Tơdrông Pơđơk 7:25 - Sơ̆p Hlabơar Nơ̆r 'Bok Kei-Dei

²⁵ 'Nĕ ăn jơhngơ̆m ih wih kiơ̆ trong drŏ-kăn noh, Păng yak kiơ̆ jrok rok trong sư.

Tơdrông Pơđơk 7:25 ပူးပေါင်းရင်းမြစ်များ

Horiso 119:176

Inh wơ̆l jrok thoi triu hiong; apinh chơchă inh đĭch đam Ih. Yua kơ inh ưh kơ hiơt nơ̆r Ih tơtă.

Tơdrông Pơđơk 5:23

Sư gô lôch yua kơ ưh kơ mơ̆ng đei bơtho khan, Sư gô wơ̆l jrok yua kơ ưh kơhlôh kơwao.

Tơdrông Pơđơk 5:8

Athei weh ataih bĕ đơ̆ng trong sư; 'Nĕ kơ dơ̆ng jê̆ 'măng hnam sư.

Tơdrông Pơđơk 6:25

Ih 'nĕ hưch kơ akâu sư 'lơ̆ng hơbŏ, Phŏ kơnh măt ih pơ̆k huŏng kơ tơdrong sư pơhlŭ.

Tơdrông Pơđơk 7:26

Pơm kơ lơ bơngai pơ̆k huŏng păng pơlôch pơrăm kư̆m lơ.

Tơdrông Pơđơk 9:15

Wă krao lu bơngai oei yak rok trong, Lu bơngai yak tơpăt kiơ̆ trong kơdih:

Êsai 53:6

Đĭ-đăng lu bơ̆n thoi triu jrok trong. Rim 'nu kiơ̆ trong kơdih: Lei na Kră Yang iŏk đĭ tơdrong yoch lu bơ̆n tơpŭ ăn kơ sư.

Mathiơ 5:28

Na Inh bơtho iĕm dang ei thoi âu: Bơngai bu 'bôh drŏ-kăn, rŏ kơ ngôi hăm sư, bơngai 'noh yoch boih, bơngai 'noh dang lĕ pơm kư̆ kă hăm drŏ-kăn boih.