Tơdrông Pơđơk 6:19 - Sơ̆p Hlabơar Nơ̆r 'Bok Kei-Dei

¹⁹ Bơngai pơm kơdranh hơlĕnh pơma plêl, Bơngai chă tơdrong tơhil tơduă 'nhŏng oh.

Tơdrông Pơđơk 6:19 ပူးပေါင်းရင်းမြစ်များ

Horiso 27:12

'Nĕ jao inhb tơ lu ayăt kơ inh kiơ̆ thoi lu sư wă, Yua kơ nơ̆r pơm kơdranh hơlĕnh Păng lu bơngai trĕn wă pơm kơnê̆ kơ inh.

Horiso 35:11

Lu bơngai hơlĕnh pơdăr lu sư iung apinh dôm tơdrong mă inh ưh kơ băt

Le 20:16

'Nĕ pơm kơdranh hơlĕnh kơ bôl buăl.

Le 23:1

Ih 'nĕ kơ chă roi hơlĕnh, kư̆m 'nĕ kơ pôm đon kiơ̆ lu bơngai kơnê̆ wă roi hơlĕnh.

Tơdrông Pơđơk 12:17

Bơngai bu pơma tơpăt băt pơm kơdranh trŏ, bơngai kơnê̆ băt pôm pơm kơdranh hơlĕnh.

Tơdrông Pơđơk 14:5

Bơngai pơm kơdranh tơpăt ưh kơ băt pơma hơlĕnh; Mă-lei bơngai pơm kơdranh hơlĕnh 'bôh lĕch pơma pơdăr.

Tơdrông Pơđơk 16:28

Bơngai hơlĕnh ba tơdrong pơjah. Wă pơma plah tơklah tơduă bôl buăl.

Tơdrông Pơđơk 19:5

Bơngai kơdranh hơlĕnh ưh kơ gơh klĕnh ôh đơ̆ng tơdrong phak; Bơngai pơma hơlĕnh kư̆m ưh kơ gơh klĕnh klaih.

Tơdrông Pơđơk 19:9

Bu pơm kơdranh hơlĕnh ưh kơ klĕnh hlôi ôh đơ̆ng phak. Bu pơma hơlĕnh gô hiong răm.

Tơdrông Pơđơk 21:28

Bu pơma hơlĕnh gô lôch răm, Mă-lei đei bơngai bu chu mơ̆ng kiơ̆ sư gơh pơma ling-lang.

Tơdrông Pơđơk 22:10

Pơpuh bĕ bơngai juăt pơgreh na tơdrong pơjah weh kiơ̆ sư; Tơdrong pơjah pơjăng păng mơlâu akâu 'nâu gô đĭ.

Tơdrông Pơđơk 25:18

Bơngai chă hơlĕnh sơlam kơ rông 'bôt sư. Bơngai noh thoi 'long băl, thoi đao gưm, dah thoi 'brơ̆m suĕng.

Tơdrông Pơđơk 26:20

Ưh kơ đei 'long ŭnh, ŭnh păt; Dah ưh kơ đei roi sơlam lei tơdrong tơhil pơjah gô pơdơh.

Tơdrông Pơđơk 6:14

Jơhngơ̆m kơnê̆ chă đon wă pơm kơnê̆, Ling-lang chă tơdrong tơhil.

Tơdrông Pơđơk 8:13

Băt hli yom kơ Kră Yang jing areh kơ tơdrong kơnê̆, Inh areh kơ tơdrong pơrŏ, pơang tơdrong pơma kơnê̆, ưh kơ tơpăt.

Mathiơ 15:19

Yua kơ đơ̆ng jơhngơ̆m đon kon bơngai tơchĕng kơnê̆ na jing yoch: Sư pơlôch đe, kơtrŏ hăm akăn đe, sư pơm pơyô kư̆ kă, sư tơtông, sư oei pơma hơlĕnh, sư pơjăm pơjuă đe.

Mathiơ 26:59

Lu 'bok soi tih păng đĭ-đăng lu kră sek tơlang, lu sư chă bơngai mă gơh hơlĕnh, khan sư 'bôh Yêsu pơm yoch, wă kơ lu sư gơh pơlôch Yêsu.

Jang 6:13

Klaih kơ noh sư ăn bơngai hơlĕnh gah Êtien roi kơ lu kră sek tơlang thoi âu: “Bơngai âu ling-lang pơma kơnê̆ kơ hnam akŭm 'Bok Kei-Dei tơm âu păng pơma kơnê̆ kơ tơdrong juăt bơ̆n.

II Tim 2:23

Ih 'nĕ kơ mơ̆ng lu bơngai pran pơjah pơjăng kư̆ kă. Sư pơjah pơjăng khŏm khŏm đon lu sư ưh kơ sor kơnh sư jing tơhil dih băl.

Ya 3:18

Lu bơngai ngôi đĕch adrĕch ngôi hiôk sư wă pơhiôk đe ling-lang, ưh kơ layơ areh kơ bôl buăl, sư pơm tôm tơdrong 'lơ̆ng bôl buăl 'beh kơ sư, thoi noh na đĭ-đăng kơ bôl buăl hơdai wang băt kơ pơm 'lơ̆ng dih băl.