Ya 1:24 - Sơ̆p Hlabơar Nơ̆r 'Bok Kei-Dei

²⁴ Kơplah bơ̆n lăng muh măt bơ̆n tơ lăm amĭl, bơ̆n 'bôh nhên đĭ; mưh bơ̆n năm tơ nai, bơ̆n hiơt boih kơ muh măt bơ̆n thoi yơ.

Ya 1:24 ပူးပေါင်းရင်းမြစ်များ

Mathiơ 8:27

Lu đe ei lăng hlĭch, na lu sư jet băl: “Bơngai bu âu kih, kial hơbŭt, đak dơsĭ poh-yă tih dang noh, mă kư̆m chu yom kơ Sư.”

Luka 1:66

Đĭ-đăng bơngai kơtơ̆ng tơdrong noh pơwao lăm đon sư kơdih khan: “Nge âu ning-mônh sư wă pơm kiơ kơnh?” Lu sư tơchĕng thoi noh yua kơ lu sư 'bôh 'Bok Kei-Dei tơgŭm sư tơpă.

Luka 7:39

Lăp bơngai Pharisi mă wơ̆n Sư, 'bôh thoi noh na sư tơchĕng lăm to sư kơdih khan: “Tơ̆ng bơngai âu bơngai pơtruh nơ̆r 'Bok Kei-Dei tơpă, lei Sư băt kơ bơngai mă pel Sư 'noh bơngai đi.”

I Tes 1:5

Nhôn bơtho kơ iĕm tơdrong 'nao 'lơ̆ng ưh kơ sĭ păng 'bơ̆r nhôn pơma đĕch ôh, yua kơ mơsêh mơyang đơ̆ng Yang Bơhngol 'Lơ̆ng tơgŭm nhôn păng tơgŭm iĕm na iĕm băt nhôn bơtho tơdrong 'Bok Kei-Dei tơpă. Iĕm kư̆m băt nhôn bơngai thoi yơ pơm tơdrong kiơ hơtai nhôn oei hăm iĕm ki. Hăm trŏ nhôn adrin tơgŭm iĕm ling-lang tơpă dah ưh?

Ya 1:23

Bơngai bu mơ̆ng đe bơtho tơdrong 'Bok Kei-Dei, mă mơ̆ng đĕch ưh kơ pơm kiơ̆, bơngai noh dang bơ̆n lăng muh măt bơ̆n tơ lăm amĭl.

Ya 1:25

Na gah tơdrong mơ̆ng đe bơtho tơdrong 'Bok Kei-Dei pơkă, bơngai bu mơ̆ng hăm pơm kiơ̆, ưh kơ hiơt dôm tơdrong đe bơtho, bơngai noh hiôk tơpă boih, yua kơ tơdrong 'Bok Kei-Dei 'lơ̆ng tơpă ăn kơ kon bơngai bơ̆n klaih rơngei đơ̆ng tơdrong yoch.

II Pet 3:11

Bơ̆n băt boih đĭ dôm tơmam gô hiong răm thoi noh tơpă, na mă dôm tơdrong kiơ bơ̆n athei adrin pơm đon 'lơ̆ng tơpăt 'biơ̆

Lu 8:18

Đơ̆ng noh sư apinh Sêba păng Salmuna: Măr iĕm pơlôch bơngai kiơ tơ Tabôr? Bre sư tơl; lu sư kư̆m hơbŏ thoi ih; rim 'nu lu sư kư̆m nhen thoi minh 'nu kon tơdăm pơtao.