Tơdrông Pơđơk 8:15 - Sơ̆p Hlabơar Nơ̆r 'Bok Kei-Dei

¹⁵ Đơ̆ng Inh na đei lu pơtao gơh pơgơ̆r, Păng lu yŏng gơh pơgơ̆r pơm tơpăt gơh băt pơkă trŏ.

Tơdrông Pơđơk 8:15 ပူးပေါင်းရင်းမြစ်များ

I Pot 10:9

Kơkuh bơnê kơ Kră Yang 'Bok Kei-Dei ih, yua kơ Sư lăp đon kơ ih ăn kơ ih hơ-oei kơpal tang-dŏ pơtao lu bơngai Isơrael! Yua kơ Kră Yang 'mêm kơ Isơrael ling-lang, thoi noh na Sư ăn kơ ih pơm pơtao wei-lăng wă kơ ih pơm tơdrong trŏ păng 'lơ̆ng tơpăt.

I Pot 3:28

Đĭ-đăng bơngai Isơrael kơtơ̆ng tơdrong pơtao sek tơlang noh lu sư hli yom ư-ang kơ pơtao, yua kơ lu sư 'bôh pơtao đei tơdrong gơh hơgei đơ̆ng Kră Yang 'Bok Kei-Dei, wă kơ sek tơlang tơpăt.

I Pot 3:9

Thoi noh apinh Ih ăn kơ inh mă đĭch đam Ih âu tơdrong gơh hơgei, wă kơ gơh sek tơlang tơdrong kon pơlei pơla ih, wă kơ inh băt kơnăl tơdrong 'lơ̆ng, tơdrong kơnê̆; yua kơ bu gơh kĕ sek tơlang kơ lu kon pơlei pơla lơ dêh 'nâu?”

I Pot 5:7

Lăp pơtao kơtơ̆ng nơ̆r Sôlômôn pơma thoi noh, na sư hiôk dêh sư khan: Kơkuh bơnê kơ Kră Yang năr 'nâu Sư ăn kơ Đawit đei minh 'nu kon drŏ-nglo gơh hơgei tôm tơdrong wă pơgơ̆r kon pơlei pơla tih dêh thoi âu.

I Ho 28:5

Lăm lu kon drŏ-nglo inh, tơpă Kră Yang ăn kơ inh đei lơ kon drŏ-nglo Sư rơih iŏk Sôlômôn, kon drŏ-nglo inh, pơm pơtao lăm dêh char pơtao Kră Yang pơgơ̆r wei-lăng Isơrael.

II Ho 1:10

Thoi ei, apinh Ih ăn kơ inh gơh hơgei đei đon hlôh wao wă kơ inh gơh pơgơ̆r kon pơlei pơla 'nâu yua kơ bu kĕ wei-lăng pơgơ̆r kon pơlei Ih lơ kơdrơ̆m dêh thoi âu?”

II Ho 1:11

Kră Yang 'Bok Kei-Dei khan kơ Sôlômôn: “Yua kơ ih đei boih jơhngơ̆m thoi noh, ưh kơ apinh ôh tơdrong mơdrŏng mơng, đe pơyom, dah tơdrong wă pơrăm lu bơngai pơm kơnê̆ kơ ih păng kư̆m ưh apinh wă kơ arih sot, mă-lei apinh tơdrong gơh hơgei đei đon hlôh wao wă kơ wei-lăng pơgơ̆r kon pơlei pơla Inh; kon pơlei mă Inh ăn kơ ih pơm pơtao,

Horiso 2:10

Thoi noh, ơ lu pơtao, tơchĕng bĕ mă hơgei; Ơ kră Pơgơ̆r lăm teh đak, athei bơtho tơ'bôh bĕ.

Horiso 99:4

Pơtao mơsêh mơyang, Sư 'mêm kơ tơdrong tơpăt; Ih pơjing kơjăp tơdrong hơtŏ hơnơ̆ng. Ih sek tơlang hăm tơdrong tơpăt trŏ lăm Jakôp

Tơdrông Pơđơk 29:4

Đơ̆ng tơdrong tơpăt pơtao băt wei dêh char sư kơjăp; Mă-lei bơngai sa pơgâm pơgô̆ gô pơrăm char sư.

Tơdrông Pơđơk 8:16

Đơ̆ng Inh, na đei lu yŏng gơh pơgơ̆r păng lu yŏng wei-lăng teh đak.

Êsai 1:26

Inh gô tơiung ming lu 'bok sek tơlang noh thoi sơ̆ dơ̆ng, hăm lu bơngai pơđâu ih thoi blŭng-a na đe gô ang khan. Pơlei 'Lơ̆ng Tơpăt, Pơlei tơnăp 'lơ̆ng.

Je 33:15

“Lăm lu 'năr noh păng kơplah ei kơnh, Inh gô ăn đei minh pôm dơng tơpăt sĭt chăt đơ̆ng adrĕch Đawit. 'Bok noh gô pơm tơdrong tơpăt hơnơ̆ng lăm teh đak.

Da 2:21

Đơ̆ng Sư boih mă tơplih khei 'năr, bơyan, pơjing pơdơ̆ng pơtao păng ăn tơdrong gơh hơgei hlôh wao kơ lu bơngai hơgei păng ăn tơdrong hlôh băt kơ lu bơngai hơdah.

Da 4:25

Đe gô pơpuh lê̆ ih đơ̆ng lăm kon bơngai păng ih gô oei hơdai hăm kon sem brem tơ bri, ih gô sa 'nhĕt thoi rơmo păng akâu jăn ih tŭk gô gom hơiuh đĭ-đăng truh tơpơh sơnăm, dĭng mă truh tơ ih 'blŏk băt kơ Kră Yang 'Bok Kei-Dei Tih hloh pơgơ̆r lăm teh đak kon bơngai păng Sư ăn kơ bu mơ̆ng kơ Sư wă.

Da 4:32

Đe gô tơweh lê̆ ih đơ̆ng kon bơngai, ih gô oei hơdai lu sem brem; kư̆m sa 'nhĕt thoi rơmo, dĭng truh tơpơh sơnăm, dĭng mă ih 'blŏk băt thoi âu: Kră Yang 'Bok Kei-Dei Tih hloh pơgơ̆r teh đak kon bơngai păng Sư wă ăn kơ bu mơ̆ng kơ Sư wă.

Mathiơ 28:18

Yêsu năm jê̆ lu sư păng khan: “'Bă Inh ăn kơ Inh gơh pơgơ̆r đĭ-đăng plĕnh hăm teh.

Rom 13:1

Đĭ-đăng kơ bơ̆n athei chu yom kơ bơngai mă pơgơ̆r bơ̆n. Tơ̆ng 'Bok Kei-Dei ưh kơ ăn, ưh kơ đei bu gơh pơgơ̆r. Đĭ-đăng lu bơngai pơgơ̆r đơ̆ng 'Bok Kei-Dei ăn ngăl.

Tơdrông Tơ'bôh 19:11

Inh kư̆m 'bôh plĕnh tơpơih păng 'bôh hloi aseh kok tơ noh. 'Bok mă oei hao aseh ei đe anăn Sư 'Bok 'Lơ̆ng Tơpăt. Tơdrong Sư sek tơlang đe kư̆m tơpăt, mă Sư blah rôp lu bơngai ayăt kơ Sư kư̆m kiơ̆ tơdrong tơpăt.

Tơdrông Tơ'bôh 19:16

Đe chih tơ ao tai Sư mă 'bơ̆t jơ̆ng thoi âu: “Sư pơm 'Bok Pơtao, Sư tih hloh kơ đĭ-đăng lu pơtao nai. Sư pơm Yŏng, Sư tih hloh kơ đĭ-đăng lu yŏng nai.”

I Sam 16:1

Kră Yang khan kơ Samuel: Ih oei sơ'ngon kơ Sôl dĭng truh dang yơ? Inh achăng lê̆ sư boih, ưh pă ăn sư pơm pơtao bơngai Isơrael dơ̆ng. Tuh bĕ đak rơmă 'bĕnh kơ trôm hơke na ih năm; Inh wơh ih năm tơ'bơ̆p 'bok Jese Betlehem; yua lăm lu kon sư, Inh đei rơih iŏk minh 'nu wă pơm pơtao.

I Sam 9:17

Kơplah Samuel 'bôh Sôl, Kră Yang khan kơ sư: 'Nâu, bơngai mă Inh đei khan lê̆ kơ ih adrol 'noh bơih bơngai mă wă pơgơ̆r kon pơlei Inh.