăn kơ iĕm 'bơ̆r đon hơgei, na lu bơngai ayăt 'noh gô thuơ kơ iĕm.

Luka 6:36

Iĕm athei 'mêm mơnat kơ đe kư̆m thoi lĕ 'Bă bơ̆n 'Bok Kei-Dei 'mêm mơnat kơ đe mơ̆n.

Yo 1:14

Yêsu Krist dang nơ̆r 'Bok Kei-Dei, Sư jur jing kon bơngai. Sư oei hơdai păng kon bơngai bơ̆n. Bơngai bơ̆n 'bôh Sư gơh pơm tơdrong mơsêh mơyang; Sư 'noh boih Kon pôm 'Bok Kei-Dei tơpă; Sư 'mêm mơnat kơ bơ̆n, pơklaih bơ̆n đơ̆ng tơdrong yoch păng tơbăt ăn kơ bơ̆n tơdrong 'Bok Kei-Dei tơpă.

Yo 1:47

Lăp Yêsu 'bôh Nathanel năm tơ Sư, na Sư khan: “Ih boih bơngai Isơrael tơpă. Ih đei đon 'lơ̆ng tơpăt ưh kơ đei layơ hơlĕnh kơ đe.”

Jang 11:24

'Barna'ba sư bơngai 'lơ̆ng, sư lui kơjăp păng sư 'bĕnh kơ Yang Bơhngol 'Lơ̆ng na Yang Bơhngol 'Lơ̆ng tơgŭm sư ling-lang. Na hơtai ei đei lơ bơngai lui kơ Kră Yang Yêsu.

Jang 9:36

Tơ Pơlei Japa đei bơngai lui kơ Yêsu, anăn sư Tabitha lăm nơ̆r Juđê, Đêka lăm nơ̆r Grĕk. Yă Đêka ling-lang sư gơh tơgŭm đe bơngai dơnuh hin păng gơh mơnat kơ đe.

Rom 12:18

Bơ̆n 'nĕ kơ pơm dôm tơdrong kơnê̆ wă kơ bơ̆n oei hiôk hơiă hăm đĭ-đăng bơngai.

Rom 12:9

Bơ̆n 'mêm kơ bôl athei 'mêm mă tơpă, areh kơ tơdrong kơnê̆, athei adrin chă tơdrong 'lơ̆ng.

Rom 15:14

Ơ 'nhŏng oh bơngai Rôm, inh băt mơ̆n iĕm đei đon lui tơpăt na iĕm băt tơgŭm dih băl păng inh băt kơ iĕm hlôh tôm tơdrong 'Bok Kei-Dei na gơh bơtho dih băl tơduă iĕm.

I Kor 12:8

Yang Bơhngol 'Lơ̆ng ăn kơ bơngai âu đon hơgei wă kơ năm chă bơtho tơdrong 'Bok Kei-Dei; Sư kư̆m ăn kơ bơngai to hlôh wao tôm tơdrong 'Bok Kei-Dei wă kơ gơh năm chă bơtho đe mơ̆n.

II Kor 10:1

Inh Pôl wă pơma păng iĕm tơdrong âu. Lơliơ lu bơngai mơ'nah jô̆ kơ inh khan kơplah inh oei ataih đơ̆ng iĕm, inh chih kơthơ, inh pơma nuih; mưh inh oei jê̆ iĕm khan inh pơma lêl? Yêsu Krist Sư dim gơh găt dêh, na Sư wă kơ bơ̆n kư̆m thoi noh.

II Kor 6:6

nhôn pơm 'lơ̆ng ling-lang, wă kơ đĭ-đăng bơngai băt kơ nhôn bơngai jang 'lơ̆ng jang tơpăt. Nhôn hlôh hlăi tơdrong 'Bok Kei-Dei thoi yơ, nhôn pơm kiơ̆ thoi ei; mă đe pơm kơnê̆ kơ nhôn, nhôn ưh kơ pơm tơwih ôh; nhôn dui jơhngơ̆m tai, wă kơ dim ling-lang. Nhôn gơnang kơ Yang Bơhngol 'Lơ̆ng tơgŭm nhôn pơm 'lơ̆ng. Nhôn bơngai 'mêm kơ bôl buăl tơpă ưh kơ sĭ chă pơpơm đĕch ôh;

II Kor 7:11

'Bok Kei-Dei pơm kơ iĕm băt kơ sơ'ngon akâu kơdih, wă kơ iĕm hưch hanh pơm tơdrong 'lơ̆ng tơdrong tơpăt; tơdrong akâu kơdih đêl pơm, wă kơ tơbral hli huay pă pơm dơ̆ng; dang ei iĕm hăt kơ pơm tơdrong tơpăt, iĕm dang phak boih bơngai yoch, iĕm kư̆m wă kơ tơ'bơ̆p nhôn dơ̆ng; tôm tơdrong iĕm sek tơlang bơngai yoch noh 'lơ̆ng boih.

II Kor 9:10

'Bok Kei-Dei ăn kơ bơngai rei, găr adrĕch păng tơmam sa, sư kư̆m ăn tôm kơ găr adrĕch mă iĕm rei đei plei trem yua kơ iĕm bơngai 'lơ̆ng băt kơ tơgŭm đe.

Êphêsô 5:9

Dôm lu bơngai oei lăm tơdrong hơdah, Sư gô pơm dôm tơdrong 'lơ̆ng tơpăt ngăl.

Philip 1:11

Yua kơ iĕm pơm tôm tơdrong 'lơ̆ng tơpăt păng gơnang kơ Yêsu Krist đơ̆ng dang ei, na đĭ-đăng bơngai gô ư-ang kơ 'Bok Kei-Dei tơpă.

Philip 4:8

Ơ lu 'nhŏng oh, iĕm kơtơ̆ng boih tơdrong noh na iĕm athei tơchĕng tơdrong kiơ 'lơ̆ng, tơdrong kiơ tơpăt, tơdrong kiơ trŏ, tơdrong kiơ kăl, tơdrong kiơ đe ư-ang, tơdrong kiơ hơiă, tơdrong kiơ kon bơngai lăp đon, tơdrong kiơ đe tơ'mêm băl.

Kôlôsê 1:10

Thoi noh na iĕm gơh pơm trŏ thoi Sư wă, trŏ thoi Sư lăp đon. Iĕm gô pơm dôm tơdrong 'lơ̆ng dôm tơdrong tơpăt, rai đunh rai hlôh băt tơdrong 'Bok Kei-Dei.

I Tes 2:7

Hơtai nhôn oei păng iĕm ki, nhôn 'mêm kơeng kơ iĕm tơpă thoi lĕ bơ̆n 'mêm kơeng kơ kon nge bơ̆n 'nao tơpŭ.

I Tim 5:21

Kră Yang bơ̆n 'Bok Kei-Dei, Yŏng bơ̆n Yêsu Krist păng linh jang 'lơ̆ng Sư 'bôh bơ̆n ling-lang na ih athei kơchăng pơm kiơ̆ dôm tơdrong inh pơkă kơ ih 'noh. Inh wă kơ ih lăng đĭ-đăng bơngai lei-lăi đĕch, ih 'nĕ kơ lăng minh 'nu bơngai hloh kơ đe nai.

II Tim 2:24

Lu đĭch đam Kră Yang 'Bok Kei-Dei ưh kơ gơh hil hơwĕng kơ đe ôh. Sư athei pơm 'lơ̆ng kơ đe. Sư bơtho nơ̆r Kră Yang hơgei, đe hil kơ sư, sư athei krŏt đĕch.

Tit 1:15

Bơngai bu đei đon 'lơ̆ng tơpăt, sư huay kơ tơchĕng kơ tơdrong giĕng ôh yua kơ sư pơm tôm tơdrong 'lơ̆ng tơpăt ngăl. Bơngai bu yoch ưh kơ wă lui kơ 'Bok Kei-Dei, bơngai 'noh mă sư kiơ̆ tơdrong giĕng mă ưh, sư ưh kơ đei layơ pơm tơdrong 'lơ̆ng, kơlih kơ đon sư lơ kơnê̆ tơpă.

Tit 3:2

Khan kơ lu sư 'nĕ bâu roi pơjăm đe, 'nĕ kơ hơwĕng kơ đe, bơ̆n pơm jơhngơ̆m dim păng đe.

Hêbrơ 12:11

Kơplah bơ̆n đei tơdrong bơtho pơjĭ, bơ̆n mơn kơ chhŭr nuih ưh kơ hiôk ôh. Mă-lei tơ̆ng bơ̆n băt kơ chu yom, bơ̆n gô jing bơngai 'lơ̆ng tơpăt hiôk hơiă tơpă.

Hêbrơ 12:14

Bơ̆n athei adrin pơm jơhngơ̆m đon dim hiôk hơiă kơ đĭ-đăng bơngai. Păng athei adrin pơm 'lơ̆ng tơpăt ling-lang. Tơ̆ng ưh, bơ̆n ưh kơ gơh 'bôh Kră Yang ôh.

Ya 1:17

Yua kơ tơdrong hiôk tơdrong 'lơ̆ng ưh kơ lĕch đơ̆ng nai ôh, tă lĕch đơ̆ng 'Bok Kei-Dei ngăl. Sư boih pơjing ăn kơ bơ̆n tôm tơdrong hơdah, thoi kơ măt 'năr, măt khei, lu sơnglŏng. Sư pơchrang hơdah kơ bơ̆n ling-lang ưh kơ tơplih kiơ phara ôh.

Ya 1:5

Tơ̆ng đei lăm lu iĕm bơngai bu ưh tam gan hlôh tơdrong 'Bok Kei-Dei, bơngai noh athei apinh 'Bok Kei-Dei ăn kơ sư hlôh. Na 'Bok Kei-Dei gô ăn kơ sư hlôh tơpă, yua kơ 'Bok Kei-Dei hơlăng dêh, Sư ưh kơ kret ôh kơ lu bơngai mă apinh Sư păng Sư huay kơ hil kơ lu bơngai mă apinh Sư noh.

Ya 2:13

Truh năr 'Bok Kei-Dei sek tơlang ning-mônh, Sư sek tơlang tơpăt, Sư ưh kơ mơnat ôh kơ lu bơngai mă ưh kơ băt mơnat kơ đe. Bơngai bu mơnat kơ đe, 'Bok Kei-Dei kư̆m mơnat kơ sư mơ̆n, kơplah năr Sư sek tơlang ning-mônh.

Ya 2:4

Dah iĕm pơma kơ đe thoi noh, iĕm yoch tơpă boih, iĕm ưh kơ 'mêm kơ 'nhŏng oh lei-lăi. Iĕm pơm thoi noh iĕm wă kơ yua akâu kơdih đĕch.

Ya 3:15

Bơngai bu khan sư hơgei tơdrong 'Bok Kei-Dei mă sư oei pơm thoi noh, tơdrong sư hơgei noh ưh kơ sĭ đơ̆ng 'Bok Kei-Dei ăn ôh; sư hơgei đơ̆ng khŭl yang kơnê̆, sư hơgei kiơ̆ tơdrong ala teh, kiơ̆ kơ sĕch akar.

Ya 4:8

Iĕm năm jê̆ 'Bok Kei-Dei na 'Bok Kei-Dei oei jê̆ iĕm. Ơ lu bơngai yoch, 'nĕ pă pơm dôm tơdrong yoch iĕm juăt kơ pơm. Ơ lu bơngai đon 'bar pah, 'nĕ pă tơchĕng dôm tơdrong kơnê̆.

I Pet 1:22

Bơ̆n chu lui kơ tơdrong 'Bok Kei-Dei boih, bơ̆n băt kơ lê̆ đĭ dôm tơdrong yoch, băt 'mêm mơnat kơ bôl buăl 'nhŏng oh bơngai lui. Bơ̆n athei iŏk tơdrong 'mêm mơnat dih băl ling-lang khŏm khŏm hăm đĭ jơhngơ̆m.

I Pet 2:1

Thoi noh na bơ̆n 'nĕ pă pơm dôm tơdrong kơnê̆, dôm tơdrong hơlĕnh pơdăr kơ đe, 'nĕ kơ 'nhĕng đe, 'nĕ kơ bâu roi pơjăm đe.

I Pet 2:18

Ơ lu bơngai đĭch đe, iĕm kư̆m athei chu yom kơ yŏng tơ'ngla iĕm mơ̆n hŏ; mă iĕm lăng sư bơngai dim bơngai gơh găt, iĕm 'nĕ kơ pơ'brơh kơ sư; mă sư bơngai khĕnh hơwĕng kư̆m lei-lăi 'nĕ kơ pơkăl kơ sư.

I Yo 3:18

Ơ lu kon hơ'lơ̆p, tơdrong 'mêm mơnat dih băl, bơ̆n ưh kơ wă 'bơ̆r bơ̆n đĕch ôh mơnat. Bơ̆n athei 'mêm mơnat dih băl păng jơhngơ̆m đon bơ̆n tơpă păng tơdŏng băl tơdrong jang.

I Yo 3:3

Bơngai bu chang gô Yêsu Krist jur tơ ala teh âu, bơngai 'noh pơm dôm tơdrong 'lơ̆ng tơpăt ngăl, kư̆m thoi Yêsu pơm 'lơ̆ng tơpăt mơ̆n.