Tơdrông Tơ'bôh 14:15 - Sơ̆p Hlabơar Nơ̆r 'Bok Kei-Dei

¹⁵ Đơ̆ng noh đei minh 'nu linh jang 'lơ̆ng nai dơ̆ng lĕch đơ̆ng hnam 'Bok Kei-Dei tơ plĕnh, sư pơma 'bơ̆r re kơ 'Bok mă oei kơpal hơmơ̆l thoi âu: “Dang ei mir 'ba tơ ala teh sŭng truh bơyan sư đum boih, iŏk săng kô Ih yuă bĕ.”

Tơdrông Tơ'bôh 14:15 ပူးပေါင်းရင်းမြစ်များ

Bl 15:6

Abram lui tơpă kơ Kră Yang, na Kră Yang jô̆ sư bơngai tơpăt.

Êsai 62:1

Yua kơ Siôn na inh ưh kơ đei ngăn hreh ôh, yua kơ Jêrusalem na Inh ưh kơ đei pơdơh hiôk ôh. Dĭng truh tơ layơ tơdrong 'lơ̆ng tơpăt sư pơchrang thoi hơdah 'mơ̆i păng tơdrong dŏng pơklaih sư khơ̆ng thoi lĕ pla ŭnh hơchô̆ hơpaih.

Je 51:33

'Nâu Kră Yang Tih Hloh 'Bok Kei-Dei Isơrael khan: “Đĭ-đăng bơngai Babilôn thoi dơnih đe pơjuă 'ba, trŏ bơyan đe pơjuă 'ba; ưh pă đunh boih bơyan yuă 'ba wă truh kơ sư.

Jôel 3:13

Iŏk săng kô yuă bĕ, yua kơ 'ba đum boih. Năm juă bĕ, yua kơ anih hmĕt đak hơmu 'bĕnh bơih; lăm kơthŭng 'bĕnh blai, yua kơ tơdrong kơnê̆ lu sư tih dêh boih.

Mathiơ 13:30

Lê̆ 'ba hăm 'nhĕt wơ̆ hơdai truh đum kư̆m bưh na inh gô khan kơ iĕm bơngai mă kĕch 'ba noh ning-mônh thoi âu: Hơdrol kơ iĕm wă kĕch, iĕm buch pơđĭ 'nhĕt noh 'mơ̆i chô̆ akŭm tung tŭk tơ ŭnh, đơ̆ng noh na iĕm kĕch tuh 'ba bơ̆n tơ kŭ.’ ”

Mathiơ 13:39

Bơngai mă rei găr 'nhĕt noh wă khan yŏng pơgơ̆r yang kơnê̆. Bơyan 'ba noh wă khan năr tôch ning-mônh. Lu bơngai kĕch noh wă khan lu linh jang 'lơ̆ng.

Mathiơ 23:32

Iĕm wă pơm thoi lu sư noh pơm bĕ.

Markôs 4:29

Lăp 'ba đum boih, na tơ'ngla sư wơh đe năm kĕch, yua kơ trŏ bơyan 'ba đum boih.”

I Tes 2:16

Lu bơngai Juđê găn nhôn bơtho tơdrong 'Bok Kei-Dei kơ bơngai ưh kơ khŭl lu sư. Mă-lei nhôn oei bơtho mơ̆n. Lu sư ưh kơ wă bơngai khŭl nai thoi iĕm klaih đơ̆ng tơdrong yoch. Lu sư pơm thoi noh lu sư yoch tơpă hloi. Lu sư ling-lang pơm yoch thoi noh. Ning-mônh 'Bok Kei-Dei gô phak lu sư tơpă.

Tơdrông Tơ'bôh 11:19

Inh 'bôh hnam 'Bok Kei-Dei tơ plĕnh ti pơih 'măng, na inh 'bôh hom tih đe tah tơmo lat chih tơdrong 'Bok Kei-Dei pơkă kơ kon bơngai sơ̆. Na đei grơ̆m glaih tơdrăng kơmlat kơchêr kơchar, teh adrŏ mơ'nưt mơ'nat păng 'mi pru prĕl tih.

Tơdrông Tơ'bôh 13:12

Sư gơh pơm tôm tơdrong thoi sem mă mônh kiơ̆ kơ sem mă mônh ăn. Na sư chă pơgŏ đĭ-đăng kơ kon pơlei pơla mă oei tơ teh athei kơkuh kơ sem mă mônh, sem mă đêl rơka kơ đe 'bet mă klaih boih.

Tơdrông Tơ'bôh 14:14

Đơ̆ng noh inh lăng dơ̆ng na 'bôh hơmơ̆l kok. Kơpal hơmơ̆l kok noh inh đei 'bôh minh 'nu hơbŏ thoi Kon Bơngai. Sư yơ̆l môk maih păng Sư chĕp săng kô han.

Tơdrông Tơ'bôh 14:16

Thoi noh na 'Bok mă oei kơpal hơmơ̆l noh Sư năm yuă iŏk pơđĭ lu 'ba noh.

Tơdrông Tơ'bôh 14:17

Đơ̆ng noh đei minh 'nu linh jang 'lơ̆ng nai lĕch đơ̆ng hnam 'Bok Kei-Dei tơ plĕnh mơ̆n, sư kư̆m đei săng kô han.

Tơdrông Tơ'bôh 14:18

Đei dơ̆ng minh 'nu linh jang 'lơ̆ng nai, sư lĕch đơ̆ng anih chơnang soi. Sư wei-lăng ŭnh tơ anih chơnang soi. Na sư pơma 'bơ̆r re kơ buăl sư mă đei chĕp săng kô han noh thoi âu: “Săng kô ih noh, ih năm kăt pơđĭ lu hơie plei hơmu lăm war tơ ala teh sŭng, yua kơ plei hơmu noh kư̆m truh bơyan sư đum boih.”

Tơdrông Tơ'bôh 15:6

Na tơpơh 'nu lu linh jang mă wă iŏk tơpơh pơnhan đak pơgang wă pơmat đe ei, lu sư lĕch đơ̆ng hnam 'Bok Kei-Dei noh tă hrŭk ao tai kok rơgoh ngăl păng chô̆ gơ'năm maih tơ kơtơh lu sư.

Tơdrông Tơ'bôh 16:17

Linh jang mă tơpơh tuh đak pơgang đơ̆ng pơnhan sư tơ kơpal rơwơ̆ng ti. Klaih kơ noh na inh kơtơ̆ng 'bơ̆r 'Bok Kei-Dei pơma re đơ̆ng tang-dŏ Sư lăm hnam khan: “Thôi, asong kon bơngai pơmat dôm noh boih.”

Tơdrông Tơ'bôh 6:10

Đĭ dôm lu sư pơma pơret khan: “Ơ 'Bok Kei-Dei, Ih Kră Yang 'lơ̆ng tơpăt. Layơ Ih wă sek tơlang phak lu bơngai mă oei tơ ala teh pơlôch nhôn sơ̆?”