Tơdrông Pơđơk 31:17 - Sơ̆p Hlabơar Nơ̆r 'Bok Kei-Dei

¹⁷ Sư tơ̆n hăm tơlei tơ̆n pran kơtang sư jang hăm ti pơm kơkŏng ti sư pran.

Tơdrông Pơđơk 31:17 ပူးပေါင်းရင်းမြစ်များ

Bl 49:24

Đơ̆ng ti Kră Yang mơsêh Jakôp, Thoi noh hră sư huay kơ pơpơ̆; Đơ̆ng Kră Yang wei-lăng triu brĕ, noh tơmo kŭk Isơrael. Na 'bar pah ti sư jing pran.

I Pot 18:46

Ti Kră Yang chro pel akâu Êli. Sư iŏk tơlei tơ̆n, tơ̆n tơ kơiĕng păng sư kơdâu adrol kơ Ahap, truh tơ 'măng wă mơ̆t Pơlei Jêsreel.

II Pot 4:29

Êlisê khan kơ Gêhasi: “Iŏk tơlei tơ̆n, tơ̆n tơ kơiĕng ih, chĕp ba 'long jra inh 'nâu păng năm hloi dang ei, dah ih tơ'bơ̆p bu ih 'nĕ kơ pơma dơnuh, dah bu bu pơma dơnuh hăm ih, ih 'nĕ kơ tơl hŏ! Truh tơ ei ih dan 'long jra inh 'nâu 'bơ̆t muh măt 'lơ̆p ei.”

Jop 38:3

Ih athei gơhret tơlei tơ̆n thoi bơngai nuih kơtang Inh gô jet ih, na ih gô tơl tơwih kơ Inh!

Tơdrông Pơđơk 31:16

Sư lăng mir păng răt hloi mir noh. Đơ̆ng jơ̆ng ti kơdih jang đei sa na sư pơm minh hlak pơgar pơtăm plei hơmu.

Tơdrông Pơđơk 31:18

Sư 'bôh tơdrong jang sư gơh đei yua; na ŭnh kơđeng sư ưh kơ đei tơpăt ôh kơmăng.

Êsai 44:12

Bơngai hơjơ̆m iŏk bơsei 'buh lăm ngar ŭnh, iŏk mut teh hơjơ̆m pơm sư, yua ti pran kơtang sư hơjơ̆m tơtang pơm rup, sư gô pơngot păng jơhngơ̆m ưh kơ đei, sư ưh kơ nhă đak pă kĕ dang wă lôch.

Hôsia 7:15

Inh boih pơhrăm pơjuăt, đei pơm kơ kơkŏng ti lu sư pran. Mă-lei lu sư kư̆m oei 'maih pơm kơnê̆ kơ Inh 'mơ̆i.

Luka 12:35

“Iĕm athei kơchăng ling-lang thoi lĕ bơngai oei chang gô đe truh kơmăng. Sư đĭ hrŭk hơmet hơbĕn ao boih. Ŭnh kơđeng sư oei khơ̆ng.

Êphêsô 6:10

Tơdrong inh chih hơpong kơ iĕm wă jê̆ tôch boih, mă-lei oei đei pă minh tơdrong âu kăl tơpă, na inh wă roi tơbăt ăn kơ iĕm: Bơ̆n athei gơnang kơ Yêsu hăm đĭ jơhngơ̆m, yua kơ Sư Kră Yang mơsêh tăp pang mơyang tăp dăr gơh pơm tôm tơdrong, na wă kơ Sư tơgŭm bơ̆n gơh đei jơhngơ̆m pran.

Êphêsô 6:14

Kơplah bơ̆n oei tơblah, bơ̆n athei dơ̆ng kơtă anih hloi, gơhret tơlei tơ̆n bơ̆n mă kơjăp; noh wă pơtih gia kơ bơ̆n đei đon tơpăt boih. Bơ̆n athei hrŭk ao mam wă pĕng akâu bơ̆n; noh wă khan bơ̆n athei pơm 'lơ̆ng kơ đe.

I Pet 1:13

Thoi noh na iĕm athei pơgơ̆t 'biơ̆ jơhngơ̆m iĕm hăm kơchăng hli kơ pơm yoch; păng athei tơchĕng ling-lang gah tơdrong Yêsu Krist wă ăn kơ iĕm tơdrong hiôk jơnap lăm năr Sư jur kơnh păng iĕm athei lui kơ tơdrong Sư wă ăn noh.