Tơdrông Pơđơk 7:2 - Sơ̆p Hlabơar Nơ̆r 'Bok Kei-Dei

² Pơm kiơ̆ nơ̆r Inh tơtă, lei na ih gô arih. Păng wei nơ̆r Inh bơtho khan thoi ih wei-lăng kon-ngai lăm măt ih.

Tơdrông Pơđơk 7:2 ပူးပေါင်းရင်းမြစ်များ

Horiso 119:144

Nơ̆r Ih bơtho khan jơ̆ tơpăt ling-lang hlŏng hloi. Ăn kơ inh hlôh wao, wă kơ inh gơh arih.

Horiso 17:8

Apinh Ih bơwei inh thoi bơwei kon-ngai lăm măt Ih, Apinh krôp inh ala pơnăr Ih Kră Yang.

Tơdrông Pơđơk 4:13

Rôp kơjăp bĕ tơdrong bơtho khan, 'nĕ kơ achăng lê̆; Bơwei sư, yua kơ noh boih tơdrong arih ih.

Tơdrông Pơđơk 4:21

'Nĕ ăn kơ lu nơ̆r noh ataih đơ̆ng măt ih, Iŏk răk bĕ lăm jơhngơ̆m ih.

Tơdrông Pơđơk 4:4

'Bă inh đei bơtho inh: Wei răk bĕ lăm jơhngơ̆m nơ̆r inh pơma. Chu kơ nơ̆r inh tơtă, na ih gơh arih.

Êsai 55:3

Athei pơgling đon păng năm bĕ tơ Inh, mơ̆ng Inh na bơhngol lu iĕm gơh arih. Inh gô pơm tơdrong pơgơ̆p hăm lu iĕm ling-lang, wă khan tơdrong 'mêm mơnat tơpă Inh pơkă hăm Đawit.

Je 38:20

Jêrêmi khan: Đe ưh kơ pơjao ih kơ lu sư ôh. Apinh ih mơ̆ng kiơ̆ bĕ nơ̆r Kră Yang, mă inh đei roi kơ ih, wă kơ ih đei pŭn hiôk păng arih.

Lêwi 18:5

Thoi noh lu iĕm athei wei răk tơdrong juăt Inh păng nơ̆r Inh tơtă, bu mă pơm kiơ̆ tơdrong noh, sư gô arih, Inh boih Kră Yang.

Sa 2:8

Yua kơ Kră Yang Tih Hloh khan: “Đơ̆ng rŏng kơ tơdrong ư-ang; na Sư wơh inh năm blah lu teh đak pơgŏ lu iĕm; yua kơ tơdah bu hơtŭt 'bơm lu iĕm, noh kư̆m thoi hơtŭt 'bơm kơ kon-ngai lăm măt Sư.

Yo 14:21

“Bơngai bu răk dôm tơdrong Inh pơkă, bơngai 'noh boih 'mêm kơ Inh tơpă. Bơngai bu 'mêm kơ Inh, 'Bă Inh kư̆m 'mêm kơ sư mơ̆n; păng Inh kư̆m 'mêm kơ sư na Inh tơbăt kơ sư akâu Inh.”

Yo 15:14

Dah iĕm răk dôm tơdrong Inh pơkă lei iĕm buăl juăt Inh tơpă.

Both 32:10

Kră Yang chă 'bôh lu kon pơlei Sư tơ lăm char glă. Tơ lăm bri brah đei nơ̆r ôr krao Kră Yang wei rong lu sư, bơwei lu sư wei thoi kon-ngai lăm măt Sư.

Tơdrông Tơ'bôh 22:14

Bơngai bu pih ao sư rơgoh bơngai noh boih hiôk. Bơngai noh gơh sa plei 'long mă kon bơngai arih ling-lang. Păng sư noh gơh mơ̆t 'măng dur Pơlei Jêrusalem 'nao.