Tơdrông Pơđơk 6:15 - Sơ̆p Hlabơar Nơ̆r 'Bok Kei-Dei

¹⁵ Na tơdrong pơmat-tat truh kơ sư ưh kơ tam băt. Sư kơdrăt răm hloi, pă gơh klaih dơ̆ng.

Tơdrông Pơđơk 6:15 ပူးပေါင်းရင်းမြစ်များ

II Ho 36:16

Mă-lei lu sư hiap lu bơngai đơ̆ng Kră Yang 'Bok Kei-Dei, ưh kơ wă mơ̆ng pơdê nơ̆r Kră Yang 'Bok Kei-Dei, pơjăm lu bơngai khan lê̆ adrol Kră Yang dĭng mah Kră Yang hil mĭl phak kon pơlei Sư, ưh pă gơh hơmet ming liơ.

Horiso 50:22

Thoi noh, ơ lu bơngai hiơt kơ Kră Yang 'Bok Kei-Dei, lăng bĕ tơdrong 'nâu. Inh gô hek pơrăm ih, ưh kơ đei bu dŏng ôh.

Horiso 55:15

Ăn tơdrong lôch truh tơ lu ayăt kơ inh! Tơjur lu sư oei arih tơ lăm dêh atâu. Yua kơ tơdrong kơnê̆ oei tơ lăm hnam, lăm jơhngơ̆m lu sư.

Tơdrông Pơđơk 1:26

Na dah lu iĕm đei tơdrong pơmat-tat, Inh gô hiĕk ăr, păng lu iĕm đei tơdrong hli tơrơ, Inh gô tơhuăi;

Tơdrông Pơđơk 1:27

Kơplah tơdrong hli krưp truh tơ lu iĕm thoi kial hơbŭt, păng tơdrong pơmat-tat truh tơ lu iĕm thoi kial phŭt, Tơdrong jĭ jăn pơmat-tat truh tơ lu iĕm.

Tơdrông Pơđơk 14:32

Bơngai kơnê̆ gô răm lăm tơdrong yoch sư pơm. Mă khan oei lăm anih lôch bơngai tơpăt đei anih gơnang.

Tơdrông Pơđơk 24:16

Yua kơ bơngai tơpăt mă sư pơ̆k tơpơh wơ̆t ră, Mă-lei gô iung dơ̆ng; Mă-lei bơngai pơm kơnê̆ gô pơrăm hăm pơmat-tat.

Tơdrông Pơđơk 24:22

Yua kơ blư đei tơdrong kơnê̆ truh hloi tơ lu sư. Bu băt lê̆ tơdrong truh kơ bơngai âu dah bơngai to?

Tơdrông Pơđơk 29:1

Bơngai bu đei chrih ling-lang, Mă-lei oei arăng kơ̆l, Gô đei tơdrong truh blư bla na ưh pă kơ đei gơh dŏng pơklaih.

Tơdrông Pơđơk 6:16

Đei tơdrâu tơdrong mă Kră Yang areh, Tơpơh tơdrong Kră Yang lăng krưp dêh.

Je 19:11

‘Na khan kơ lu sư: 'Nâu nơ̆r Kră Yang Tih Hloh khan: Inh gô teh pơchah lê̆ kon pơlei păng pơlei âu kư̆m thoi Jêrêmi teh pơchah ge noh mơ̆n, ưh pă gơh pơklep dơ̆ng. Lu sư gô 'bŭ hơtâu bơngai lôch tơ Tôphet, dĭng mă anih 'bŭ pă đei.’ ”

Êsêkiên 11:13

Kơplah inh khan lê̆ adrol, Phêlatia kon drŏ-nglo Bênaia lôch; inh drap muh măt tơ teh păng krao ôr re: “Ơ, Kră Yang Tih Hloh, Ih wă pơlôch đĭ bơngai Isơrael mă oei arih dah kiơ?”

I Tes 5:3

Năr ei kơnh lu bơngai ưh kơ lui sư khan: “Ô hiôk tơpă dêh iih, ưh kơ đei tơdrong kiơ truh tơ lu bơ̆n.” Mă-lei năr noh hloi boih lu sư đei tơdrong răm hloi, kư̆m thoi bơngai drŏ-kăn sư wă jê̆ tơpŭ sư ưh kơ băt layơ sư wă jĭ anăp sư. Lu bơngai noh ưh kơ gơh jăk ôn akâu sư tơ yơ ôh.