Tơdrông Pơđơk 30:8 - Sơ̆p Hlabơar Nơ̆r 'Bok Kei-Dei

⁸ Iŏk hŭt lê̆ ataih tơdrong pơma hơlĕnh đơ̆ng inh 'Nĕ ăn kơ inh dơnuh hin hnang, păng kư̆m 'nĕ ăn inh mơdrŏng; Kư̆ ăn kơ inh đei tơmam sa kăl yua tôm mah rim năr.

Tơdrông Pơđơk 30:8 ပူးပေါင်းရင်းမြစ်များ

Bl 28:20

Na Jakôp hơpơi kơdih sư thoi âu: Tơdah Kră Yang 'Bok Kei-Dei oei hơdai inh, wei-lăng inh kơplah inh oei yak, ăn 'bĕng sa, ao hrŭk.

II Pot 25:30

Pơtao đe Babilôn tơgŭm sư tơmam sa mah ling-lang dĭng đĭ chăl arih sư.

Jop 23:12

Inh ưh kơ tơklah kơ nơ̆r tơtă đơ̆ng 'bơ̆r Sư. Inh răk lăm jơhngơ̆m inh nơ̆r đơ̆ng 'bơ̆r Kră Yang hloh kơ tơmam sŏng sa.a

Horiso 119:29

Apinh wei inh weh ataih đơ̆ng trong glăi. Apinh Ih mơnat bơtho ăn kơ inh băt kơ khôi juăt Ih.

Horiso 119:37

Apinh Ih pơdăr măt inh wă kơ huay lăng lu tơdrong ưh kơ yua. Ăn kơ inh gơh arih kiơ̆ lăm lu trong Ih.

Le 16:15

Lăp kon pơlei Isơrael 'bôh tơmam noh, lu sư apinh dih băl: Kiơ 'noh? Yua kơ lu sư ưh kơ băt ôh tơmam 'noh yă kiơ. Môis khan kơ lu kon pơlei: “'Noh 'bĕng mă Kră Yang ăn kơ lu iĕm sa.

Le 16:18

Lu sư kŏng hăm ômer, bu dônh lơ kư̆m ưh kơ rơkah, bu dônh tŏ sĕt kư̆m huay ưh kơmah, rim 'nu bơngai dônh lăp kơ sa mah.

Le 16:29

Athei tơchĕng lăng, Kră Yang ăn boih kơ lu iĕm năr Sa'bat; na lei, truh năr tơdrâu Kră Yang ăn kơ lu iĕm 'bĕng sa mah kơ 'bar năr. Wă kơ rim 'nu bơngai athei oei kơtă anih kơdih, ưh kơ gơh bơngai bu lĕch tơ 'nguaih ôh lăm năr tơpơh.

Le 16:35

Kon pơlei Isơrael sa mana lăm puăn-jĭt sơnăm, tơ̆p truh tơ lu sư mơ̆t oei tơ dêh Kanaan.

Tơdrông Pơđơk 13:5

Bơngai tơpăt băt areh kơ nơ̆r hơlĕnh; Bơngai kơnê̆ pơm trŏ kơ mơlâu hlơ̆l lĕm.

Tơdrông Pơđơk 21:6

Đei tơmam yua đơ̆ng pơma hơlĕnh tĕnh kơ hiong thoi hơyuh đak Kơ lu bơngai chơchă tơdrong lôch.

Tơdrông Pơđơk 22:8

Bơngai bu rei đŏng gô tŏng kơ sư tơdrong pơmat; 'Long băl sư hil gô tơgơ̆.

Tơdrông Pơđơk 23:5

Măt ih nŏng kơ lăng 'bloh tơ mơdrŏng hă? Ưh pă đei boih! Yua kơ sư đĭ chăt pơnăr păr tŏk tơ plĕnh thoi sem kring.

Tơdrông Pơđơk 30:7

Inh apinh Ih 'bar tơdrong, ơ Kră Yang, 'nĕ kơ sơngah kơ inh adrol kơ inh wă lôch:

Bôk Bơthô 1:2

'Bok mă bơtho noh khan: “Đĭ-đăng dôm tơdrong ưh kơ yua kiơ̆ hloi, tơdrong kơđei ngăl. Ưh kơ đei bu kĕ hlôh tôm tơdrong lăm chăl arih bơ̆n.”

Êsai 5:18

Răm-'băm dêh kơ bơngai bu đui tơdrong yoch hăm tơlei hơlĕnh; păng dui ba tơdrong yoch thoi tơlei dui gre.

Êsai 59:4

Chă tơkêng băl ưh kơ kiơ̆ tơdrong tơpăt. Pơjah băl kư̆m ưh kơ đei kiơ̆ tơdrong tơpăt hơnơ̆ng Đĭ-đăng tă kơ gơnang kơ tơdrong hiong răm, pơma hơlĕnh pơdăr, lu sư tơchĕng kơ tơdrong kơnê̆ păng pơm tơdrong răm.

Je 37:21

Pơtao Sêđekia tơtă athei đe ba Jêrêmi tơ cham hnam anih đe gak, ăn kơ sư rim năr minh pôm 'bĕng mi, đơ̆ng hnam đe pơm 'bĕng lăm pơlei tih ei dĭng truh tơ tơpŭng 'bĕng lăm pơlei noh đĭ. Jêrêmi đe chĭt tơ cham hnam anih linh gak.

Je 52:34

Gah tơmam sư, pơtao ăn kơ sư tôm mah rim năr truh tơ sư lôch. Jêhôiachin oei arih dang yơ, lei pơtao Babilôn ăn tơmam kăl yua ling-lang, dĭng đĭ chăl arih sư.

Mathiơ 6:11

Apinh Ih ăn kơ nhôn năr 'nâu đei sŏng sa mah.

Mathiơ 6:33

Thoi noh na iĕm athei ăn kơ Sư pơgơ̆r iĕm, hăm adrin pơm 'lơ̆ng thoi Sư wă, noh kăl hloh kơ dôm tơdrong nai; pơm thoi noh na Sư gô ăn kơ iĕm tôm tơmam iĕm kăl yua.

Luka 11:3

Apinh Ih ăn kơ nhôn đei sŏng sa mah rim năr.

Yo 2:8

Yêsu khan dơ̆ng kơ lu đe awih ei: “Iĕm tring đak âu năm ăn kơ bơngai kơdranh mă wei-lăng sa et.” Na đe năm ba đak ei truh tơ bơngai kơdranh mă wei-lăng ei boih.

Jang 14:15

“Ơ bre, iĕm wă pơm kiơ? Nhi kư̆m kon bơngai lei-lăi thoi iĕm mơ̆n. Nhi wă bơtho kơ iĕm Tơdrong 'Nao 'Lơ̆ng, wă kơ iĕm tŭk lê̆ dôm lu yang iĕm pơm kơkuh noh mă ưh kơ yua kiơ, na iĕm lui kiơ̆ kơ 'Bok Kei-Dei đĕch. 'Bok Kei-Dei arih ling-lang. Sư pơjing plĕnh teh, đak dơsĭ păng đĭ-đăng sem tơmam oei lăm ala teh đak.