Tơdrông Pơđơk 9:8 - Sơ̆p Hlabơar Nơ̆r 'Bok Kei-Dei

⁸ 'Nĕ chrih bơtho bơngai juăt kơ blei hiap đe, kơnh sư hil kơ ih. Chrih bĕ kơ bơngai gơh hơgei, na sư gô 'mêm kơ ih.

Tơdrông Pơđơk 9:8 ပူးပေါင်းရင်းမြစ်များ

I Pot 1:23

Đe roi kơ pơtao: “Đei Nathan bơngai khan lê̆ adrol truh.” Nathan năm truh 'bơ̆t anăp pơtao kŭp kơ̆l drap kơkuh.

I Pot 1:32

Pơtao Đawit khan: “Krao 'bok soi Sadok, krao Nathan bơngai khan lê̆ adrol păng krao Bênaia kon drŏ-nglo Jêhôiada năm tơ âu;” thoi noh na lu sư năm tơ anăp pơtao.

I Pot 22:8

Pơtao Isơrael tơl Jêhôsaphat khan: “Đei oei pă minh 'nu anăn sư Mikai kon drŏ-nglo Imla; đơ̆ng sư 'noh bơ̆n gơh krao apinh jet Kră Yang; mă-lei inh areh kơ sư dêh, yua kơ sư ưh kơ khan lê̆ adrol tơdrong 'lơ̆ng gah inh, tă tơdrong kơnê̆ ngăl.” Jêhôsaphat tơl: “Pơtao ih 'nĕ kơ pơma thoi noh.”

Horiso 141:5

Ăn kơ bơngai tơpăt teh inh, chrih kơ inh hăm tơdrong 'lơ̆ng. Noh thoi tuh đak rơmă tơ kơ̆l inh; 'Nĕ ăn kơ inh sơngah kơ tơdrong noh. Yua kơ inh ngăl krao khan blah tơdrong kơnê̆ đe pơm.

Tơdrông Pơđơk 1:5

Bơngai gơh hơgei gô mơ̆ng păng rai hŏk pơhrăm, Bơngai hlôh wao gô đei iŏk tơdrong bơtho tơ'bôh.

Tơdrông Pơđơk 10:8

Bơngai bu đei đon gơh hơgei đei chu nơ̆r tơtă. Mă-lei 'bơ̆r lu bơngai kơwao gô hiong tôch.

Tơdrông Pơđơk 13:1

Kon gơh hơgei đei đon mơ̆ng kiơ̆ nơ̆r 'bă bơtho khan. Mă-lei bơngai kơ chu lu sư ưh kơ wă mơ̆ng đe chrih bơtho.

Tơdrông Pơđơk 13:18

Bơngai bu sơngah kơ tơdrong bơtho pơhrăm gô dơnuh hin păng mơlâu; Mă-lei bơngai bu đei đon iŏk đe chrih bơtho đe gô pơyom.

Tơdrông Pơđơk 15:12

Bơngai kư̆ kă kuă kơ đe chrih. Sư ưh kơ wă kuă kơ năm tơ bơngai hơgei.

Tơdrông Pơđơk 19:25

Teh bĕ bơngai pơm kơnê̆, lê̆ kơ bơngai kơwao hŏk iŏk băt hlôh. Bơtho hơmet bĕ bơngai băt hlôh, sư 'bôh thim tơdrong gơh hơgei.

Tơdrông Pơđơk 23:23

Răt bĕ tơdrong sĭt tơpă, 'nĕ kơ tĕch lê̆. Iŏk tơdrong hơgei wei nơ̆r bơtho pơhrăm păng hlôh wao,

Tơdrông Pơđơk 23:9

'Nĕ pơma lăm hla đon bơngai kơtul, Yua kơ sư gô pơjăm nơ̆r ih pơma hơgei.

Tơdrông Pơđơk 28:23

Bơngai chrih kơ đe, Đơ̆ng rŏng đei đe bơnê. Hloh kơ bơngai yua hơpiĕt pơma pơhlom.

Tơdrông Pơđơk 29:1

Bơngai bu đei chrih ling-lang, Mă-lei oei arăng kơ̆l, Gô đei tơdrong truh blư bla na ưh pă kơ đei gơh dŏng pơklaih.

Êsai 36:21

Lu sư oei hreh đĕch, ưh kơ đei tơl tơwih minh nơ̆r, yua kơ pơtao Hesekia đei pơkă khan: Lu iĕm 'nĕ tơl tơwih.”

Lêwi 19:17

'Nĕ kơ đei jơhngơ̆m areh arĕnh kơ 'nhŏng oh bơ̆n, athei bơtho pơlung rông 'bôt ih, 'nĕ kơ ăn kơdih akâu puh yoch yua kơ lu sư pơm glăi.

Mathiơ 15:14

Na iĕm 'nĕ mah hiơ̆k tơdrong sư ơh noh, yua kơ lu sư bơngai bơtho đe ră mă-lei dang bơngai măt tol. Dah bơngai măt tol chông ba bôl sư măt tol bre sư nơnăm gô huŏng tơ sơlŭng đĕch ưh kơ yua kiơ kơ bre sư ôh.”

Mathiơ 7:6

“Iĕm 'nĕ pă bơtho tơdrong 'Bok Kei-Dei kơ lu bơngai mă ưh kơ lui mă wă pơjăm pơjuă iĕm ling-lang. 'Noh dang bơ̆n tŭk 'nhĕm giĕng ăn kơ kŏ sa, dang dơmŏng đe gĭt mă ăn kơ nhŭng, hli kơ lu sư pơm kơnê̆ kơ iĕm dơ̆ng.