Tơdrông Tơ'bôh 1:13 - Sơ̆p Hlabơar Nơ̆r 'Bok Kei-Dei

¹³ 'Bơ̆t tŏk-bŏk jơ̆ng kơđeng noh inh 'bôh minh 'nu hơbŏ Sư thoi Kon Bơngai. Sư hrŭk ao tai păng chô̆ gơ'năm maih tơ kơtơh Sư.

Tơdrông Tơ'bôh 1:13 ပူးပေါင်းရင်းမြစ်များ

Le 39:5

Tơlei tơ̆n đe tanh hăm brai se sĭt tơklep 'bơ̆t ao êphot, lu sư tanh lei-lăi thoi ao păng tơklep sư tơ ao, pơm sôr sư hăm maih, brai jơk, 'brê gôh, 'brê hơhĭm, tanh hăm brai se. Kiơ̆ thoi Kră Yang pơkă boih kơ Môis.

Êsai 11:5

Tơdrong 'lơ̆ng tơpăt noh thoi tơlei tơ̆n Sư, tơdrong tơnăp sĭt noh thoi tơlei tơ̆n tơ kơiĕng Sư.

Da 10:16

'Nâu, đei minh 'nu hơbŏ sư thoi tơdăm kon bơngai năm pel 'bơ̆r inh. Na 'bơ̆r inh ha pơma hăm yang mă dơ̆ng 'bơ̆t anăp inh thoi âu: Ơ yŏng inh, tơdrong truh dơ̆ng kơ inh yua kơ tơdrong tơ'bôh âu, na inh ưh pă đei jơhngơ̆m boih.

Da 7:13

Inh kư̆m lăng dôm tơdrong inh đei apo 'bôh kơmăng noh. 'Nâu, inh 'bôh dơ̆ng minh 'nu Yang thoi kon bơngai jur hăm hơmơ̆l đơ̆ng plĕnh; Sư truh tơ 'Bok Arih đơ̆ng sơ̆ păng đe ba sư 'bơ̆t anăp 'Bok Arih đơ̆ng sơ̆.

Da 7:9

Inh oei lăng dĭng đe dan lu tang-dŏ pơtao păng đei kră mă oei arih đơ̆ng sơ̆ hơ-oei kơpal tang-dŏ noh. Ao sư kok thoi prĕl păng sŏk sư rơgoh thoi sŏk triu. Tang-dŏ pơtao sư noh pla ŭnh păng lu tang-wang gre sư kư̆m pla ŭnh.

Lêwi 8:7

Sư pơhrŭk ăn ao hơ'bơ̆l, tơ̆n ăn tơlei tơ̆n, sư pơhrŭk ăn ao tai êphot păng tơ̆n tơlei tơ̆n êphot đe tanh wê̆; wă kơ êphot huay kơ tơpleh.

Hêbrơ 4:15

Sư ưh kơ sĭ 'bok soi mă ưh kơ băt mơnat kơ kon bơngai rơdu tơrăn ôh. Sư mơnat kơ bơ̆n tơpă, yua kơ Sư mơn kơdih hơdai đei tơdrong pơhlŭ thoi kon bơngai bơ̆n. Gah tơdrong pơm yoch, Sư ưh kơ đei pơm yoch kiơ ôh.

Tơdrông Tơ'bôh 14:14

Đơ̆ng noh inh lăng dơ̆ng na 'bôh hơmơ̆l kok. Kơpal hơmơ̆l kok noh inh đei 'bôh minh 'nu hơbŏ thoi Kon Bơngai. Sư yơ̆l môk maih păng Sư chĕp săng kô han.

Tơdrông Tơ'bôh 15:6

Na tơpơh 'nu lu linh jang mă wă iŏk tơpơh pơnhan đak pơgang wă pơmat đe ei, lu sư lĕch đơ̆ng hnam 'Bok Kei-Dei noh tă hrŭk ao tai kok rơgoh ngăl păng chô̆ gơ'năm maih tơ kơtơh lu sư.

Tơdrông Tơ'bôh 2:1

“Ih chih kơthơ âu kơ kră wei-lăng hnam akŭm 'Bok Kei-Dei tơ Pơlei Êphêsô thoi âu: 'Bok mă chĕp tơpơh tŏ sơnglŏng tơ ti 'ma Sư, mă Sư nơnăm lăm tŏk-bŏk jơ̆ng kơđeng maih noh Sư wă pơma kơ iĕm thoi âu: