Tơdrông Pơđơk 4:10 - Sơ̆p Hlabơar Nơ̆r 'Bok Kei-Dei

¹⁰ Ơ dăm, mơ̆ng păng iŏk bĕ nơ̆r inh pơma, Na sơnăm ih arih sot đunh sơnăm;

Tơdrông Pơđơk 4:10 ပူးပေါင်းရင်းမြစ်များ

Jop 22:22

Athei sơng iŏk bĕ nơ̆r đơ̆ng 'bơ̆r Kră Yang bơtho, păng athei wei răk nơ̆r Sư lăm jơhngơ̆m ih.

Tơdrông Pơđơk 19:20

Mơ̆ng bĕ nơ̆r bơtho athei, wei iŏk bĕ nơ̆r đe tơ'bôh; Wă kơ ih gơh hơgei đei đon hlôh wao đơ̆ng âu tơ anăp.

Tơdrông Pơđơk 2:1

Ơ dăm tơdah ih chu iŏk nơ̆r Inh pơma, Wei răk nơ̆r Inh tơtă lăm jơhngơ̆m ih,

Tơdrông Pơđơk 3:16

Lăm ti 'ma sư chĕp tơdrong arih sot; Lăm ti 'ngiĕo sư đei mơdrŏng tih păng ư-ang.

Tơdrông Pơđơk 3:2

Yua kơ tơdrong inh bơtho gô thim kơ ih arih sot, Păng đei hiôk jơnap.

Tơdrông Pơđơk 8:10

Iŏk bĕ nơ̆r Inh bơtho pơkă hloh kơ jên kăk. Răk bĕ tơdrong gơh hơgei 'nei hloh kơ maih se;

Je 9:20

Ơ lu drŏ-kăn mơ̆ng bĕ nơ̆r Kră Yang; Pơih đon lu iĕm mơ̆ng iŏk bĕ nơ̆r đơ̆ng 'bơ̆r Sư pơma. Bơtho pơhrăm bĕ kơ lu kon drŏ-kăn iĕm tơdrong nhơ̆m hmoi, bơtho băl hmoi jô̆.

Both 11:21

Thoi noh măng năr oei đei kơpal teh kơ lu iĕm păng kon sâu lu iĕm gơh oei đei đunh sot lăm dêh mă Kră Yang pơkă boih wă ăn kơ lu 'bok iĕm kư̆m thoi iĕm.

Both 5:16

Athei lui yom kơ mĕ 'bă ih, kiơ̆ thoi Kră Yang tơtă boih kơ ih wă kơ ih gơh arih sot păng đei tơdrong pŭn hiôk tơ kơpal teh âu mă Kră Yang 'Bok Kei-Dei ih ăn kơ ih.

Both 6:2

Wă kơ lu iĕm păng kon sâu iĕm băt kơ hli yom kơ Kră Yang 'Bok Kei-Dei iĕm, đĭ chăl arih tơ kơpal teh wei răk dôm lu tơdrong juăt păng nơ̆r Sư tơtă; wă kơ lu iĕm oei arih sot.

I Tes 2:13

Nhôn bơnê kơ 'Bok Kei-Dei yua kơ iĕm mơ̆ng nhôn bơtho tơdrong Sư na iĕm kơnăl kơ tơdrong 'Bok Kei-Dei tơpă, iĕm lui hloi. Iĕm ưh kơ đei tơchĕng khan nhôn bơtho tơdrong kon bơngai đĕch ôh. Nơ̆r 'Bok Kei-Dei boih ăn kơ bơngai bơ̆n lui kơ Sư, hăm ăn jơhngơ̆m bơ̆n pran kơtang jang kơ Sư.

I Tim 1:15

Tơdrong âu trŏ tơpă, bơ̆n gơh lui tơpă: Kră Yang Yêsu Krist jur oei tơ ala teh âu wă kơ pơklaih lu bơngai yoch. Inh boih bơngai mă pơm yoch lơ hloh kơ đĭ-đăng bơngai nai.