Tơdrông Tơ'bôh 11:13 - Sơ̆p Hlabơar Nơ̆r 'Bok Kei-Dei

¹³ Kơtă ei đei hloi teh adrŏ tih, mơjĭt tŏ kueng pơlei pơchah răm minh pah kueng. Đei tơpơh-rơbâu 'nu bơngai lôch yua kơ teh adrŏ noh. Lu bơngai mă oei arih huay truh tơdrong noh, lu sư hli tơrơ dêh, na pơma ư-ang Kră Yang 'Bok Kei-Dei tơ plĕnh.

Tơdrông Tơ'bôh 11:13 ပူးပေါင်းရင်းမြစ်များ

Bl 6:4

Chăl noh păng chăl đơ̆ng rŏng kơ noh đei lu bơngai mă tih kơjung arih kơpal teh, yua kơ tơdăm yang oei hơdai hăm lu adruh kon bơngai na pơjing kon hơ'lơ̆p; noh lu bơngai nuih kơtang sơ̆ đe ư-ang kơ lu sư.

Êsai 29:6

Kră Yang Tih Hloh gô yua grơ̆m glaih, teh pơpơ̆, jơwa re, păng pla ŭnh soh phak lu sư.

Je 13:16

Ư-ang bĕ kơ Kră Yang 'Bok Kei-Dei iĕm, adrol kơ Sư wă ăn măng mu truh, adrol kơ jơ̆ng lu iĕm kơtơih 'bơm kông măng mu gueo. Kơplah lu iĕm chă hơdah ră, Sư tơplih tă tơ măng mu, Sư gô ăn kơ măng mu jing măng klăm hơ'bơ̆l gueo.

Malachi 2:2

Tơdah lu iĕm ưh kơ mơ̆ng, tơdah iĕm ưh kơ đei răk lăm jơhngơ̆m ư-ang kơ anăn Inh,” lei Kră Yang Tih Hloh khan: “Inh gô tơjur tơdrong hiap pơtê̆ tơ kơpal lu iĕm păng Inh gô hiap pơtê̆ lu tơdrong 'lơ̆ng rŏ lu iĕm; păng Inh gô hiap boih, yua kơ lu iĕm ưh kơ đei răk lăm jơhngơ̆m iĕm.

Yo 9:24

Na lu sư krao bơngai đêl măt tol ei minh 'măng dơ̆ng na jet sư: “Ih bơnê kơ 'Bok Kei-Dei đĕch hŏ măt ih gơh 'bôh hơdah boih. Gah nhôn băt kơ Yêsu bơngai yoch tơpă.”

Jang 1:15

Kơplah noh sơ̆, minh năr ei đei dang lăp minh-hrĕng 'bar-jĭt 'nu bơngai akŭm dih băl, Pêtrôs iung 'bơ̆t tŏk-bŏk bôl sư khan hloi:

Jôsuê 7:19

Jôsuê khan kơ Akan: Ô dăm! Athei băt kơkuh ư-ang kơ Kră Yang 'Bok Kei-Dei Isơrael păng bơnê kơ Sư; roi tơbăt bĕ, kơ inh dăm ih đei pơm tơdrong kiơ boih, 'nĕ ôn kơ inh tơdrong noh.

Tơdrông Tơ'bôh 11:11

Lăp kơtĕch pêng năr minh puăt na 'Bok Kei-Dei tơiung arih bre sư, ăn kơ bre sư gơh dui jơhngơ̆m klaih kơ noh iung hloi. Lu đe mă 'bôh bre sư iung arih hli tơrơ dêh.

Tơdrông Tơ'bôh 11:19

Inh 'bôh hnam 'Bok Kei-Dei tơ plĕnh ti pơih 'măng, na inh 'bôh hom tih đe tah tơmo lat chih tơdrong 'Bok Kei-Dei pơkă kơ kon bơngai sơ̆. Na đei grơ̆m glaih tơdrăng kơmlat kơchêr kơchar, teh adrŏ mơ'nưt mơ'nat păng 'mi pru prĕl tih.

Tơdrông Tơ'bôh 14:7

Na sư pơma 'bơ̆r re kơ đe wă kơ đe kơtơ̆ng, sư khan thoi âu: “Iĕm athei băt hli kơ 'Bok Kei-Dei păng ư-ang kơ Sư, yua kơ Sư wă sek tơlang iĕm boih. Kơkuh kơ Sư bĕ, yua kơ Sư Yang pơjing plĕnh teh, pơjing đak dơsĭ, pơjing tôm kơ tu đak.”

Tơdrông Tơ'bôh 15:4

Ơ Kră Yang, đĭ-đăng bơngai băt hli kơ Ih, păng ư-ang anăn Ih, yua kơ pôm Ih đĕch pơm 'lơ̆ng tơpăt. Đĭ rim khŭl bơngai băt năm kơkuh 'bơ̆t anăp Ih, yua kơ Ih sek tơlang tơpăt ngăl.”

Tơdrông Tơ'bôh 19:7

Bĕ bơ̆n hiôk chơt, bĕ bơ̆n 'nă hal, ư-ang anăn 'Bok Kei-Dei yua kơ trŏ năr Kon Sư Kon Triu wă iŏk akăn. Akăn Sư kư̆m hơmet tôm tơdrong đang boih.

Tơdrông Tơ'bôh 3:4

Lăm pơlei iĕm kư̆m oei đei mơ̆n bơngai lui kơjăp mă ưh kơ lơ. Ao lu sư ưh kơ mơgrĭ thoi ao lu bơngai nai ôh. Ning-mônh lu sư gô hrŭk ao kok nơnăm hơdai păng Inh, yua kơ lu sư lui kơjăp.

Tơdrông Tơ'bôh 6:12

Kon Triu hek dơ̆ng tơdra mă tơdrâu, na inh 'bôh teh adrŏ tih mơ'nưt mơ'nat, măt 'năr mah jing măng mu suek dang che găm, măt khei lăp pơnil mah jing thoi pham.

Tơdrông Tơ'bôh 8:5

Klaih kơ noh sư kep iŏk ŭnh ngar đơ̆ng chơnang soi tah lăm kơlăm maih klơ̆m hloi tơ teh, na đei grơ̆m glaih tơdrăng kơmlat kơchêr kơchar păng đei teh adrŏ mơ'nưt mơ'nat.

I Sam 6:5

Pơm bĕ lu rup pơtôch păng lu rup kơne mă oei pơrăm phe 'ba, na lu iĕm pơyơ̆r ư-ang kơ Kră Yang 'Bok Kei-Dei đe Isơrael; Rŏ lăng sư huay pă ăn tơdrong truh phak lu iĕm, lu yang iĕm păng mir 'ba dêh char iĕm.