Tơdrông Tơ'bôh 19:1 - Sơ̆p Hlabơar Nơ̆r 'Bok Kei-Dei

¹ Đơ̆ng noh inh kơtơ̆ng tơ plĕnh ti thoi lĕ kơ 'bơ̆r bơngai tơpôl lơ pơma 'bơ̆r re khan: “Halêluya, ư-ang kơ 'Bok Kei-Dei dŏng pơklaih kon bơngai. Sư mơsêh mơyang tih-tin tơpă.

Tơdrông Tơ'bôh 19:1 ပူးပေါင်းရင်းမြစ်များ

I Ho 29:11

Ơ Kră Yang Ih bơih, tih hloh mơsêh mơyang pran kơtang trŏ kơ hơri ư-ang, krưp rang mơnhal. Ơ Kră Yang đĭ-đăng kơpal plĕnh ala teh gah Ih ngăl. Dêh char pơtao gah Ih păng Ih boih yŏng kơ đĭ-đăng.

Horiso 104:35

Ăn kơ lu bơngai yoch lôch hiong đĭ đơ̆ng teh đak. Păng lu bơngai pơm kơnê̆ pă đei dơ̆ng, Ơ bơhngol inh hơri bơnê bĕ kơ Kră Yang: Halêluya!

Horiso 106:1

Halêluya! Kơkuh bơnê bĕ kơ Kră Yang, yua kơ Sư 'lơ̆ng. Tơdrong 'mêm Sư oei oei ling-lang,

Horiso 111:1

Halêluya! Inh hơri bơnê kơ Kră Yang hăm đĭ jơhngơ̆m. Lăm năr lu bơngai 'lơ̆ng tơpăt akŭm tih.

Horiso 115:18

Mă-lei lu nhôn gô hơri bơnê kơ Kră Yang. Đơ̆ng dang ei dĭng truh tơ ning-mônh ling-lang hloi, Halêluya!

Horiso 146:1

Halêluya! Ơ bơhngol inh hơri ư-ang bĕ kơ Kră Yang.

Horiso 148:1

Halêluya! Đơ̆ng jơ̆p-jang kơpal plĕnh hơri ư-ang bĕ kơ Kră Yang! Hơri ư-ang bĕ kơ Sư lăm anih kơpal hloh!

Horiso 149:1

Halêluya! Hơri bĕ kơ Kră Yang minh 'bai hơri 'nao! Hơri bĕ kơ Sư lăm khŭl bơngai 'lơ̆ng rơgoh Sư akŭm.

Horiso 150:1

Halêluya! Bơnê ư-ang bĕ kơ Kră Yang 'Bok Kei-Dei lăm anih 'lơ̆ng rơgoh Sư! Hơri ư-ang bĕ kơ mơsêh mơyang Sư tơ kơpal plĕnh.

Horiso 3:8

Tơdrong dŏng pơklaih đơ̆ng Kră Yang, Apinh Ih ăn tơdrong pŭn hiôk tih kơ kon pơlei pơla Ih. Sêla

Horiso 62:11

Kră Yang 'Bok Kei-Dei đei khan, thoi âu: Inh kơtơ̆ng 'bar wơ̆t tơdrong mơsêh noh Kră Yang 'Bok Kei-Dei.

Je 51:48

Kơplah noh plĕnh, teh păng đĭ-đăng tơmam tơ plĕnh lăm teh, gô hơri chơt hiôk kơ Babilôn, yua kơ linh pơlôch pơrăm năm đơ̆ng yă-nơ̆m wă năm blah pơrăm dêh char Babilôn,” Noh Kră Yang khan.

Jôna 2:9

Mă-lei inh iŏk nơ̆r hơri bơnê păng iŏk tơmam soi pơyơ̆r kơ Ih; Inh gô pơkeh dôm nơ̆r inh mă đei pơkă boih. Tơdrong dŏng pơklaih đơ̆ng Kră Yang!

Mathiơ 6:13

Apinh Ih 'nĕ ăn kơ nhôn lui kơ đe pơhlŭ pơlung. Apinh Ih dŏng pơklaih nhôn đơ̆ng tơdrong kơnê̆, kơlih kơ dêh char Ih, tơdrong mơsêh mơyang Ih, tơdrong 'lơ̆ng rŏ Ih oei tơ Ih ling-lang. A-men.’

Tơdrông Tơ'bôh 11:15

Truh tơ linh jang 'lơ̆ng mă tơpơh hlôm keng, đei nơ̆r pơma re tơ plĕnh khan: “Dang ei tôm kơ adrĕch adrung kon bơngai ala teh Kră Yang bơ̆n pơgơ̆r ngăl boih. Sư kư̆m ăn kơ 'Bok Krist pơgơ̆r đĭ kơ adrĕch adrung kon bơngai mơ̆n, Sư pơgơ̆r ling-lang ưh kơ layơ tôch.”

Tơdrông Tơ'bôh 12:10

Klaih kơ noh na inh kơtơ̆ng 'bơ̆r pơma re tơ plĕnh ti khan: “Dang ei Kră Yang bơ̆n 'Bok Kei-Dei blah dŏng kon bơngai boih, Sư yua tơdrong mơsêh mơyang Sư blah iŏk kon bơngai đơ̆ng yang Satan pơgơ̆r, na Sư wă pơgơ̆r kơdih. Na Sư kư̆m ăn kơ 'Bok Krist pơgơ̆r mơ̆n, yua kơ yang Satan thuơ huŏng tơ teh boih. Sư boih nŏng kơ pơma 'bơ̆t anăp 'Bok Kei-Dei jô̆ kơ lu buăl bơ̆n khan bơngai yoch bơngai kơnê̆ wă kơ 'Bok Kei-Dei tŭk lu buăl bơ̆n.

Tơdrông Tơ'bôh 19:6

Đơ̆ng noh inh kơtơ̆ng 'bơ̆r bơngai tơpôl pơma jơwa thoi đak chơkơi, thoi grơ̆m glaih thoi âu: “Halêluya, ư-ang kơ 'Bok Kei-Dei Kră Yang Tih Hloh. Sư wă pơgơ̆r tôm tơdrong ngăl boih.