Tơdrông Pơđơk 4:24 - Sơ̆p Hlabơar Nơ̆r 'Bok Kei-Dei

²⁴ 'Bơ̆r ih 'nĕ pă pơma hơlĕnh, Weh ataih bĕ đơ̆ng hơkŭng pơma kư̆ kă.

Tơdrông Pơđơk 4:24 ပူးပေါင်းရင်းမြစ်များ

Jop 11:14

Dah đei tơdrong yoch lăm ti ih, athei tơbral hŭt lê̆ ataih; ưh kơ lê̆ tơdrong yoch kơnê̆ oei lăm bơsŭn ih,

Horiso 34:14

Weh kơ tơdrong kơnê̆ păng pơm bĕ tơdrong 'lơ̆ng. Chơchă bĕ tơdrong hiôk-hian păng druh kiơ̆ tơdrong ei.

Tơdrông Pơđơk 10:32

Nơ̆r 'bơ̆r bơngai tơpăt băt tơdrong trŏ 'lơ̆ng; Mă-lei đei nơ̆r 'bơ̆r lu bơngai kơnê̆ lăp băt pơma hơlĕnh đĕch.

Tơdrông Pơđơk 17:20

Đe bu đei đon jơhngơ̆m kơnê̆ ưh kơ đei pŭn hiôk ôh; Păng bu đei hơpiĕt pơma kư̆ kă gô huŏng lăm tơdrong răm.

Tơdrông Pơđơk 19:1

Bơngai dơnuh hin arih sa 'lơ̆ng tơpăt. 'Lơ̆ng hloh kơ bơngai bơlŭk pơma hơlĕnh.

Tơdrông Pơđơk 4:25

Ăn kơ măt lăng tơpăt anăp, 'Nĕ kơ pơ'ngeh muh tơjruh măt.

Tơdrông Pơđơk 6:12

Bơngai bu arih hăm 'bơ̆r kơnê̆, Lu bơngai răm, lu bơngai pơm kơnê̆.

Tơdrông Pơđơk 8:13

Băt hli yom kơ Kră Yang jing areh kơ tơdrong kơnê̆, Inh areh kơ tơdrong pơrŏ, pơang tơdrong pơma kơnê̆, ưh kơ tơpăt.

Tơdrông Pơđơk 8:8

Dôm nơ̆r đơ̆ng 'bơ̆r Inh pơma tơdrong tơpăt ngăl, lăm noh hoh-hoy kơ tơdrong glăi.

Êsêkiên 18:31

Athei hŭt lê̆ bĕ tơdrong yoch kơnê̆ ataih đơ̆ng lu iĕm mă lu iĕm đei pơm boih, pơm ming bĕ kơ lu iĕm kơdih, jơhngơ̆m 'nao păng tơdrong arih 'nao, ơ adrĕch Isơrael, thoi yơ lu iĕm wă kơ lôch?

Kôlôsê 3:8

Mă-lei dang ei iĕm athei tŭk bĕ. 'Nĕ kơ hil areh kơ đe, 'nĕ pơm kơnê̆ kơ đe, 'nĕ kơ pơjăm đe blei hiap đe.

I Tim 6:5

Đon lu sư jing ưh pă 'lơ̆ng boih, na lu sư pơjah pơjăng ling-lang. Lu sư ưh kơ hlôh tơdrong 'Bok Kei-Dei. Lu sư ưh kơ lui mă-lei lu sư pơma dih băl khan: “Bơ̆n pơm thoi bơngai lui, đơ̆ng noh na bơ̆n chă bơtho pơgŏ đe na gơh mơdrŏng.”

Ya 1:21

Thoi noh na bơ̆n athei lê̆ đĭ dôm tơdrong kơnê̆ 'mê̆-'mach păng chu yom kơ 'Bok Kei-Dei. Bơ̆n athei lui kơ nơ̆r Sư na bơ̆n gơh klaih đơ̆ng tơdrong yoch.

Ya 1:26

Bơngai bu khan sư lui kơjăp, mă ưh kơ gơh gơ̆t 'bơ̆r, nŏng kơ chă hil kơ đe, pơang kơ đe lơ tơdrong mă sư pơngêh đon khan sư lui kơjăp, 'Bok Kei-Dei ưh kơ pơklaih sư ôh.

I Pet 2:1

Thoi noh na bơ̆n 'nĕ pă pơm dôm tơdrong kơnê̆, dôm tơdrong hơlĕnh pơdăr kơ đe, 'nĕ kơ 'nhĕng đe, 'nĕ kơ bâu roi pơjăm đe.