Tơdrông Pơđơk 4:2 - Sơ̆p Hlabơar Nơ̆r 'Bok Kei-Dei

² Yua kơ Inh đei ăn kơ iĕm hŏk pơhrăm 'lơ̆ng; 'Nĕ kơ hŭt tơdrong Inh bơtho.

Tơdrông Pơđơk 4:2 ပူးပေါင်းရင်းမြစ်များ

I Ho 28:9

Bĕ ih, ơ! Sôlômôn, kon drŏ-nglo inh, athei băt kơ Sư Kră Yang 'Bok Kei-Dei inh 'bă ih, athei đĭ jơhngơ̆m đĭ bơhngol bơ̆jang kơ Kră Yang yua kơ Kră Yang băt hlôh 'bôh nhen lăm jơhngơ̆m klơm klak, păng băt dôm đon tơchĕng. Tơdah ih chă Kră Yang, kon gô tơ'bơ̆p; mă-lei tơdah ih achăng lê̆ Kră Yang, sĭt Kră Yang gô achăng lê̆ ih ling-lang.

II Ho 7:19

“Mă-lei tơdah iĕm weh trong plơ̆ng, achăng lê̆ tơdrong juăt păng nơ̆r Inh tơtă mă đei ăn kơ lu iĕm, na jang păng kơkuh kơ yang kơnê̆,

Jop 11:4

Yua kơ ih khan kơ Kră Yang 'Bok Kei-Dei: “Tơdrong lui inh trŏ; păng inh rơgoh 'bơ̆t anăp Kră Yang 'Bok Kei-Dei.”

Jop 33:3

Nơ̆r inh pơma gô lĕch tơdrong tơpăt đơ̆ng lăm jơhngơ̆m. Hơkŭng inh gô pơma hăm tơdrong hlôh wao tơpăt sĭt.

Horiso 119:87

Mă lu sư wă pơlôch inh đơ̆ng kơpal teh; Mă-lei inh ưh kơ đei lê̆ dôm nơ̆r Ih bơtho pơkă.

Tơdrông Pơđơk 3:1

Ơ dăm, 'nĕ kơ hiơt ôh tơdrong Inh bơtho khan; Răk bĕ tơdrong Inh tơtă lăm jơhngơ̆m ih.

Je 35:8

Lu nhôn chu kiơ̆ nơ̆r Jônađap kon drŏ-nglo Rêkap 'bok lu nhôn lăm rim tơdrong sư đei bơtho pơkă boih kơ lu nhôn, lăm đĭ chăl arih lu nhôn, truh tơ kon akăn, kon drŏ-nglo kon drŏ-kăn lu nhôn, ưh kơ et sik.

Both 32:2

Rŏ kơ nơ̆r inh bơtho huŏng jruh thoi đak 'mi; nơ̆r inh pơma lĕch thoi đak ngom jur, thoi 'mi pruh tơ kơpal 'nhĕt 'lơ̆p thoi 'mi hngach ruh tơ kơpal hla 'nhĕt adrih.

I Tim 4:6

Dah ih bơtho lu bơngai lui tơdrong Yêsu Krist kiơ̆ thoi inh pơkă, lei đe băt kơ tơdrong jang ih âu 'lơ̆ng dêh păng đe băt kơ ih lui kơjăp tơdrong 'Bok Kei-Dei khŏm khŏm kư̆m thoi ih lui đơ̆ng blŭng sơ̆ khơ̆ dang ei.

Tit 1:9

sư bơtho tơdrong 'Bok Kei-Dei 'blep trŏ nơ̆r 'Bok Kei-Dei tơpă. Thoi noh đe anăn sư gơh bơtho trŏ tơdrong 'Bok Kei-Dei păng sư gơh pơjah pơjăng păng lu bơngai mă ưh kơ lui ayăt tơdrong sư bơtho.