Tơdrông Pơđơk 8:24 - Sơ̆p Hlabơar Nơ̆r 'Bok Kei-Dei

²⁴ Kơplah tam đei đak dơsĭ, đei Inh bơih, Lu tu đak tam mă lĕch, đak tam mă lơ.

Tơdrông Pơđơk 8:24 ပူးပေါင်းရင်းမြစ်များ

Bl 1:2

Teh ưh kơ đei hơbŏ păng ưh kơ đei kiơ lăm noh, tơ jơ̆p-jang oei măng mu ngăl, Yang Bơhngol 'Lơ̆ng Kră Yang 'Bok Kei-Dei asơ̆ng kơpal đak.

Jop 38:16

Hăm đei layơ ih jur truh tơ tu đak dơsĭ? Dah yak năm tơ jrŭ ala kơđĕl đak dơsĭ?

Horiso 2:7

Inh gô roi tơblang nơ̆r tơtă mă Kră Yang khan kơ inh: “Ih boih kon inh; Năr âu inh pơjing ih.

Le 15:5

Đak jrŭ klơ̆p gom lu sư; Lu sư krăm truh tơ kơđĕl đak dơsĭ thoi minh pôm tơmo.

Tơdrông Pơđơk 3:20

Hăm tơdrong hlôh wao Sư lu sơlŭng jrŭ bluh đak, Păng hơmơ̆l đei đak ngom.

Yo 1:14

Yêsu Krist dang nơ̆r 'Bok Kei-Dei, Sư jur jing kon bơngai. Sư oei hơdai păng kon bơngai bơ̆n. Bơngai bơ̆n 'bôh Sư gơh pơm tơdrong mơsêh mơyang; Sư 'noh boih Kon pôm 'Bok Kei-Dei tơpă; Sư 'mêm mơnat kơ bơ̆n, pơklaih bơ̆n đơ̆ng tơdrong yoch păng tơbăt ăn kơ bơ̆n tơdrong 'Bok Kei-Dei tơpă.

Yo 3:16

'Bok Kei-Dei 'mêm mơnat tơpă rim 'nu bơngai jơ̆p ala teh âu na Sư mah ăn Kon pôm Sư lôch tang kon bơngai. Bơngai bu lui kơ Kon Sư huay kơ lôch hiong ôh. Bơngai 'noh sư gô oei hơdai hăm 'Bok Kei-Dei arih ling-lang.

Yo 5:20

'Bă Sư 'mêm kơ Kon Sư na tơ'bôh kơ Kon Sư tôm tơdrong 'Bă Sư jang. 'Bă Sư gô ăn kơ Kon Sư jang wă pơm gah tơdrong mơsêh mơyang hloh kơ tơdrong pơklaih bơngai jĭ noh hei, wă kơ iĕm lăng hlĭch kơ đon.

Hêbrơ 1:5

'Bok Kei-Dei ưh tam layơ khan kơ linh jang, dang Sư khan kơ Kon Sư sơ̆ khan: “Ih boih Kon Inh, năr âu Inh wă ăn kơ Ih pơgơ̆r.” Sư kư̆m khan dơ̆ng thoi âu: “Inh pơm 'Bă Ih, Ih pơm Kon Inh.”

I Yo 4:9

'Bok Kei-Dei tơ'bôh kơ bơ̆n tơdrong Sư 'mêm mơnat kơ bơ̆n tơpă thoi âu: Sư wơh Kon pôm Sư jur tơ ala teh âu wă kơ Sư lôch tang bơ̆n, wă kơ bơ̆n arih ling-lang hăm Sư.