Tơdrông Pơđơk 6:23 - Sơ̆p Hlabơar Nơ̆r 'Bok Kei-Dei

²³ Yua kơ nơ̆r tơtă thoi ŭnh kơđeng; Tơdrong bơtho tơ'bôh thoi hơdah, Păng tơdrong chrih wă bơtho pơhrăm noh trong tơdrong arih.

Tơdrông Pơđơk 6:23 ပူးပေါင်းရင်းမြစ်များ

Bl 39:8

Jôsep sơngah păng sư khan thoi âu: Yŏng tơ'ngla inh pơjao ăn kơ inh đĭ-đăng mŭk tơmam sư păng lăng âu, yŏng tơ'ngla inh pă đei tơtăm kơ kiơ boih lăm tơdrong jang.

Horiso 119:105

Nơ̆r Ih jing ŭnh kơđeng kơ jơ̆ng inh. Nhơk pơchrang ăn kơ trong inh.

Horiso 119:130

Tơdrong bơtho tơblang nơ̆r Ih pơchrang ăn hơdah. Sư ăn tơdrong hlôh wao kơ lu bơngai tơpăt.

Horiso 141:5

Ăn kơ bơngai tơpăt teh inh, chrih kơ inh hăm tơdrong 'lơ̆ng. Noh thoi tuh đak rơmă tơ kơ̆l inh; 'Nĕ ăn kơ inh sơngah kơ tơdrong noh. Yua kơ inh ngăl krao khan blah tơdrong kơnê̆ đe pơm.

Horiso 19:8

Tơdrong Kră Yang athei jơ̆ tơpăt, Pơm ăn kơ jơhngơ̆m chơt hiôk. Nơ̆r tơtă Kră Yang jơ̆ rơgoh, pơm ăn kơ măt đe hơdah hơdong.

Tơdrông Pơđơk 10:17

Bu mơ̆ng pơhrăm iŏk nơ̆r bơtho oei lăm trong tơdrong arih; Mă-lei bơngai bu sơngah kơ tơdrong chrih bơtho gô hiong.

Tơdrông Pơđơk 15:24

Trong tơdrong arih lu bơngai hơgei đei rai tŏk; Wă kơ sư gơh klaih đơ̆ng dêh atâu ala sŭng.

Tơdrông Pơđơk 15:31

Bơngai bu chu iŏk đe teh bơtho; Bơngai noh gô oei arih hơdai lu bơngai hlôh wao.

Tơdrông Pơđơk 29:15

'Long băl teh chrih bơtho ăn tơdrong gơh hơgei: Mă-lei đei kon hơ'lơ̆p pơm kiơ̆ kơ sư wă pơm kơ mĕ sư mơlâu.

Tơdrông Pơđơk 3:18

Tơdrong gơh hơgei sư jing minh tơnơm 'long arih kơ bơngai bu đei rôp sư; Bơngai bu đei rôp sư kơjăp jô̆ bơngai pŭn hiôk tơpă.

Tơdrông Pơđơk 4:13

Rôp kơjăp bĕ tơdrong bơtho khan, 'nĕ kơ achăng lê̆; Bơwei sư, yua kơ noh boih tơdrong arih ih.

Tơdrông Pơđơk 4:4

'Bă inh đei bơtho inh: Wei răk bĕ lăm jơhngơ̆m nơ̆r inh pơma. Chu kơ nơ̆r inh tơtă, na ih gơh arih.

Tơdrông Pơđơk 5:12

Ih khan, Inh areh dêh kơ tơdrong bơtho hơmet. Păng jơhngơ̆m inh sơngah kơ tơdrong chrih.

Bôk Bơthô 7:26

Inh 'bôh drŏ-kăn 'bĕnh tơdrong pơhlŭ sơ'ngon trăp hloh kơ tơdrong lôch. Tơdrong hưch sư thoi hơnhuăl, ti sư thoi tơlei glang. Bơngai bu băt hli yom kơ Kră Yang 'Bok Kei-Dei gơh klaih đơ̆ng ti sư. Mă-lei bơngai bu pơm yoch, sư 'leh lăm hơnhuăl noh.

Bôk Bơthô 7:5

Mơ̆ng nơ̆r lu bơngai hơgei hil bơtho. Sư 'lơ̆ng hloh kơ mơ̆ng nơ̆r bơngai kơtul hơri chơt.

Êsai 8:20

Kiơ̆ kơ khôi juăt păng nơ̆r tơbăt âu! Tơdah kon pơlei ưh kơ pơma thoi noh lei lu sư ưh kơ đei tơdrong hơdah ôh.

Je 21:8

Ih athei khan dơ̆ng kơ kon pơlei âu: Kră Yang khan: Âu, Inh dan lê̆ boih trong tơdrong arih păng trong ba tơdrong lôch 'bơ̆t anăp lu iĕm.

Êsêkiên 20:11

Inh ăn kơ lu sư khôi juăt Inh păng tơ'bôh ăn kơ lu sư nơ̆r Inh tơtă, wă kơ bơngai bu kiơ̆ gô đei tơdrong arih.

Lêwi 19:17

'Nĕ kơ đei jơhngơ̆m areh arĕnh kơ 'nhŏng oh bơ̆n, athei bơtho pơlung rông 'bôt ih, 'nĕ kơ ăn kơdih akâu puh yoch yua kơ lu sư pơm glăi.

II Pet 1:19

Mă ưh kơ sĭ kơtơ̆ng kơdrô̆ tơdrong 'noh đĕch ôh, bơ̆n kư̆m kơtơ̆ng dôm tơdrong lu bơngai pơtruh nơ̆r 'Bok Kei-Dei khan lê̆ hơdrol sơ̆ mơ̆n. Sư kư̆m roi gah tơdrong 'Bok Krist mơsêh mơyang wă pơgơ̆r ning-mônh, na dang ei bơ̆n băt nhên tơpă boih. Iĕm athei 'blŏk hơdơ̆r kơ tơdrong lu sư khan lê̆ hơdrol noh ling-lang, yua kơ tơdrong noh thoi lĕ kơ ŭnh pơchrang hơdah prăt măng truh tơ pơgê, na sơnglŏng wŏng-tar tơ pơgê gô pơchrang lăm jơhngơ̆m đon iĕm.

Tơdrông Tơ'bôh 2:5

Na dang ei iĕm 'blŏk hơdơ̆r kơ tơdrong iĕm 'mêm sơ̆ dang yơ, iĕm athei 'mêm dang noh, 'nĕ kơ pơhơi. Tơ̆ng iĕm ưh kơ 'mêm dang tơm hmơm iĕm lui sơ̆, lei Inh wă năm hloi pơdrĕo iŏk jơ̆ng kơđeng maih đơ̆ng pơlei iĕm.