Tơdrông Pơđơk 31:10 - Sơ̆p Hlabơar Nơ̆r 'Bok Kei-Dei

¹⁰ Bơngai bu chă đei akăn iơ̆m dim gơh găt? Bơngai drŏ-kăn thoi noh gĭt hloh kơ jơmŏng.

Tơdrông Pơđơk 31:10 ပူးပေါင်းရင်းမြစ်များ

Jop 28:18

Mă tơmo pơkao gĭt lăm đak dơsĭ păng kơmĭl, ưh pă pơma truh dơ̆ng bơih. Tơdrong gơh hơgei gĭt hloh kơ tơmo gôh.

Tơdrông Pơđơk 12:4

Bơngai drŏ-kăn iơ̆m dim thoi môk pơtao ăn kơ klo sư. Mă-lei đei bơngai drŏ-kăn mơkoh noh thoi tơmam pơm kơ kơting bŭk.

Tơdrông Pơđơk 14:1

Bơngai drŏ-kăn gơh hơgei đei pơm pơjing hnam sư. Mă-lei bơngai drŏ-kăn kơwao hrăn kuăr ti noh yuih lê̆ hnam sư.

Tơdrông Pơđơk 18:22

Bơngai bu chă đei akăn chă đei boih pŭn hiôk; Păng đei mơnat tih đơ̆ng Kră Yang.

Tơdrông Pơđơk 19:14

Mŭk tơmam hnam oei noh đei đơ̆ng kră pơsư̆ ăn. Akăn gơh hơgei đei đơ̆ng Kră Yang asong.

Tơdrông Pơđơk 20:15

Đei maih đei jơmŏng lơ; Mă-lei đei 'bơ̆r đon hơgei noh mă tơmam gĭt hloh.

Tơdrông Pơđơk 3:15

Tơdrong gơh hơgei gĭt hloh kơ tơmo gôh, Đĭ-đăng tơmam kon bơngai hơpơi wă, ưh kơ gơh pơtŏ pơting.

Tơdrông Pơđơk 31:11

Klo sư đei jơhngơ̆m 'lơ̆ng hơđơ̆ng kơ sư. Bơngai drŏ-kăn thoi noh ưh kơ'bah kiơ.

Tơdrông Pơđơk 8:11

Tơdrong hlôh wao gĭt hloh kơ jơmŏng; Kŏng pơting hloh kơ dôm mŭk ih 'maih wă.

Bôk Bơthô 7:28

Noh boih jơ̆ tơdrong inh oei wă chơchă ling-lang mă ưh tam 'bôh: Lăm minh-rơbâu 'nu bơngai drŏ-nglo, inh chă 'bôh boih lăp minh 'nu đĕch bơngai tơpăt; na lăm đĭ-đăng lu bơngai drŏ-kăn, inh chă ưh kơ đei minh 'nu bu hloi tơpăt.

Ru 3:11

Ih 'nĕ kơ hli, inh gô pơm ăn kơ ih dôm tơdrong ih apinh yua kơ đĭ-đăng kon pơlei băt kơ ih drŏ-kăn iơ̆m dim gơh găt.

I Sam 25:3

Anăn sư Nabal păng akăn sư anăn Abigail; akăn sư hơgei 'lơ̆ng hơbŏ, gah klo sư bơngai khĕnh; kơnê̆ sư adrĕch Kalep.