Tơdrông Pơđơk 6:25 - Sơ̆p Hlabơar Nơ̆r 'Bok Kei-Dei

²⁵ Ih 'nĕ hưch kơ akâu sư 'lơ̆ng hơbŏ, Phŏ kơnh măt ih pơ̆k huŏng kơ tơdrong sư pơhlŭ.

Tơdrông Pơđơk 6:25 ပူးပေါင်းရင်းမြစ်များ

II Pot 9:30

Kơplah Jêhu năm truh tơ pơlei Jêsreel. Jêsebel kơtơ̆ng băt na iŏk chŭr pik muh măt, hơmet sŏk, pơhrôp hơbĕn 'nao mă 'lơ̆ng, đơ̆ng noh dơ̆ng tơmang đơ̆ng 'măng-'mŏk sư.

Jop 31:1

Inh đei pơgơ̆p hăm măt inh; Inh ưh pă lăng tơ bơngai adruh hle.

Hơri Hiôk 4:9

Jơhngơ̆m inh huŏng đĭ lăm ih boih, ơ mŏ adruh inh, ŭnh om inh, Đơ̆ng lăp ih gơ'mreh măt lăng tơ inh hăm đơ̆ng inh 'bôh ih 'băk hơnam gĭt, na jơhngơ̆m inh huŏng đĭ lăm ih Ô 'ngam dêh tơdrong hơyuh.

Êsai 3:16

Kră Yang khan: “Lu kon drŏ-kăn Siôn pơrŏ yak toh hơko, măt lu sư lăng cheng hơ'nhưp wă kơ đe hưch, lu sư yak nơnăm mơtuĭ mơtuă, mơgriu re kong jơ̆ng.

Je 4:30

Bĭ iĕm, ơ bơngai mă oei wă pơrăm. Iĕm pơm kiơ mă hrŭk ao 'brê hơhĭm, pơguăng hăm maih se, Iŏk 'long chih chhơ̆ gơnur măt, pơguăng wă kơ 'lơ̆ng liĕm, kư̆m đĭ pă yua: Bơngai mă hơyuh kơ iĕm kư̆m achăng lê̆ iĕm, kư̆m wă chă pơlôch ih.

Êsêkiên 23:40

Hloh kơ noh dơ̆ng lu sư chă krao lu drŏ-nglo đơ̆ng ataih, to lu sư truh boih; yua kơ sư noh na ih hum hơrao, pik muh măt păng pơhrôp pơguăng ih kơdih.

Mathiơ 5:28

Na Inh bơtho iĕm dang ei thoi âu: Bơngai bu 'bôh drŏ-kăn, rŏ kơ ngôi hăm sư, bơngai 'noh yoch boih, bơngai 'noh dang lĕ pơm kư̆ kă hăm drŏ-kăn boih.

Both 5:21

Ih 'nĕ kơ 'nhĕng plah iŏk akăn đe, kư̆m 'nĕ 'nhĕng hnam đe, dah chŭn mir, đĭch drŏ-nglo đam drŏ-kăn, rơmo, aseh, dah tơmam kiơ nai.