Tơdrông Pơđơk 8:30 - Sơ̆p Hlabơar Nơ̆r 'Bok Kei-Dei

³⁰ Kơplah noh Inh oei gah cheng Sư bơ̆jang, Rim năr Inh pơhiôk Sư. Ling-lang chơt hiôk 'bơ̆t anăp Sư.

Tơdrông Pơđơk 8:30 ပူးပေါင်းရင်းမြစ်များ

Êsai 42:1

'Nâu bơih đam Inh bơngai mă Inh dŏng tơgŭm, bơngai mă Inh rơih iŏk, bơngai mă Inh lăp đon. Inh gô dan yang Bơhngol Inh lăm sư, sư gô ba ăn tơdrong tơpăt hơnơ̆ng kơ lu teh đak.

Mathiơ 17:5

Kơplah Pêtrôs oei pơma thoi noh 'bôh glĭp kơ hơmơ̆l kok rang hơdah jur gom lu sư. Păng đei nơ̆r 'Bok Kei-Dei pơma đơ̆ng lăm hơmơ̆l noh khan: “Sư âu Kon Inh mă 'mêm kơeng tơpă, Inh lăp đon kơ Sư dêh. Na iĕm ling-lang athei chu yom kơ Sư.”

Mathiơ 3:17

Păng kư̆m đei nơ̆r pơma đơ̆ng plĕnh khan: “Âu boih Kon Inh mă 'mêm kơeng tơpă, Inh lăp đon kơ Sư tôm tơdrong.”

Yo 1:18

Kră Yang 'Bok Kei-Dei, ưh kơ đei bu gơh 'bôh Sư, lăp minh 'nu Kon pôm Sư đĕch 'bôh Sư păng oei hơdai Sư tơpă. Kon Sư tơbăt ăn kơ bơ̆n tơdrong 'Bă Sư.

Yo 12:28

Ơ 'Bă, Inh wă kơ Ih pơư pơang anăn Ih bĕ.” Na đei hloi 'bơ̆r tơl đơ̆ng plĕnh ti khan thoi âu: “Inh pơư pơang anăn Inh boih păng Inh gô pơư pơang anăn Inh dơ̆ng.”

Yo 16:28

Inh jur đơ̆ng 'Bă Inh 'Bok Kei-Dei tơpă oei hơdai iĕm tơ ala teh âu. Dang ei Inh jăk đơ̆ng ala teh âu brŏk tơ 'Bă Inh dơ̆ng.”

Kôlôsê 1:13

'Bok Kei-Dei dŏng pơklaih bơ̆n đơ̆ng yang kơnê̆ pơgơ̆r mă oei lăm măng mu, na anhăk ba bơ̆n oei tơ anih Kon Sư pơgơ̆r mă Sư 'mêm kơdih.