Tơdrông Pơđơk 31:26 - Sơ̆p Hlabơar Nơ̆r 'Bok Kei-Dei

²⁶ Sư pơih nơ̆r 'bơ̆r pơma hơgei đei đon hlôh wao; Đơ̆ng hơpiĕt sư bơtho nơ̆r phep đep yom.

Tơdrông Pơđơk 31:26 ပူးပေါင်းရင်းမြစ်များ

Esther 4:4

Kơplah lu kuan krĕo păng lu drŏ-kăn awih awăn kơ Esther năm roi tơbăt ăn kơ Esther tơdrong 'nâu, yă pơtao sơ'ngon rŭng răng dêh. Sư gơih ăn kơ Morđêkai ao wă kơ sư plôh lê̆ ao 'bi mă-lei sư ưh kơ wă iŏk.

Esther 5:8

Tơdah pơtao mơnat kơ inh păng tơdah pơtao đei jơhngơ̆m 'lơ̆ng na mơ̆ng nơ̆r inh apinh asong kiơ̆ kơ nơ̆r inh hơpơi, lei dơning apinh ih păng Haman năm sŏng sa mă inh gô hơmet dơ̆ng, năr dơning inh gô roi tơdrong kiơ inh wă apinh ih.

Tơdrông Pơđơk 10:31

Nơ̆r 'bơ̆r bơngai tơpăt lĕch tơdrong gơh hơgei, Mă-lei đei hơpiĕt lu bơngai pơma kư̆ kă gô kăt lê̆.

Tơdrông Pơđơk 12:18

Bơngai kư̆ kă chă pơma han thoi 'bet klĕch hăm đao. Mă-lei hơpiĕt lu bơngai hơgei đei hơmet klaih.

Tơdrông Pơđơk 16:24

Nơ̆r pơma rơngơp 'ngam thoi đak sut, 'Ngam kơ bơhngol gơh klaih praih jăng kơ kơting.

Tơdrông Pơđơk 19:14

Mŭk tơmam hnam oei noh đei đơ̆ng kră pơsư̆ ăn. Akăn gơh hơgei đei đơ̆ng Kră Yang asong.

Tơdrông Pơđơk 25:15

Đơ̆ng adrin chơ̆n na gơh pơtơm bơngai pơm yŏng pơgơ̆r chu. Hơpiĕt pơma huăt rơdu lu kơting 'bônh kơ tơgơ̆.

Tơdrông Pơđơk 31:27

Sư pơnam wei gram hnam dơnŏ sư. Ưh kơ sŏng đơ̆ng hơlah ưh kơ tah sa đơ̆ng ngôi đĕch.

Hơri Hiôk 2:14

Ơ sem kơtơp inh, tơ sơlam tơmo, Păng lăm hơgơp kông. Tơ'bôh bĕ kơ inh muh măt ih. Asong bĕ inh mơ̆ng nơ̆r ih, Yua kơ nơ̆r pơma ih hơbôn rơngơp. Muh măt ih 'lơ̆ng hơiă.

Hơri Hiôk 4:11

Ơ ŭnh om, hơkŭng ih lĕch đak sut. Tơ hơpiĕt ih đei đak sut păng đak toh; 'Bâu phu đơ̆ng hơbĕn ao ih, thoi 'bâu phu đơ̆ng char Liban.

Malachi 2:6

Tơdrong khôi juăt tơdrong tơpăt oei boih tơ lăm 'bơ̆r lu sư bơtho, lăm hơkŭng lu sư ưh pă đei tơdrong kơnê̆ boih; lu sư yak hơdai hăm Inh lăm tơdrong hiôk-hian păng tơpăt, pơm ăn kơ lơ bơngai weh achăng đơ̆ng tơdrong kơnê̆.

Luka 1:38

Na Mari khan: “Inh âu jơ̆ đĭch đam Kră Yang, inh mơ̆ng kơ Sư ăn kơ inh thoi ih khan kơ inh hei.” Na linh jang 'lơ̆ng ei wih hloi đơ̆ng sư tŏk tơ plĕnh ti.

Jang 18:26

Apôlê năm tơ Pơlei Êphêsô bơtho tơ hnam akŭm bơngai Juđê. Sư bơtho kư̆m nuih tơpă mơ̆n. Lăp Prisil păng Akila mơ̆ng sư bơtho bre sư anhăk ba sư truh tơ hnam bre sư. Bre sư bơtho ăn kơ Apôlê tơdrong 'Bok Kei-Dei wă kơ sư hlôh băt tôm 'biơ̆.

Jang 6:15

Đĭ-đăng bơngai oei tơ hnam sek tơlang 'bloh pơchơ̆k kơ Êtien, 'bôh muh măt sư nhen lĕ muh măt linh jang 'lơ̆ng 'Bok Kei-Dei mơ̆n.

Êphêsô 4:29

Iĕm 'nĕ kơ pơma kơnê̆, athei pơma mă 'lơ̆ng tơgŭm pơyua lu bơngai mă mơ̆ng iĕm.

Kôlôsê 4:5

Bơ̆n athei adrin pơm mă 'lơ̆ng pơma mă trŏ kơ lu bơngai tam mă lui, wă kơ lu sư mơ̆ng trŏ na lui kơ 'Bok Kei-Dei.

I Pet 3:1

Kư̆m lei-lăi thoi noh, lu bơngai drŏ-kăn, iĕm athei chu yom kơ klo iĕm. Dah klo iĕm ưh kơ lui kơ nơ̆r 'Bok Kei-Dei, iĕm kư̆m athei pơm 'lơ̆ng kơ sư ling-lang; khŏm khŏm sư kư̆m lui mơ̆n mă khan ưh kơ đei bu bơtho.

Lu 13:23

Mă-lei akăn sư tơl: Tơdah Kră Yang wă pơlôch ba, lei Sư ưh kơ iŏk tơmam soi 'buh păng tơmam soi tơpŭng ba pơyơ̆r đơ̆ng tơpang ti ba, lei thoi kư̆m ưh kơ tơbăt kơ ba dôm tơdrong noh ôh, Sư ba đei kơtơ̆ng năr âu.