Tơdrông Pơđơk 8:9 - Sơ̆p Hlabơar Nơ̆r 'Bok Kei-Dei

⁹ Đĭ-đăng hơdah hơdong kơ lu bơngai hlôh wao. Păng tơbăt tơpă kơ bơngai mă chă đei gơh hơgei.

Tơdrông Pơđơk 8:9 ပူးပေါင်းရင်းမြစ်များ

Tơdrông Pơđơk 14:6

Lu bơngai blei hiap chă tơdrong gơh hơgei ưh kơ đei. Mă-lei lu bơngai hơgei chă 'bônh đĕch tơdrong hlôh wao.

Tơdrông Pơđơk 15:14

Jơhngơ̆m bơngai gơh hơgei oei chă tơdrong hlôh wao. Mă-lei 'bơ̆r lu bơngai kư̆ kă chă luăn sa tơdrong bơlŭk.

Tơdrông Pơđơk 15:24

Trong tơdrong arih lu bơngai hơgei đei rai tŏk; Wă kơ sư gơh klaih đơ̆ng dêh atâu ala sŭng.

Tơdrông Pơđơk 17:24

Bơngai hlôh 'bôh tơdrong hơgei 'bơ̆t anăp sư; Mă-lei đei măt lu kơwao lăng tơ tôch teh đak.

Tơdrông Pơđơk 18:15

Jơhngơ̆m bơngai hơgei đei iŏk đon hlôh wao; Đon bơngai hơgei oei chă tơdrong băt hlôh.

Tơdrông Pơđơk 3:13

Pŭn hiôk dêh kơ bơngai bu chă đei tơdrong gơh hơgei. Păng đei tơdrong hlôh wao.

Êsai 35:8

Tơ noh gô đei minh pôm trong glung tih. Minh pôm trong đe krao trong 'Lơ̆ng Rơgoh. Bơngai 'mê̆-'mach ưh kơ gơh năm trong noh. Mă-lei 'măn lu bơngai kiơ̆ Kră Yang năm trong noh. Mă khan đơ̆ng kơ hlôh kơwao kư̆m huay kơ jrok.

Mi 2:7

Ơ hnam Jakôp! Hăm trŏ đe khan tơdrong 'nâu Yang Bơhngol 'Lơ̆ng Kră Yang ưh kơ gơh pơm tôm tơdrong hă? 'Nâu hăm trŏ tơdrong Sư pơm? Hăm trŏ kơ nơ̆r Inh pơma pơyua kơ lu bơngai mă kiơ̆ tơdrong tơpăt.

Yo 6:45

Lu 'bok pơtruh nơ̆r 'Bok Kei-Dei chih lăm sơ̆p hla bơar lu sư sơ̆ thoi âu: ‘'Bok Kei-Dei gô bơtho đĭ-đăng bơngai.’ Inh khan kơ iĕm, bơngai bu mơ̆ng nơ̆r 'Bă Inh păng lui kơ nơ̆r Sư bơtho, lu bơngai 'noh gô truh tơ Inh.

Yo 7:17

Bơngai bu 'maih pơm kiơ̆ thoi 'Bok Kei-Dei wă, bơngai 'noh sư gô băt tơdrong Inh bơtho âu lĕch đơ̆ng 'Bok Kei-Dei tơpă, dah lĕch đơ̆ng Inh kơdih.

Ya 1:5

Tơ̆ng đei lăm lu iĕm bơngai bu ưh tam gan hlôh tơdrong 'Bok Kei-Dei, bơngai noh athei apinh 'Bok Kei-Dei ăn kơ sư hlôh. Na 'Bok Kei-Dei gô ăn kơ sư hlôh tơpă, yua kơ 'Bok Kei-Dei hơlăng dêh, Sư ưh kơ kret ôh kơ lu bơngai mă apinh Sư păng Sư huay kơ hil kơ lu bơngai mă apinh Sư noh.