Tơdrông Pơđơk 6:29 - Sơ̆p Hlabơar Nơ̆r 'Bok Kei-Dei

²⁹ Bơngai mă ngôi pơyô hăm akăn đe sư kư̆m thoi noh; Bơngai bu hơtŭt 'bơm kơ drŏ-kăn noh ưh kơ klaih ôh kơ phak.

Tơdrông Pơđơk 6:29 ပူးပေါင်းရင်းမြစ်များ

Bl 20:2

Abraham roi kơ đe gah akăn sư: “Sư âu oh drŏ-kăn inh.” Abimêlek, pơtao Gêrar, wơh bơngai năm krao iŏk Sara.

II Sam 11:27

Hlôi kơ năr 'bŭ pơdong boih, Đawit athei đe năm iŏk sư oei lăm hnam pơtao; duch noh jing pơm akăn pơtao Đawit, tơpŭ ăn kơ pơtao minh 'nu kon drŏ-nglo, mă-lei dôm tơdrong Đawit pơm noh ưh kơ lăp đon Kră Yang ôh.

II Sam 16:21

Ahithôphel tơl: “Ih athei năm 'bĭch hăm lu akăn kơnhŏng 'bă ih mă lê̆ lu sư oei tơ noh wă wei-lăng hnam pơtao. Mưh đĭ-đăng bơngai Isơrael băt khan ih pơm kơnê̆ krưp kơ 'bă ih thoi noh, lei đĭ-đăng lu bơngai kiơ̆ ih, rai nuih kơtang hloh dơ̆ng.”

Le 20:17

'Nĕ 'nhĕng kơ hnam đe, kư̆m lê̆ kơ 'nhĕng akăn đe, dah đĭch đam drŏ-nglo, drŏ-kăn, rơmo, aseh, dah mŭk tơmam đe.

Tơdrông Pơđơk 16:5

Bu đei jơhngơ̆m pơang Kră Yang areh; Sĭt tơpă wă phak lu sư ưh kơ jor.

Tơdrông Pơđơk 6:28

Hăm đei bơngai bu yak juă kơpal ŭnh, Na khan jơ̆ng sư huay kơ pơtŏk?

Êsêkiên 18:6

Sư ưh kơ sa 'nhĕm đe pơm yang tơ kơpal kông, ưh kơ wă lăng tơ rup yang adrĕch Isơrael. Ưh kơ pơm kư̆ kă hăm lu akăn đe, ưh kơ jê̆ lu drŏ-kăn oei 'bôh hơbĕn,

Êsêkiên 22:11

Lăm ih đei bơngai pơm yoch ngôi kư̆ kă hăm akăn đe; lu bơngai nai pơm kư̆ kă hăm mŏ mai sư, đei mơ'nah ngôi hăm oh drŏ-kăn sư kon 'bă sư pơjing mĕ pha.

Êsêkiên 33:26

Lu iĕm gơnang kơ đao hơlă iĕm, pơm tơdrong kơnê̆ krưp, rim 'nu lu iĕm pơm kơnê̆ 'mê̆-'mach hăm akăn lu rông 'bôt kơdih; na lu iĕm gô iŏk asong băl char âu hă?

Lêwi 18:20

'Nĕ kơ 'bĭch hăm akăn rông 'bôt ih, kơnh pơm kơ ih jing kơnê̆ 'mê̆-'mach ih hăm sư.

Lêwi 20:10

Tơdah bơngai bu pơm kư̆ kă hưch kơ akăn đe dah pơm kư̆ kă hưch kơ akăn rông 'bôt, bre sư noh đe gô pơlôch sư.

Malachi 3:5

“Inh gô năm jê̆ lu iĕm wă kơ sek tơlang păng Inh gô pơm tơ'bôh wă blơ̆ lu bơngai pơm kơnê̆, lu bơngai pơm pơyô kư̆ kă, lu bơngai hơlĕnh pơdăr, lu bơngai pơgâm sa jên lu bơngai jang mưng, pơjuă lu bơngai hơdro-po păng lu bơngai mơti, lu bơngai mă pơrăm lu bơngai tơmoi păng lu bơngai mă kuă kơkuh păng hli yom kơ Inh,” mă Kră Yang Tih Hloh khan thoi noh.

I Kor 7:1

Gah kơthơ dôm tơdrong iĕm jet inh 'noh, inh wă tơl iĕm dang ei. Bơngai drŏ-nglo ưh kơ iŏk akăn kư̆m 'lơ̆ng mơ̆n.