Ya 2:7 - Sơ̆p Hlabơar Nơ̆r 'Bok Kei-Dei

⁷ Lu sư kư̆m pơma kơnê̆ kơ Yêsu Krist Kră Yang bơ̆n mă 'lơ̆ng tơpăt.

Ya 2:7 ပူးပေါင်းရင်းမြစ်များ

Horiso 111:9

Sư ăn tơdrong dŏng pơklaih kơ kon pơlei pơla Sư. Nơ̆r pơgơ̆p Sư oei oei ling-lang, Anăn Sư 'lơ̆ng rơgoh păng trŏ kơ hli yom.

Hơri Hiôk 1:3

Đak pơgang ih 'bâu phu, Đe ư-ang kơ ih thoi đak pơgang 'bâu phu; Thoi noh na lu adruh 'nao iung hưch kơ ih.

Êsai 43:7

Lu bơngai mă Inh krao hăm anăn Inh, Inh bơih pơjing lu sư, wă ư-ang kơ Inh, tơpă Inh bơih pơjing lu sư.

Êsai 65:15

Lu bơngai mă Inh rơih iŏk gô yua anăn iĕm wă hiap pơtê̆ kơ đe. Kră Yang gô pơlôch iĕm; Mă-lei Kră Yang gô iŏk anăn plơ̆ng krao tơplih ăn kơ lu đĭch đam Sư.

Êsai 7:14

Yua kơ noh bơih Kră Yang gô tơ'bôh kơ lu iĕm tơdra: Minh 'nu adruh gô anăp tơpŭ kơ minh 'nu kon drŏ-nglo, đe anăn kon sư noh Êmanuel.

Je 23:6

Lăm chăl Sư pơgơ̆r khŭl bơngai Juđa gô đei dŏng pơklaih; păng bơngai Isơrael đei arih hiôk hơđơ̆ng. 'Nâu anăn đe gô krao Sư: ‘Kră Yang boih 'lơ̆ng tơpăt lu nhôn.’ ”

Mathiơ 1:23

“Đei minh 'nu adruh gô anăp wă tơpŭ kon drŏ-nglo, Đe anăn kon Sư noh Êmanuel,” Êmanuel wă khan: 'Bok Kei-Dei oei hơdai hăm bơ̆n.

Mathiơ 12:24

Lu bơngai Pharisi kơtơ̆ng thoi noh, lu sư khan: “'Noh đơ̆ng yang Belsêbul yŏng yang kơnê̆ tơgŭm Sư na Sư gơh pơpuh lu yang kơnê̆ noh.”

Mathiơ 27:63

Lu sư khan kơ Pilat: “Ơ 'bok, nhôn 'blŏk kơ bơngai hơlĕnh noh hơtai Sư oei arih Sư khan thoi âu: ‘Pêng năr đơ̆ng rŏng kơ Inh lôch, Inh gô iung arih dơ̆ng.’

Jang 11:26

Lăp sư chă 'bôh boih, sư anhăk ba Sôl tơ Pơlei Antiôs. Kơplah minh sơnăm bre sư bơtho lu bơngai lui tơ Pơlei Antiôs. Bre sư bơtho tơdrong 'Bok Kei-Dei na lơ bơngai năm mơ̆ng. Tơ ei đe anăn lu bơngai lui, bơngai Krist. Đơ̆ng sơ̆ đe ưh kơ anăn thoi noh ôh.

Jang 15:17

wă kơ đĭ-đăng bơngai jơ̆p kơ teh đak lui kơ Inh, wă khan đĭ-đăng lu bơngai tơmoi mă ưh kơ khŭl lu Juđê, Inh wă kơ lu sư mơ̆n.

Jang 26:11

Sơ̆ inh kư̆m ling-lang năm jơ̆p tơ lu hnam akŭm chă teh lu sư wă kơ lu sư achăng lê̆ gah tơdrong lui kơ Yêsu. Inh areh tơpă kơ lu sư na inh kư̆m năm tơ pơlei dêh char nai wă pơm kơnê̆ kơ lu sư.

Jang 4:12

Pă đei bu nai dơ̆ng gơh pơklaih bơ̆n đơ̆ng tơdrong yoch. 'Bok Kei-Dei ăn Kon pôm Sư Yêsu Krist đĕch wă pơklaih bơ̆n.”

Êphêsô 3:15

yua kơ Sư 'Bă kơ đĭ-đăng plĕnh teh.

I Tim 1:13

Mă inh pơma kơnê̆ kơ Sư sơ̆, inh pơjăm Sư păng pơm kơnê̆ kơ lu bơngai lui kơ Sư, mă-lei Sư rơih iŏk inh mơ̆n. 'Bok Kei-Dei mơnat kơ inh sơ̆ kơlih kơ inh tam mă lui kơ Kră Yang Yêsu, na inh ưh kơ tơtĭnh dôm tơdrong 'noh kơnê̆.

I Pet 4:16

Mă-lei dah bu đei tơdrong gleh yua kơ sư kiơ̆ Yêsu Krist, bơngai noh thoi lĕ kơ pŭn, bơngai noh hiôk, sư huay kơ mơlâu kơ đe ôh. Sư athei adrin ră roi pơư pơang kơ đe tơdrong Yêsu Krist hăm 'Bok Kei-Dei rai pran hloh.

Tơdrông Tơ'bôh 19:13

Ao Sư hrŭk 'brông 'brang kơ pham ngăl. Đe anăn Sư Nơ̆r Pơma 'Bok Kei-Dei.

Tơdrông Tơ'bôh 19:16

Đe chih tơ ao tai Sư mă 'bơ̆t jơ̆ng thoi âu: “Sư pơm 'Bok Pơtao, Sư tih hloh kơ đĭ-đăng lu pơtao nai. Sư pơm Yŏng, Sư tih hloh kơ đĭ-đăng lu yŏng nai.”