Tơdrông Pơđơk 4:13 - Sơ̆p Hlabơar Nơ̆r 'Bok Kei-Dei

¹³ Rôp kơjăp bĕ tơdrong bơtho khan, 'nĕ kơ achăng lê̆; Bơwei sư, yua kơ noh boih tơdrong arih ih.

Tơdrông Pơđơk 4:13 ပူးပေါင်းရင်းမြစ်များ

Bl 32:26

Bơngai noh khan: 'Brưch đĭ wă 'năr boih, achăng inh bĕ; mă-lei Jakôp tơl: Inh ưh kơ ăn ih năm ôh. Tơdah ih ưh kơ đei sơkat ăn kơ inh đei pŭn hiôk.

Tơdrông Pơđơk 10:17

Bu mơ̆ng pơhrăm iŏk nơ̆r bơtho oei lăm trong tơdrong arih; Mă-lei bơngai bu sơngah kơ tơdrong chrih bơtho gô hiong.

Tơdrông Pơđơk 23:23

Răt bĕ tơdrong sĭt tơpă, 'nĕ kơ tĕch lê̆. Iŏk tơdrong hơgei wei nơ̆r bơtho pơhrăm păng hlôh wao,

Tơdrông Pơđơk 3:18

Tơdrong gơh hơgei sư jing minh tơnơm 'long arih kơ bơngai bu đei rôp sư; Bơngai bu đei rôp sư kơjăp jô̆ bơngai pŭn hiôk tơpă.

Tơdrông Pơđơk 3:22

Sư noh boih jing tơdrong arih kơ bơhngol ih, Păng tơmam pơhrôp 'lơ̆ng 'băk tơ hơko ih.

Tơdrông Pơđơk 6:23

Yua kơ nơ̆r tơtă thoi ŭnh kơđeng; Tơdrong bơtho tơ'bôh thoi hơdah, Păng tơdrong chrih wă bơtho pơhrăm noh trong tơdrong arih.

Tơdrông Pơđơk 8:35

Yua kơ bơngai bu tơ'bơ̆p Inh, chă 'bôh tơdrong arih. Păng đei iŏk tơdrong mơnat đơ̆ng Kră Yang.

Bôk Bơthô 7:12

Kŭm nhen thoi jên kăk, tơdrong hơgei nhen thoi ngôi pĕng akâu jăn, mă-lei tơdrong hlôh băt kơ bơngai hơgei đei yua đunh sơnăm hloh, yua kơ đơ̆ng tơdrong hơgei na gơh wei tơdrong arih lu bơ̆n.

Hơri Hiôk 3:4

Lăp inh weh ataih đơ̆ng lu sư, Blư 'bôh hloi bơngai mă inh hơyuh. Inh thar rôp kuăr hloi, ưh pă achăng sư bơih, Chông ba sư dĭng truh tơ hnam mĕ inh. Mơ̆t lăm anih bơngai mă anăp kơ inh.

Yo 6:63

“Dah jơhngơ̆m đon iĕm lui kiơ̆ tơdrong Inh, lei iĕm gô arih ling-lang. Dah iĕm kiơ̆ tơdrong akâu akar đĕch, lei ưh kơ đei yua kiơ ôh. Dôm nơ̆r Inh bơtho khan ăn kơ iĕm gah tơdrong sa sĕch akar Inh, Inh wă ră kơ jơhngơ̆m đon iĕm lui kiơ̆ kơ Inh na iĕm gô arih ling-lang; lei ră.

Yo 6:68

Pêtrôs khan kơ Sư: “Ơ 'Bok, nhôn wă kiơ̆ bu dơ̆ng lĕ? Tơdrong Ih bơtho khan wă ăn kơ nhôn gô arih ling-lang tơpă.

Jang 11:23

Lăp 'Barna'ba truh boih tơ Pơlei Antiôs, sư 'bôh 'Bok Kei-Dei tơgŭm lu sư tơpă. Na jơhngơ̆m 'Barna'ba chơt hiôk. Na 'Barna'ba pơlung lu sư khŏm khŏm wă kơ lu sư lui kơ Kră Yang Yêsu hăm đĭ jơhngơ̆m klơm klak lu sư kơdih.

Jang 2:42

Rim năr lu sư mơ̆ng lu jơ̆ng 'bang bơtho. Lu sư pơgơ̆p băl thoi 'nhŏng oh, sŏng sa 'blŏk hơdơ̆r kơ Yêsu hăm krao khan kơ 'Bok Kei-Dei hơdai.

Both 32:47

'Nâu ưh kơ sĭ nơ̆r pơma ngôi đĕch, mă-lei noh jơ̆ tơdrong arih lu iĕm; kơplah gơnang kơ nơ̆r 'nâu, na lu iĕm gô oei arih sot tơ kơpal teh đak mă lu iĕm gô iŏk mưh iĕm tŏk hlôi kơ đak Krong Jôrđăn.

I Tes 5:21

Iĕm athei tơchĕng lăng tôm tơdrong, dôm tơdrong trŏ iĕm chhŏ iŏk.

Hêbrơ 2:1

Kơlih kơ thoi noh na dang ei bơ̆n kơtơ̆ng kơtăi boih dôm tơdrong đe bơtho, bơ̆n athei kơchăng 'biơ̆ hli kơ bơ̆n jrok trong nai dơ̆ng.

Tơdrông Tơ'bôh 12:11

Mă-lei jei lu buăl bơ̆n, yua kơ lu sư gơnang kơ Kon Triu 'Bok Kei-Dei lôch tuh pham tang lu sư, păng lu sư adrin ră roi tơdrong Kon Triu. Lu sư ưh kơ 'mêm kơ akâu ôh, lôch bưh arih bưh.

Tơdrông Tơ'bôh 2:13

‘Inh băt mơ̆n tơ pơlei iĕm noh đei yang Satan pơgơ̆r pơm pơtao. Mă-lei iĕm oei lui kơ Inh khŏm khŏm ưh kơ đei sơngah khan ưh kơ lui kơ Inh ôh. Na sơ̆ đe pơlôch buăl iĕm Antipa tơ pơlei iĕm, pơlei mă Satan pơgơ̆r. Antipa sư bơngai ră roi kơ đe tơdrong Inh tơpăt ling-lang ưh kơ layơ achăng lê̆ Inh. Na kơplah đe mă pơlôch sư sơ̆, iĕm kư̆m ưh kơ sơngah kơ Inh.