Tơdrông Tơ'bôh 18:13 - Sơ̆p Hlabơar Nơ̆r 'Bok Kei-Dei

¹³ bơ̆n kơđoh 'long kuê̆, bơ̆n tơmam 'bâu phu wă pơm kơ tơmam sa, bơ̆n kơđoh 'long tơ'băr đe pơm ŭnh nhang, bơ̆n gơhlâu 'bâu phu; bơ̆n sik, đak rơmă, tơpŭng đe pơm 'bĕng mi, bơ̆n 'ba sa; lu sem dơrong, thoi kơ rơmo, triu, aseh, akâu gre aseh; lu bơngai đĭch đe kư̆m đei tĕch mơ̆n, dang đe tĕch bơhngol kon bơngai.

Tơdrông Tơ'bôh 18:13 ပူးပေါင်းရင်းမြစ်များ

I Pot 10:10

Yă pơtao ăn kơ pơtao Sôlômôn minh-hrĕng 'bar-jĭt talâng (kĭ) maih, ăn lơ 'long pơgang 'bâu phu păng lu tơmo gĭt. Ưh tam đei bu chĕp 'long pơgang 'bâu phu lơ dang yă pơtao dêh Sêba chĕp ba ăn kơ pơtao Sôlômôn.

I Pot 10:15

Ưh kơ jô̆ maih iŏk đơ̆ng lu bơngai mơdro păng đơ̆ng lu anih tĕch mơdro hăm lu teh đak 'nguaih, đơ̆ng đĭ lu pơtao dêh Arơ̆p păng đơ̆ng lu yŏng pơgơ̆r tơ rim char chĕp ba ăn kơ sư.

I Pot 10:25

Rim sơnăm, bu năm kư̆m chĕp ba tơmam pơyơ̆r ăn kơ pơtao, mơ'nah pơm păng hu mơ'nah pơm păng maih, hơbĕn ao, đao hơlă, đak pơgang 'bâu phu, aseh, aseh iĕ.

I Ho 5:21

Lu sư đei rôp iŏk khŭl sem dơrong lu kon pơlei Hagrit, pơđăm-jĭt rơbâu aseh lăk-đa, 'bar-hrĕng pơđăm-jĭt rơbâu triu, 'bar-rơbâu aseh iĕ păng hăm minh-hrĕng rơbâu 'nu bơngai.

II Ho 9:9

Đơ̆ng noh sư ăn kơ pơtao minh-hrĕng 'bar-jĭt talâng maih, tơmam 'bâu phu lơ tơpă păng tơmo gĭt, tam biơh đei tơmam 'bâu phu thoi noh đơ̆ng sơ̆ thoi tơmam 'bâu phu đơ̆ng thoi yă pơtao char Seba ăn kơ pơtao Sôlômôn.

Ne 5:8

Khan thoi âu: “Kiơ̆ kơ lu bơ̆n gơh đei huai boih 'nhŏng oh lu bơ̆n, bơngai Juđa mă đe tĕch tơ lu adrĕch nai, na dang ei iĕm wă 'maih tĕch lu 'nhŏng oh bơ̆n dơ̆ng hă? Na lu sư wă tĕch tơ lu bơ̆n dơ̆ng hă?” Lu sư ngăn hreh ưh pă gơh wă pơma kiơ dơ̆ng.

Le 21:16

Bơngai bu rôp tơtông bơngai păng tĕch, dah oei rôp bơwei lăm ti sư, đe gô sek pơlôch sư.

Tơdrông Pơđơk 7:17

Iŏk 'long pơgang 'bâu phu lu 'long hol, pik lê̆ sư kơpal giơng inh 'bĭch.

Hơri Hiôk 1:3

Đak pơgang ih 'bâu phu, Đe ư-ang kơ ih thoi đak pơgang 'bâu phu; Thoi noh na lu adruh 'nao iung hưch kơ ih.

Hơri Hiôk 3:6

Bơngai bu lĕch đơ̆ng char glă to noh, Dơhmôl thoi jrăng 'nhui Bluh hơyuh 'bâu phu. Hăm tôm tơdrong 'bâu phu đơ̆ng kơ lu bơngai mơdro tĕch?

Hơri Hiôk 5:5

Inh iung wă pơih kơ pơyô inh 'măng Inh tơdjoh pơgang 'bâu phu tơ hơnglâu ti inh, Đak pơgang 'bâu phu ro hloi tơ chơkăl 'măng

Êsai 50:1

Kră Yang khan: “Hla bơar achăng mĕ lu iĕm tơ yơ bơih? Bơngai mă Inh hrĕch achăng bơih. Dah bu mă tơ'ngla Inh hre. Mă đêl inh tĕch lu iĕm ăn kơ tơ'ngla noh? Inh tĕch iĕm yua kơ đơ̆ng tơdrong yoch iĕm kơdih: Hrĕch achăng lê̆ mĕ lu iĕm yua kơ đơ̆ng tơdrong kơnê̆ lu iĕm pơm.

Êsêkiên 27:13

Lu bơngai char Jawan, Tubal păng Mêsêk mơdro hăm ih, lu sư iŏk kong, iŏk lu bơngai đĭch tơplih iŏk tơmam đơ̆ng ih.

Am 2:6

Kră Yang khan: Yua kơ đơ̆ng kon pơlei Isơrael rai pơm yoch hloh kơ adrol, na inh ưh kơ lê̆ ôh wă phak lu sư, yua kơ lu sư tĕch boih lu bơngai tơpăt yua kơ jên păng tĕch lu bơngai dơnuh hin yua kơ hơgrop chơkhŏ chuă.

Am 6:6

Lu iĕm huch sik hăm pơnhan mŏng tih, yua pơgang 'bâu phu kăp jên pik tơ akâu wă kơ 'bâu phu kơdih akâu, ưh pă 'blŏk boih tơdrong truh kơ adrĕch Jôsep!

Am 8:6

Wă kơ lu bơ̆n iŏk jên noh na răt iŏk lu bơngai mă pơmat-tat, iŏk minh hơgrop chơkhŏ tơplih bơngai dơnuh hin păng tĕch pơđĭ truh tơ lu 'ba mi bo.

Both 24:7

Tơdah đei bơngai bu rôp tơtông iŏk lu 'nhŏng oh iĕm bơngai Isơrael păng rôp pơm đĭch, dah rôp tĕch, lei bơngai tơtông noh athei pơlôch. Lu iĕm athei hơpuih pơgoh lê̆ tơdrong kơnê̆ đơ̆ng lăm lu iĕm.

Both 28:68

Kră Yang gô chông ba iĕm hăm duk hơlơ̆k brŏk tơ dêh Êyiptơ dơ̆ng; mă khan Sư đei pơkă hăm lu iĕm ưh pă đei layơ wă wih brŏk tơ noh dơ̆ng; lu iĕm gô tĕch akâu iĕm kơ lu bơngai ayăt pơm đĭch, đĭ drŏ-nglo dah drŏ-kăn, mă-lei ưh kơ đei bu wă răt.

I Tim 1:10

lu bơngai ngôi pơyô kư̆ kă, lu bơngai tơduă drŏ-nglo tơngôi băl, lu bơngai chă rôp tĕch đe, lu bơngai chă hơlĕnh kơ đe, lu bơngai jâu pơlơ̆m kơ đe, hăm dôm lu bơngai hŭt lê̆ tơdrong 'lơ̆ng tơpăt.

II Pet 2:3

Yua kơ lu sư bơngai ham dêh, na lu sư kư̆m hơlĕnh pơdăr kơ iĕm, wă kơ đei sa jên tơmam iĕm. Mă đơ̆ng sơ̆ 'Bok Kei-Dei phak lu bơngai thoi noh ngăl, na lu bơngai noh kơnh 'Bok Kei-Dei kư̆m phak mơ̆n, ưh kơ lê̆ ôh.

Tơdrông Tơ'bôh 18:14

Lu bơngai juăt kơ mơdro sa khan kơ sư: “Rim kơ plei 'long lăp kơ hơlŏng 'maih sa ưh pă đei boih, dôm lu tơmam sa 'lơ̆ng 'lơ̆ng, dôm lu tơmam gĭt kăp jên, hiong đĭ ưh pă layơ wă đei dơ̆ng.”

Tơdrông Tơ'bôh 18:15

Lu bơngai juăt kơ mơdro sa, lu sư juăt kơ năm mơdro tơ pơlei noh na jing mơdrŏng, lu sư tơmang lăng đơ̆ng ataih hli kơ tơdrong truh kơ lu sư păng nhơ̆m hmoi ơh ăk păk jăl,