Tơdrông Pơđơk 30:3 - Sơ̆p Hlabơar Nơ̆r 'Bok Kei-Dei

³ Inh ưh kơlah pơhrăm ôh tơdrong gơh hơgei, Păng kư̆m ưh kơ đei đon hlôh wao gah Yang 'Lơ̆ng Rơgoh.

Tơdrông Pơđơk 30:3 ပူးပေါင်းရင်းမြစ်များ

Tơdrông Pơđơk 30:4

Bu tŏk tơ plĕnh boih, na jur dơ̆ng? Bu pơpôi boih kial lăm tơpang ti sư? Bu 'nŭng boih đak lăm ao sư? Bu man pơjing bơih tôm kơ teh đak âu kơjăp. Anăn sư bu, păng anăn kon tơdăm sư bu? Tơdah ih băt roi bĕ kơ inh.

Tơdrông Pơđơk 9:10

Băt hli yom kơ Kră Yang, noh tơm tơdrong gơh hơgei; Băt hlôh kơ Kră Yang Rơgoh, noh boih tơdrong hlôh wao.

Êsai 30:11

Weh bĕ trong nai, tơklah bĕ đơ̆ng trong noh lê̆ pă roi gah Tơ'ngla 'Lơ̆ng Rơgoh đe Isơrael, weh bĕ đơ̆ng muh măt lu nhôn.”

Êsai 57:15

Yua kơ Tơ'ngla Tih Hloh kơ đĭ-đăng, Tơ'ngla oei đei ling-lang. Anăn Sư Kră Yang 'Lơ̆ng Rơgoh, đei khan thoi âu: “Inh oei tơ anih kơpal hloh păng 'Lơ̆ng Rơgoh. Mă-lei kư̆m oei hơdai hăm bơngai đei jơhngơ̆m sơ'ngon tơbral tơdrong yoch, wă tơiung ming jơhngơ̆m lu bơngai băt tơjur akâu, wă pơlung jơhngơ̆m lu bơngai băt sơ'ngon kơdih yoch.

Êsai 6:10

Pơm bĕ kơ kon pơlei 'nâu jơhngơ̆m lu sư arăng, đon tơngơl, măt lu sư bơbôl, Hli kơ măt lu sư gơh 'bôh đon lu sư kơtơ̆ng jơhngơ̆m lu sư hlôh kơnh lu sư wơ̆t brŏk păng gơh klaih.”

Êsai 6:3

Lu Sêraphim ôr krao tơduă lu sư khan: “'Lơ̆ng rơgoh dêh, 'lơ̆ng rơgoh dêh, 'lơ̆ng rơgoh dêh Kră Yang Tih Hloh; jơ̆p kơ teh đak 'bĕnh-'bang kơ tơdrong ư-ang Sư!”

Mathiơ 11:27

“'Bă Inh jao ăn kơ Inh tôm tĕch tơdrong. Minh 'nu 'Bă Inh đĕch băt kơ Inh păng minh 'nu Inh đĕch băt kơ Sư. Na tơdrong tơbăt ăn kơ iĕm 'Bă Inh, Sư gô mơ̆ng kơ Inh wă.

Mathiơ 16:17

Yêsu khan: “Ơ Simôn, kon Yôhan, ih hiôk tơpă. Kon bơngai ưh kơ đei tơbăt kơ ih tơdrong noh ôh. 'Bă Inh mă oei tơ plĕnh ti đĕch tơbăt kơ ih tơdrong noh.

Yo 17:3

Lu sư đei tơdrong arih ling-lang yua kơ lu sư lui kơ Ih Kră Yang 'Bă Tơm kơpal plĕnh păng băt kơ Inh Yêsu Krist mă Ih wơh jur tơ ala teh âu.

Rom 11:33

'Bok Kei-Dei pơm thoi noh bơ̆n băt kơ Sư 'mêm kơ bơ̆n tơpă păng bơ̆n kư̆m băt kơ Sư hơgei dêh. Na bơ̆n kon bơngai ưh kơ băt ôh tơdrong tơchĕng Sư thoi yơ.

Tơdrông Tơ'bôh 3:7

“Dang ei ih chih kơthơ pơtruh kơ kră wei-lăng hnam akŭm 'Bok Kei-Dei tơ Pơlei Philadêphi thoi âu: “Âu boih 'Bok mă 'lơ̆ng tơpăt, Sư chĕp khuă 'bok pơtao Đawit, Sư gơh pơih 'măng ăn kơ iĕm mơ̆t, ưh kơ đei bu gơh tang chơkăl dơ̆ng, Sư tang 'măng ưh kơ đei bu gơh pơih dơ̆ng, na dang ei Sư wă pơma kơ iĕm thoi âu:

Tơdrông Tơ'bôh 4:8

Rim kơ puăn anăn noh đei tơdrâu hlak pơnăr păng đei klong măt rŏng anăp jơ̆p-jang kơ akâu. Lu sư hơri ư-ang 'Bok Kei-Dei măng năr pă pơdơh 'bơ̆r. Tơdrong lu sư hơri ei thoi âu: “Ô 'lơ̆ng tơpă, ô kăl tơpă 'Bok Kei-Dei Kră Yang Tih Hloh. Pôm Ih đĕch 'lơ̆ng tơpăt. Ih đei đơ̆ng sơ̆ khơ̆ dang ei păng Ih gô jur ning-mônh.”