Tơdrông Pơđơk 6:16 - Sơ̆p Hlabơar Nơ̆r 'Bok Kei-Dei

¹⁶ Đei tơdrâu tơdrong mă Kră Yang areh, Tơpơh tơdrong Kră Yang lăng krưp dêh.

Tơdrông Pơđơk 6:16 ပူးပေါင်းရင်းမြစ်များ

II Pot 21:16

Hloh kơ noh dơ̆ng, Manase kư̆m pơlôch lơ bơngai ưh kơ đei yoch dĭng mah pham 'bĕnh-'bang kơ pơlei Jêrusalem, đơ̆ng pah âu truh tơ pah to, 'nguaih kơ tơdrong pơm kơ lu bơngai Juđa pơm yoch păng pơm kơnê̆ 'bơ̆t anăp Kră Yang hai dơ̆ng.

Jop 5:19

Ih đei tơ'bơ̆p tơdrong pơmat-tat tơdrâu tơpơh 'măng, Sư oei dŏng pơklaih ih.

Horiso 11:5

Kră Yang pơlong lăng lu bơngai tơpăt; Mă-lei jơhngơ̆ma Sư areh kơ bơngai kơnê̆ păng lu bơngai pơm kư̆ kă.

Horiso 5:7

Gah inh gơnang kơ tơdrong 'mêm tih Ih, inh gô mơ̆t tơ lăm hnam Ih. Iŏk jơhngơ̆m hli yom kơ Ih na drap kơkuh 'bơ̆t anih 'lơ̆ng rơgoh Ih.

Tơdrông Pơđơk 11:1

Kră Yang ưh kơ lăp ôh kơ 'long kŏng sa pơgâm. Mă-lei plei kŏng trŏ noh sư lăp đon.

Tơdrông Pơđơk 11:20

Kră Yang areh kơ bơngai đei jơhngơ̆m kư̆ kă. Mă-lei bơngai bu đei jơhngơ̆m tơpăt noh pơm kơ Sư lăp đon.

Tơdrông Pơđơk 12:22

Kră Yang areh kơ lu bơngai pơma hơlĕnh pơdăr; Mă-lei Sư lăp đon kơ lu bơngai pơma tơpăt.

Tơdrông Pơđơk 17:15

Bu dŏng bơngai kơnê̆ khan bơngai tơpăt. Bu băt jâu bơngai 'lơ̆ng tơpăt khan kơnê̆, 'Bar 'nu bre noh Kră Yang areh pơđĭ.

Tơdrông Pơđơk 20:10

Kŏng ưh kơ trŏ, pơtŏ ưh kơ tôm 'bar tơdrong noh Kră Yang areh dêh.

Tơdrông Pơđơk 20:23

Plei kŏng ưh kơ trŏ, Kră Yang areh dêh; 'long kŏng kư̆ kă Kră Yang ưh kơ lăp đon.

Tơdrông Pơđơk 21:4

Măt lăng pơrŏ, păng jơhngơ̆m pơang, Ŭnh kơđeng lu bơngai kơnê̆, tă kơ yoch ngăl.

Tơdrông Pơđơk 3:32

Yua kơ Kră Yang areh kơ bơngai hơlĕnh; Mă-lei pơm buăl juăt hăm bơngai tơpăt.

Tơdrông Pơđơk 30:18

Đei pêng tơdrong pơm kơ inh hlĭch. Păng puăn tơdrong mă inh ưh kơ hlôh:

Tơdrông Pơđơk 30:21

Đei pêng tơdrong pơm ăn kơ teh tơdrŏ, Păng puăn tơdrong, sư ưh pă kĕ bơih,

Tơdrông Pơđơk 30:24

Lăm teh đei puăn kon sem brem iĕ, Mă-lei lu sư đei đon hơgei dêh:

Tơdrông Pơđơk 30:29

Đei pêng khŭl sem brem yak năm hơbŏ rŏ 'lơ̆ng. Păng đei puăn khŭl sem brem mă yak hơbŏ rŏ.

Tơdrông Pơđơk 6:15

Na tơdrong pơmat-tat truh kơ sư ưh kơ tam băt. Sư kơdrăt răm hloi, pă gơh klaih dơ̆ng.

Tơdrông Pơđơk 6:17

Măt lăng pơang, Hơpiĕt hơlĕnh pơdăr; Ti 'bet pơlôch bơngai ưh kơ đei yoch;

Tơdrông Pơđơk 8:13

Băt hli yom kơ Kră Yang jing areh kơ tơdrong kơnê̆, Inh areh kơ tơdrong pơrŏ, pơang tơdrong pơma kơnê̆, ưh kơ tơpăt.

Je 26:15

Iĕm athei băt mă tơpă dah lu iĕm pơlôch inh lu iĕm, pơlei tih âu, đĭ kon pơlei pơla oei lăm pơlei tih âu gô pŭ pham inh mă ưh kơ đei yoch âu. Yua kơ Kră Yang tơpă mă đei wơh inh năm tơ iĕm, ăn kơ inh roi tơbăt dôm lu nơ̆r âu tơ lăm đon iĕm kơtơ̆ng.”

Am 1:11

Kră Yang khan: Yua kơ đơ̆ng kon pơlei Eđôm rai pơm kơnê̆ hloh kơ adrol, thoi ei na Inh ưh kơ lê̆ ôh wă phak lu sư. Yua kơ lu sư đei chĕp đao druh 'moi lu 'nhŏng oh sư kơdih, ưh pă đei jơhngơ̆m băt mơnat, tơdrong hil blĕk lu sư kăp hek băl, pă pơdơh mong tơdrong blĕk ling-lang,

Am 1:3

Kră Yang khan: Yua kơ đơ̆ng kon pơlei Đamas rai pơm yoch pơm yoch hloh kơ adrol, thoi ei na Inh ưh kơ lê̆ ôh wă phak lu sư. Yua kơ lu sư pơjuă dêh char Gileat thoi đe preh 'ba păng kơmăi mam,

Am 1:6

Kră Yang khan: Yua kơ đơ̆ng kon pơlei Gasa rai pơm yoch pơm yoch kơnê̆ hloh kơ adrol, na Inh ưh kơ lê̆ ôh wă phak lu sư; yua kơ lu sư rôp ba đĭ-đăng kon pơlei năm pơm bơnă păng jao lu sư kơ bơngai Eđôm,

Am 1:9

Kră Yang khan: Yua kơ đơ̆ng kon pơlei Tirơ pơm yoch rai kơnê̆ hloh kơ adrol, thoi ei na Inh ưh kơ lê̆ ôh wă phak lu sư; yua kơ lu sư jao boih đĭ-đăng kon pơlei kơ kon pơlei Eđôm, ưh pă 'blŏk kơ tơdrong pơgơ̆p băl tơduă 'nhŏng oh.

Am 2:1

Kră Yang khan: Yua kơ đơ̆ng kon pơlei Môap pơm yoch rai hloh kơ adrol, thoi ei na inh ưh kơ lê̆ ôh wă phak lu sư; yua kơ sư đei soh boih kơting pơtao char Eđôm wă pơm chŭr.

Am 2:4

Kră Yang khan: Yua kơ đơ̆ng kon pơlei Juđa rai pơm yoch hloh kơ adrol, na inh ưh kơ lê̆ ôh wă phak lu sư; Yua kơ lu sư achăng lê̆ boih khôi juăt Kră Yang păng ưh pă pơm kiơ̆ dôm nơ̆r Sư tơtă, dôm lu yang hơlĕnh pơdăr mă đơ̆ng 'bok yă lu sư kiơ̆, pơm kơ lu sư wơ̆l jrok.

Am 2:6

Kră Yang khan: Yua kơ đơ̆ng kon pơlei Isơrael rai pơm yoch hloh kơ adrol, na inh ưh kơ lê̆ ôh wă phak lu sư, yua kơ lu sư tĕch boih lu bơngai tơpăt yua kơ jên păng tĕch lu bơngai dơnuh hin yua kơ hơgrop chơkhŏ chuă.

Sa 8:17

'Nĕ chă tơdrong kơnê̆ lăm jơhngơ̆m 'nĕ kơ tơhil hăm lu rông 'bôt; păng 'nĕ kơ pơma hơlĕnh, yua kơ noh jơ̆ tơdrong mă Inh areh.” Kră Yang khan thoi noh.

Both 23:18

Iĕm 'nĕ iŏk jên đơ̆ng mơdro akâu mă đơ̆ng drŏ-kăn dah drŏ-nglob chĕp ba tơmơ̆t lăm hnam Kră Yang 'Bok Kei-Dei iĕm, pơsĭt đêl nơ̆r pơkă yua kơ 'bar tơdrong noh krưp dêh kơ Kră Yang 'Bok Kei-Dei iĕm areh lăng krưp dêh.

Both 24:4

Lei bơngai klo mă adrol hlôi puh tơbrŏk sư boih, ưh kơ gơh iŏk sư pơm akăn dơ̆ng, yua kơ sư 'mê̆-'mach boih. Noh jơ̆ minh tơdrong pơm krưp dêh 'bơ̆t anăp Kră Yang; iĕm 'nĕ kơ chĕp ba yoch tơ dêh mă Kră Yang 'Bok Kei-Dei iĕm ăn kơ iĕm teh bơ̆jang sa.

Both 25:16

Yua kơ Kră Yang 'Bok Kei-Dei iĕm areh krưp dêh kơ bơngai bu pơm dôm tơdrong ưh kơ trŏ 'nâu.

Tơdrông Tơ'bôh 21:27

Tơdrong 'mê̆-'mach ưh kơ gơh mơ̆t ôh tơ lăm pơlei noh. Bơngai hơlĕnh, bơngai oei kơkuh kơ yang nai, ưh kơ gơh mơ̆t ôh. Pôm lu bơngai đei chih anăn lăm sơ̆p hla bơar Kon Triu đĕch gơh mơ̆t. Sơ̆p hla bơar Kon Triu noh chih anăn dôm lu bơngai mă gô arih hăm Sư ling-lang.