Tơdrông Tơ'bôh 2:20 - Sơ̆p Hlabơar Nơ̆r 'Bok Kei-Dei

²⁰ Mă-lei minh tơdrong âu Inh ưh kơ lăp đon kơ iĕm, minh tơdrong iĕm kuă kơ pơpuh yă Jesebel bơngai kơnê̆ dêh. Sư khan sư bơngai pơtruh nơ̆r 'Bok Kei-Dei, mă-lei sư oei pơhlŭ lu đĭch đam Inh pơm pơyô ngôi kư̆ kă, sa tơmam đe soi sơmah kơ rup yang.

Tơdrông Tơ'bôh 2:20 ပူးပေါင်းရင်းမြစ်များ

I Pot 16:31

Sư lăng pơm yoch rok thoi Jêrôbôam kon drŏ-nglo Nêbat iĕ đĕch, sư iŏk Jêsebel kon drŏ-kăn Êtbaal pơtao đe Siđôn pơm akăn; sư bơ̆jang kơ yang Baal păng kơkuh kơ yang 'noh.

I Pot 17:13

Mă-lei Êli khan kơ sư: “Ih 'nĕ kơ hli, ih athei brŏk pơm hloi thoi ih khan 'noh, mă adrol ih athei yua tơpŭng 'noh pơm ăn kơ inh minh pôm 'bĕng iĕ, đơ̆ng noh ba ăn kơ inh tơ âu; đơ̆ng rŏng kơ 'noh ih pơm ăn kơ ih păng kon drŏ-nglo ih.

I Pot 17:4

Ih gô nhă đak thong Kêrit 'noh păng Inh gô wơh sem ak 'me rong ih tơ noh.”

II Pot 9:22

Lăp 'bôh Jêhu na Jôram jet: “Ơ Jêhu, hăm trŏ kơ ih năm wă kơ hiôk-hian?” Mă-lei, Jêhu tơl khan: “Na! Mưh khan mĕ ih yă Jêsebel oei kơkuh pơm yang,a pơm pơjâu, na wă hiôk hơiă liơ gơh?”

II Pot 9:7

Ih gô blah pơlôch adrĕch Ahap yŏng tơ'ngla ih păng Inh gô pơm 'mong pơrăm yă Jêsebel đêl pham bơngai mă sư pơlôch, lu bơngai khan lê̆ adrol, đĭch đam ĭnh, hăm pham đĭ-đăng đĭch đam Kră Yang.

Le 34:15

'Nĕ kơ pơgơ̆p hơdai hăm lu bơngai tơ lăm char noh. Mưh lu sư pơm pơyô kư̆ kă kơplah lu sư pơm yang, sư pơtơm ih sa, đơ̆ng noh ih gô sa hloi tơmam sư pơm yang.

Êsêkiên 13:17

Bĭ ih, ơ kon bơngai, tơwih muh măt blah plơ̆ lu kon drŏ-kăn pơlei iĕm, khan lê̆ adrol bĕ blah lu sư. Lu sư khan lê̆ adrol kiơ̆ kơ jơhngơ̆m đon kơdih.

Jang 15:20

Mă-lei bơ̆n chih kơ sư kơthơ athei sư 'nĕ kơ sa tơmam đe sơmah kơ yang kơnê̆ yua kơ bơ̆n rơgoh boih. Bơ̆n 'nĕ ngôi pơyô kư̆ kă. 'Nĕ kơ sa pham dôm sem bơ̆n rong păng sem bri. Hơdrol kơ wă pơm tơmam sa bơ̆n athei kăt dah 'bet tŭk lê̆ pham sư.

Jang 15:29

Iĕm 'nĕ kơ sa tơmam đe sơmah kơ yang kơnê̆ yua kơ bơ̆n rơgoh boih. 'Nĕ kơ sa pham dôm sem bơ̆n rong dah sem bri. Hơdrol kơ wă pơm tơmam sa bơ̆n athei kăt dah 'bet tŭk lê̆ pham sư 'noh; păng 'nĕ ngôi pơyô kư̆ kă. Yah iĕm pơm kiơ̆ kơ nơ̆r pơkă lăm kơthơ âu lei trŏ tơpă. Oei kơ iĕm mă 'lơ̆ng.”

I Kor 10:28

Mă-lei dah đei bơngai lui 'bơ̆t noh sư khan: “'Nhĕm 'noh 'nhĕm sư sơmah kơ yang.” Dah iĕm kơtơ̆ng thoi noh lei iĕm 'nĕ pă sa, yua kơ bôl bơ̆n tơchĕng yoch dah bơ̆n sa.

Tơdrông Tơ'bôh 2:14

Mă-lei Inh ưh kơ lăp đon kơ iĕm 'bar pêng tơdrong âu: Yua kơ đei lăm lu iĕm mơ'nah kiơ̆ tơdrong 'bok 'Balam. 'Bok 'Balam sơ̆ sư pơchŭt 'bok 'Balăk pơhlŭ lu bơngai Isơrael sa tơmam đe soi sơmah kơ rup yang păng wă kơ lu sư pơm pơyô kư̆ kă.

Tơdrông Tơ'bôh 2:4

Mă-lei inh sơ'ngon kơ iĕm minh tơdrong âu: Iĕm ưh pă 'mêm kơ Inh hăm 'mêm kơ bôl buăl dang iĕm 'mêm tơm hmơm iĕm lui sơ̆.