Tơdrông Pơđơk 4:14 - Sơ̆p Hlabơar Nơ̆r 'Bok Kei-Dei

¹⁴ 'Nĕ kơ mơ̆t kiơ̆ ôh lăm trong lu bơngai pơm kơnê̆, Păng 'nĕ kơ yak năm lăm trong lu bơngai pơm kư̆ kă.

Tơdrông Pơđơk 4:14 ပူးပေါင်းရင်းမြစ်များ

Horiso 1:1

Pŭn dêh kơ bơngai bu, ưh kơ kiơ̆ trong lu bơngai kơnê̆, kư̆m ưh kơ oei lăm trong lu bơngai yoch, kư̆m ưh kơ ngôi hơdai hăm lu pơjăm đe;

Tơdrông Pơđơk 1:10

Ơ dăm, tơdah lu bơngai yoch wă pơhlŭ ih, ih 'nĕ kơ chu hŏ.

Tơdrông Pơđơk 1:15

Ơ dăm, 'nĕ kơ năm kiơ̆ lu sư ôh, Jơ̆ng ih weh bĕ, 'nĕ kơ yak kiơ̆ trong lu sư.

Tơdrông Pơđơk 13:20

Bơngai bu pơm buăl juăt hăm bơngai hơgei gô gơh hơgei. Mă-lei bơngai bu pơm buăl juăt hăm bơngai kơtul kơwao gô răm.

Tơdrông Pơđơk 22:25

Kơnh hli kơ ih rok kiơ̆ trong sư Păng bơhngol ih gô 'leh hơđong sư.

Tơdrông Pơđơk 24:1

'Nĕ 'ngeng kơ lu bơngai pơm kơnê̆, Ih kư̆m 'nĕ kơ wă 'maih oei hơdai hăm sư.

Tơdrông Pơđơk 4:15

Weh bĕ đơ̆ng trong noh, 'nĕ kơ yak rok trong noh, Weh bĕ trong nai păng kư̆ yak tơpăt hloi.

Tơdrông Pơđơk 5:8

Athei weh ataih bĕ đơ̆ng trong sư; 'Nĕ kơ dơ̆ng jê̆ 'măng hnam sư.

Tơdrông Pơđơk 7:8

Sư năm rok trong drong weh tơ hnam drŏ-kăn đi. Sư yak tơklă wă mơ̆t tơ hnam drŏ-kăn đi.

Tơdrông Pơđơk 9:6

Lê̆ bĕ tơdrong kơwao, na ih đei arih; Kiơ̆ bĕ trong tơdrong hlôh wao.

I Kor 15:33

Iĕm 'nĕ kơ lui kơ lu bơngai wă pơlung iĕm, khan 'Bok Kei-Dei ưh kơ wă tơiung arih bơngai lôch, kơnh đơ̆ng bơngai 'lơ̆ng oei hơdai bơngai kơnê̆ sư jing kơnê̆ lei-lăi.