Tơdrông Tơ'bôh 19:14 - Sơ̆p Hlabơar Nơ̆r 'Bok Kei-Dei

¹⁴ Đĭ-đăng kơ linh kơpal plĕnh ti hrŭk ao kok rơgoh, tă kơ hao aseh kok kiơ̆ Sư ngăl.

Tơdrông Tơ'bôh 19:14 ပူးပေါင်းရင်းမြစ်များ

Horiso 68:17

Gre aseh Kră Yang 'Bok Kei-Dei 'bar hơngan. Lơ rơbâu hơngan, Kră Yang oei tơ lăm gre ei, năm đơ̆ng kông Sinai mơ̆t lăm anih rơgoh.

Tơdrông Pơđơk 31:22

Sư tanh lơ blah hơbĕn, khăn, ao hrŭk. Sư hrŭk ao 'lơ̆ng brai se, đak 'brê jơk.

Êsai 3:23

Kơmĭl lăng, ao, che klơ̆p kơ̆l păng che gom muh măt.

Sa 14:5

Lu iĕm gô kơdâu ôn tơ lăm sơlŭng trôm kông, yua kơ sơlŭng noh să truh tơ Atsan, lu iĕm gô kơdâu ôn thoi đe kơdâu đơ̆ng teh tơdrŏ chăl Ôsia, pơtao đe Juđa. Dang ei Kră Yang 'Bok Kei-Dei inh gô truh, đĭ-đăng lu bơngai 'lơ̆ng rơgoh gô truh hơdai ih.

Mathiơ 21:5

“Khan kơ kon pơlei pơla Jêrusalem hŏ: Pơtao iĕm wă mơ̆t tơ pơlei iĕm năr âu. Sư bơngai iơ̆m dim, Sư ưh kơ băt pơang akâu kơdih ôh; Sư hao minh pôm aseh iĕ, Sư oei kơpal kơdŭ aseh iĕ đĕch.”

Mathiơ 26:53

Dah Inh wă dang ei Inh gơh apinh 'Bă Inh tơjur tơpơh-jĭt rơbâu 'nu linh jang 'lơ̆ng Sư blah dŏng bơ̆n.

Mathiơ 28:3

Lăng sư nhen lĕ kơmlat, ao sư rang kok dêh.

II Tes 1:7

Sư ăn đĭ-đăng kơ lu bơ̆n huay kơ đei tơdrong gleh đơ̆ng năr Kră Yang Yêsu Krist jur đơ̆ng plĕnh. Sư jur hơdai hăm lu linh pran kơtang jang tơdrong Sư.

Ju 1:14

Ênŏk sư kon sâu jơhnơr mă tơpơh, jô̆ đơ̆ng jơhnơr Ađam. Sư đei pơma khan lê̆ hơdrol gah lu bơngai noh sơ̆ thoi âu: “Kră Yang wă jur hăm dôm rơbâu rơngan 'nu lu linh jang 'lơ̆ng Sư,

Tơdrông Tơ'bôh 14:1

Klaih kơ noh inh hue lăng inh 'bôh Kon Triu dơ̆ng tơ kơpal kông Siôn, Sư dơ̆ng hơdai păng lu đe minh-hrĕng puăn-jĭt puăn-rơbâu 'nu lu bơngai mă đei chơ̆m đŏng yâu Kon Triu păng đŏng yâu 'Bă Kon Triu tơ klĕng lu sư kơdih kơdih.

Tơdrông Tơ'bôh 14:20

Anih đe peh plei hơmu noh tơ 'ngoaih pơlei. Pham ro đơ̆ng tơpăl tơmo noh ataih dang pêng-hrĕng kơsô̆, jrŭ pham noh lơ̆p ako aseh.

Tơdrông Tơ'bôh 17:14

Đĭ lu sư iung blah Kon Triu, Kon Triu iung blah lu sư jei hloi Kon Triu, yua kơ Kon Triu Sư pơm Yŏng, Sư Yŏng kơ đĭ-đăng lu bơngai pơm yŏng; Sư pơm 'Bok Pơtao, Sư tih hloh kơ đĭ-đăng lu pơtao nai. Na dôm lu bơngai mă kiơ̆ Kon Triu, lu bơngai noh đơ̆ng 'Bok Kei-Dei rơih iŏk ngăl boih. Lu bơngai noh kiơ̆ tơpă ưh kơ wă achăng lê̆ Sư ôh.”

Tơdrông Tơ'bôh 19:11

Inh kư̆m 'bôh plĕnh tơpơih păng 'bôh hloi aseh kok tơ noh. 'Bok mă oei hao aseh ei đe anăn Sư 'Bok 'Lơ̆ng Tơpăt. Tơdrong Sư sek tơlang đe kư̆m tơpăt, mă Sư blah rôp lu bơngai ayăt kơ Sư kư̆m kiơ̆ tơdrong tơpăt.

Tơdrông Tơ'bôh 19:8

'Bok Kei-Dei ăn kơ akăn Sư hrŭk ao che 'bui kok hơdah rang dêh.” Ao che 'bui kok hơdah rang noh wă pơtih gia kơ lu kon 'Bok Kei-Dei jing bơngai 'lơ̆ng tơpăt boih.

Tơdrông Tơ'bôh 3:4

Lăm pơlei iĕm kư̆m oei đei mơ̆n bơngai lui kơjăp mă ưh kơ lơ. Ao lu sư ưh kơ mơgrĭ thoi ao lu bơngai nai ôh. Ning-mônh lu sư gô hrŭk ao kok nơnăm hơdai păng Inh, yua kơ lu sư lui kơjăp.

Tơdrông Tơ'bôh 4:4

Tăp dăr kơ tang-dŏ 'Bok Pơtao ei đei 'bar-jĭt puăn tŏ tang-dŏ nai, đei 'bar-jĭt puăn 'nu lu đe kră oei tơ tang-dŏ ei. Lu sư tă hrŭk ao tai kok păng yơ̆l môk maih.

Tơdrông Tơ'bôh 7:9

Klaih kơ noh inh 'bôh lơlap lơlang ưh kơ kĕ jô̆ ôh, yua kơ đơ̆ng rim dêh char, rim adrĕch adrung, rim khŭl bơngai, rim kơ nơ̆r pơma, lu sư dơ̆ng 'bơ̆t anăp tang-dŏ 'Bok Kei-Dei păng Kon Triu. Lu sư tă ling hrŭk ao tai kok păng chĕp sơdrai hla.