Tơdrông Tơ'bôh 14:18 - Sơ̆p Hlabơar Nơ̆r 'Bok Kei-Dei

¹⁸ Đei dơ̆ng minh 'nu linh jang 'lơ̆ng nai, sư lĕch đơ̆ng anih chơnang soi. Sư wei-lăng ŭnh tơ anih chơnang soi. Na sư pơma 'bơ̆r re kơ buăl sư mă đei chĕp săng kô han noh thoi âu: “Săng kô ih noh, ih năm kăt pơđĭ lu hơie plei hơmu lăm war tơ ala teh sŭng, yua kơ plei hơmu noh kư̆m truh bơyan sư đum boih.”

Tơdrông Tơ'bôh 14:18 ပူးပေါင်းရင်းမြစ်များ

Jôel 3:13

Iŏk săng kô yuă bĕ, yua kơ 'ba đum boih. Năm juă bĕ, yua kơ anih hmĕt đak hơmu 'bĕnh bơih; lăm kơthŭng 'bĕnh blai, yua kơ tơdrong kơnê̆ lu sư tih dêh boih.

Markôs 4:29

Lăp 'ba đum boih, na tơ'ngla sư wơh đe năm kĕch, yua kơ trŏ bơyan 'ba đum boih.”

Tơdrông Tơ'bôh 16:7

Na inh kơtơ̆ng 'bơ̆r pơma đơ̆ng chơnang soi, sư khan thoi âu: “Ơ 'Bok Kei-Dei Kră Yang Tih Hloh, trŏ tơpă mă Ih phak thoi noh.”

Tơdrông Tơ'bôh 16:8

Klaih kơ noh linh jang 'lơ̆ng mă puăn tuh đak pơgang sư tơ măt 'năr, pơm kơ măt 'năr tŏ phang hơnơ̆ng hơnong wă kơ tŏ sa pơmat kon bơngai.

Tơdrông Tơ'bôh 8:3

Đei minh 'nu linh jang nai dơ̆ng, sư dơ̆ng 'bơ̆t anăp chơnang soi, sư chĕp minh pôm kơlăm maih păng đe ăn kơ sư minh achô̆ ŭnh nhang wă soh kơplah đĭ-đăng bơngai lui oei krao khan, wă kơ 'bâu phu. Na sư pơyơ̆r ŭnh nhang noh kơ 'Bok Kei-Dei 'măn 'bơ̆t chơnang soi tơklă tang-dŏ 'Bok Kei-Dei.