Ya 1:26 - Sơ̆p Hlabơar Nơ̆r 'Bok Kei-Dei

²⁶ Bơngai bu khan sư lui kơjăp, mă ưh kơ gơh gơ̆t 'bơ̆r, nŏng kơ chă hil kơ đe, pơang kơ đe lơ tơdrong mă sư pơngêh đon khan sư lui kơjăp, 'Bok Kei-Dei ưh kơ pơklaih sư ôh.

Ya 1:26 ပူးပေါင်းရင်းမြစ်များ

Jop 15:13

Liơ ih mah pơ̆n hil plơ̆ Kră Yang 'Bok Kei-Dei, păng 'bơ̆r ih mah lĕch nơ̆r thoi noh pơma blah sư?

Jop 30:11

Yua kơ Kră Yang 'Bok Kei-Dei yaih lê̆ dơhiĕng hră inh rơdu păng pơm kơ inh mơlâu. Na lu sư pă đei pơyom kiơ kơ inh.

Horiso 141:3

Ơ Kră Yang, apinh wei 'bơ̆r inh. Păng lăng 'bơ̆r inh mưh inh ha.

Horiso 32:9

'Nĕ kơ thoi aseh păng aseh iĕ, ưh kơ đei đon tơchĕng, Iŏk bĕ dam pơhơ̆p, tơlei pơhơ̆p 'nao na gơh pơhơ̆p 'bơ̆r lu sư. Tơdah ưh, lu sư ưh kơ năm jê̆ Ih.

Horiso 34:13

Bơwei bĕ hơpiĕt wă huay kơ pơma nơ̆r kơnê̆ păng hơkŭng huay kơ pơma nơ̆r plêl.

Tơdrông Pơđơk 10:19

Pơma lơ, tơ yơ mă huay kơ glăi. Bơngai bu kĕ wei hơpiĕt noh bơngai hơgei.

Tơdrông Pơđơk 10:31

Nơ̆r 'bơ̆r bơngai tơpăt lĕch tơdrong gơh hơgei, Mă-lei đei hơpiĕt lu bơngai pơma kư̆ kă gô kăt lê̆.

Tơdrông Pơđơk 14:12

Đei minh pôm trong gơlong kon bơngai khan trŏ. Mă-lei tuch-luch đei tă ba tơ trong tơdrong lôch.

Tơdrông Pơđơk 15:2

Hơpiĕt lu bơngai hơgei đei pơma hlôh wao; Mă-lei đei 'bơ̆r lu bơngai kơhlôh rai 'bôh kơtul.

Tơdrông Pơđơk 16:10

Nơ̆r pơtao pơma khưm khơ̆p Na sư sek tơlang huay kơ glăi.

Tơdrông Pơđơk 16:25

Đei minh trong kon bơngai khan 'lơ̆ng tơpăt, Mă-lei trong noh tuch-luch sư jing trong tơdrong lôch.

Tơdrông Pơđơk 19:1

Bơngai dơnuh hin arih sa 'lơ̆ng tơpăt. 'Lơ̆ng hloh kơ bơngai bơlŭk pơma hơlĕnh.

Tơdrông Pơđơk 21:26

Rim năr bơngai ham hrăn hơpơi kơ tơmam. Mă-lei đei lu bơngai tơpăt băt asong huay kơ 'mêm ôh.

Êsai 1:13

'Nĕ pă pơyơ̆r tơmam soi phe 'ba ưh kơ yua kiơ kơ Inh dơ̆ng, Inh areh dêh tơmam 'bâu phu iĕm, năr khei 'nao, năr Sa'bat, lu năr iĕm akŭm sŏng sa tih. Inh ưh kơ lăp ôh tơdrong yoch tih iĕm lăm năr iĕm akŭm pơm giĕng tih.

Êsai 44:20

Bơngai sa 'mui tơnuh; jơhngơ̆m đon ưh kơ ngeh ba sư jrok trong; sư ưh kơ gơh pơklaih bơhngol sư kơdih, Păng kư̆m ưh kơ băt tơmam lăm ti 'ma sư noh jơ̆ tơmam hơlĕnh đĕch?

Malachi 3:14

Lu iĕm đei khan: “Đe mă bơ̆jang kơ Kră Yang 'Bok Kei-Dei noh tơdrong ưh kơ đei; lu bơ̆n wei nơ̆r Sư bơtho pơkă, athei bơwei păng yak nơnăm lăm tơdrong ơh sơ'ngon 'bơ̆t anăp Kră Yang Tih Hloh, na lơi kiơ?

Mathiơ 15:9

Lu sư kơkuh kơ Inh ưh kơ yua kiơ. Lu sư bơtho tơdrong ala teh; mă-lei khan tơdrong 'Bok Kei-Dei.’ ”

Markôs 7:7

Lu sư kơkuh kơ Inh ưh kơ yua kiơ. Lu sư bơtho tơdrong ala teh, mă-lei khan tơdrong 'Bok Kei-Dei.’ ”

Luka 8:18

“Thoi noh na iĕm athei mơ̆ng Inh mă nhên. Bơngai bu hlôh, 'Bok Kei-Dei gô pơthim kơ sư hlôh hloh kơ noh dơ̆ng tơpă. Bơngai bu ưh kơ wă mơ̆ng, bơngai 'noh sư tơchĕng sư hlôh ră, mă-lei sư gô hiong dôm tơdrong sư hlôh.”

I Kor 15:15

Dah ưh kơ đei bu iung arih đơ̆ng lôch, thoi noh 'Bok Kei-Dei kư̆m ưh kơ tơiung arih Yêsu Krist ôh păng lu nhôn dang lĕ bơngai pơm kơdranh hơlĕnh kơ 'Bok Kei-Dei đĕch, yua kơ nhôn khan 'Bok Kei-Dei tơiung arih Yêsu Krist đơ̆ng lôch boih.

I Kor 15:2

Yua kơ tơdrong 'nao 'lơ̆ng 'nâu, na iĕm gơh klaih. Dang ei đĭ kơ iĕm hăm oei răk tơdrong 'nao 'lơ̆ng mă đêl inh bơtho kơ lu iĕm dah ưh? Tơ̆ng ưh, tơdrong lu iĕm lui ưh kơ đei yua kiơ ôh.

I Kor 3:18

Iĕm 'nĕ khan akâu iĕm kơdih, khan iĕm hơgei. Dah bu lăm lu iĕm tơchĕng khan sư hơgei tơdrong ala teh âu, bơngai 'noh athei hŭt lê̆ dôm tơdrong sư hơgei noh, na iŏk tơdrong hơgei 'lơ̆ng tơpăt 'Bok Kei-Dei.

Galati 2:6

Lu bơngai đe pôk pơm tih pơgơ̆r bơngai lui, inh băt mơ̆n lu sư oei hơdai Yêsu sơ̆, mă-lei 'Bok Kei-Dei pơgơ̆p jơhngơ̆m đon lu nhôn lei-lăi đĕch, lu sư ưh kơ đei wă ming tơplih tơdrong inh bơtho ôh.

Galati 2:9

Thoi noh na Yakơ, Pêtrôs, Yôhan, lu sư bơngai mă đe pôk pơm tih pơgơ̆r lu bơngai lui đơ̆ng sơ̆ boih, lu sư băt tơpă kơ 'Bok Kei-Dei ăn kơ inh năm chă bơtho kơ lu bơngai mă ưh kơ khŭl Juđê, na lu sư iung rôp ti nhi 'Barna'ba dang wă khan pơgơ̆p băl minh jơhngơ̆m minh đon jang tơdrong 'Bok Kei-Dei. Lu sư bơtho tơdrong 'Bok Kei-Dei kơ lu khŭl sư bơngai Juđê, na nhi bơtho kơ lu khŭl bơngai nai.

Galati 3:4

Kơplah iĕm gơnang kơ Yêsu sơ̆ 'Bok Kei-Dei tơgŭm iĕm tôm tơdrong tơpă. Mă-lei dang ei iĕm pơm khan sơ̆ Sư ưh kơ tơgŭm iĕm dah kiơ? Dôm tơdrong noh Sư tơgŭm iĕm tơpă yơh.

Galati 6:3

Mă-lei dah bơngai bu lui ưh kơjăp na sư roi kơ đe khan sư lui kơjăp, bơngai 'noh bơngai hơlĕnh.

Êphêsô 4:29

Iĕm 'nĕ kơ pơma kơnê̆, athei pơma mă 'lơ̆ng tơgŭm pơyua lu bơngai mă mơ̆ng iĕm.

Êphêsô 5:4

Bơ̆n ưh pă gơh pơma tơdrong kơnê̆, tơdrong kư̆ kă, tơdrong chroih tơ nai. Bơ̆n athei pơma ling-lang gah tơdrong ư-ang kơ 'Bok Kei-Dei đĕch.

Both 11:16

Athei kơchăng wă kơ lu iĕm huay lui kơ đe pơhlŭ pơlung, achăng lê̆ Kră Yang, na drap kơkuh kơ yang nai.

Kôlôsê 4:6

Bơ̆n athei pơma pơhiôk lu sư ling-lang, wă kơ bơ̆n gơh drơ̆ng lu sư mă trŏ.

Ya 1:19

Ơ lu 'nhŏng oh mă inh 'mêm kơeng, bơ̆n băt kơ thoi noh boih, na đĭ-đăng kơ bơ̆n athei adrin mơ̆ng tơdrong đe bơtho, mơ̆ng mă tơpă, 'nĕ hăt kơ pơma hil kơ đe bơtho.

Ya 1:22

Păng bơ̆n 'nĕ kơ mơ̆ng lăm đon đĕch, khan 'Bok Kei-Dei kư̆m iŏk. Ưh ôh, bơ̆n mơ̆ng păng pơm kiơ̆ hloi dôm tơdrong đe bơtho, noh na 'Bok Kei-Dei iŏk.

Ya 2:20

Ơ lu bơngai kơhlôh, iĕm ưh tam băt 'mơ̆i hă, tơdrong bơngai mă khan sư lui boih mă sư ưh kơ pơm kiơ̆, na iĕm wă kơ inh tơ'bôh kơ iĕm tơdrong bơngai mă lui ưh kơ yua noh hă?

I Pet 3:10

Tơdrong noh trŏ thoi đe chih lăm sơ̆p hla bơar Sư thoi âu: “Bơngai bu wă kơ arih hiôk jơnap, bơngai noh athei gơ̆t 'bơ̆r sư pơma kơnê̆, 'nĕ kơ pơma hơlĕnh;