Tơdrông Pơđơk 30:2 - Sơ̆p Hlabơar Nơ̆r 'Bok Kei-Dei

² Tơpă inh kơtul hloh kơ đe nai, Păng kư̆m ưh kơ đei hlôh wao thoi kon bơngai hmă.

Tơdrông Pơđơk 30:2 ပူးပေါင်းရင်းမြစ်များ

Horiso 49:10

Yua kơ sư 'bôh bơngai hơgei lôch, lu bơngai wơnh păng lu kơtul kơwao kư̆m lôch lei-lăi mơ̆n. Mŭk tơmam sư kơ đe nai.

Horiso 73:22

Kơplah noh inh oei kơtul kơwao ưh kơ băt tơdrong kiơ. 'Bơ̆t anăp Ih inh nhen thoi sem brem đĕch.

Horiso 92:6

Lu bơngai kơwao ưh kơ gơh băt, lu bơngai kơtul kư̆m ưh kơ gơh hlôh,

Tơdrông Pơđơk 12:1

Bơngai bu 'maih chă đe teh bơtho noh thoi wă 'maih đei đon gơh hơgei. Bơngai bu areh kơ đe teh bơtho bơngai noh kơtul kơwao.

Tơdrông Pơđơk 30:1

Nơ̆r pơma Agur, kon drŏ-nglo Jakê, tơdrong pơđơ̆k 'nâu sư khan kơ Ithiel păng Lukal;

Tơdrông Pơđơk 5:12

Ih khan, Inh areh dêh kơ tơdrong bơtho hơmet. Păng jơhngơ̆m inh sơngah kơ tơdrong chrih.

Êsai 6:5

Inh ôr khan: “Răm-'băm dêh kơ inh! Inh đĭ răm bơih! Yua kơ inh jơ̆ minh 'nu bơngai đei 'bơ̆r kơnê̆ 'mê̆-'mach, oei hơdai hăm kon pơlei đei 'bơ̆r kơnê̆ 'mê̆ mach, yua kơ măt inh lăng 'bôh bơih pơtao, noh bơih Kră Yang Tih Hloh!”

Je 10:14

Đĭ-đăng bơngai jing kơtul kơwao păng ưh kơ hlôh tơdrong kiơ. Rim 'nu bơngai thơ̆ hling rup yang mơlâu yua kơ rup yang lu sư, yang lu sư hling noh chă hơlĕnh đĕch, ưh kơ gơh dui jơhngơ̆m.

Rom 11:25

Ơ 'nhŏng oh, inh ưh kơ wă kơ iĕm pơang kơ đe khan iĕm bơngai hơgei hloh kơ bơngai Isơrael ôh. Na dang ei inh wă tơbăt ăn kơ iĕm minh tơdrong âu mă 'Bok Kei-Dei tam mă tơbăt ăn kơ bơ̆n đơ̆ng sơ̆, tơdrong noh thoi âu: Lu bơngai Isơrael mơ'nah kuă tơpă boih lui kơ 'Bok Kei-Dei, noh na Sư ăn kơ lu bơngai mă kuă noh jing arăng kơ̆l khŏm khŏm truh tơ Sư krao tôm kơ lu khŭl nai bu mă Sư rơih iŏk lui kơ Sư.

I Kor 3:18

Iĕm 'nĕ khan akâu iĕm kơdih, khan iĕm hơgei. Dah bu lăm lu iĕm tơchĕng khan sư hơgei tơdrong ala teh âu, bơngai 'noh athei hŭt lê̆ dôm tơdrong sư hơgei noh, na iŏk tơdrong hơgei 'lơ̆ng tơpăt 'Bok Kei-Dei.

Ya 1:5

Tơ̆ng đei lăm lu iĕm bơngai bu ưh tam gan hlôh tơdrong 'Bok Kei-Dei, bơngai noh athei apinh 'Bok Kei-Dei ăn kơ sư hlôh. Na 'Bok Kei-Dei gô ăn kơ sư hlôh tơpă, yua kơ 'Bok Kei-Dei hơlăng dêh, Sư ưh kơ kret ôh kơ lu bơngai mă apinh Sư păng Sư huay kơ hil kơ lu bơngai mă apinh Sư noh.