Tơdrông Pơđơk 3:6 - Sơ̆p Hlabơar Nơ̆r 'Bok Kei-Dei

⁶ 'Blŏk băt bĕ kơ Kră Yang lăm rim trong ih pơm, Na sư gô pơm kơ trong ih tơpăt.

Tơdrông Pơđơk 3:6 ပူးပေါင်းရင်းမြစ်များ

I Ho 28:9

Bĕ ih, ơ! Sôlômôn, kon drŏ-nglo inh, athei băt kơ Sư Kră Yang 'Bok Kei-Dei inh 'bă ih, athei đĭ jơhngơ̆m đĭ bơhngol bơ̆jang kơ Kră Yang yua kơ Kră Yang băt hlôh 'bôh nhen lăm jơhngơ̆m klơm klak, păng băt dôm đon tơchĕng. Tơdah ih chă Kră Yang, kon gô tơ'bơ̆p; mă-lei tơdah ih achăng lê̆ Kră Yang, sĭt Kră Yang gô achăng lê̆ ih ling-lang.

Esơra 7:27

Na Esơra khan thoi âu: Trŏ bơnê ư-ang dêh tơpă kơ Kră Yang Kră Yang 'Bok Kei-Dei lu 'bok yă bơ̆n, đei hơmet jơhngơ̆m pơtao wă hơmet pơrŏ ming hnam akŭm Kră Yang tơ pơlei Jêrusalem.

Ne 1:11

Ơ Kră Yang! Apinh Ih pơgling đon mơ̆ng nơ̆r lu đĭch đam Ih krao apinh păng krao chă, lu bơngai mă đĭ jơhngơ̆m hli yom kơ Anăn Ih, năr âu apinh Ih tơgŭm ăn gơh đei tơdrong pŭn hiôk păng ăn kơ lu sư gơh đei tơdrong mơnat 'bơ̆t anăp bơngai âu. Kơplah ei kơnh inh gô pôk glơng kơchŏk tơdrô ăn kơ pơtao.

Ne 2:4

Pơtao jet inh thoi âu: “Ih apinh kiơ?” Inh krao khan apinh hloi Kră Yang 'Bok Kei-Dei kơ dôm tăl plĕnh,

Ne 7:5

Kră Yang 'Bok Kei-Dei pơtrŭt jơhngơ̆m krao pơpôi dôm lu bơngai mơdrŏng, lu pơm kuan păng kon pơlei wă chih tơmơ̆t lăm sơ̆p hla bơar kiơ̆ kơ adrĕch, inh đei chă 'bôh minh sơ̆p hla bơar chih gah adrĕch lu bơngai Juđa brŏk mă tăl blŭng-a păng lăm noh inh 'bôh đei chih thoi âu:

Horiso 32:8

Inh gô bơtho tơ'bôh kơ lu iĕm trong lu iĕm athei năm kiơ̆. Măt Inh gô wei-lăng păng na bơtho tơ'bôh kơ lu iĕm.e

Tơdrông Pơđơk 11:5

Lu bơngai tơpăt 'lơ̆ng gô dơ̆ng tơpăt lăm trong lu sư, Mă-lei lu bơngai kơnê̆ gô pơ̆k huŏng lăm tơdrong kơnê̆ lu sư.

Tơdrông Pơđơk 16:3

Jao bĕ dôm tơdrong jang ih kơ Kră Yang; Na đĭ tơdrong ih wă chă gô đei.

Tơdrông Pơđơk 16:9

Đon tơchĕng bơngai chă rơih trong kơdih wă; Mă-lei Kră Yang ba trong sư.

Tơdrông Pơđơk 23:17

'Nĕ ăn jơhngơ̆m ih arih 'ngeng kơ lu bơngai yoch. Mă-lei athei arih băt hli yom kơ Kră Yang rim năr.

Êsai 26:7

Trong lu bơngai 'lơ̆ng tơpăt jơ̆ tơpăt, ơ Kră Yang 'Lơ̆ng tơpăt, Ih pơm ăn trong kơ lu bơngai 'lơ̆ng tơpăt dơhnă hiôk.

Êsai 30:21

Mă lu iĕm weh gah 'ma dah gah 'ngiĕo, đon lu iĕm gô kơtơ̆ng nơ̆r pơma đơ̆ng rŏng lu iĕm khan: “Âu jơ̆ trong mă lu iĕm athei rok kiơ̆!”

Êsai 45:13

Inh gô tơiung sirus pơm tơdrong 'lơ̆ng tơpăt Inh, păng gô pơm ăn kơ trong sư tơpăt, sư gô pơm ming pơlei tih Inh păng tơlĕch lu kon pơlei Inh đơ̆ng đe puh ba pơm bơnă ưh kơ kăl kơ huai iŏk hăm tơmam apah ôh.” Kră Yang Tih Hloh khan thoi noh.

Êsai 48:17

Kră Yang Tơ'ngla dŏng pơklaih iĕm Tơ'ngla 'Lơ̆ng Rơgoh Isơrael khan: “Inh bơih Kră Yang, 'Bok Kei-Dei iĕm, Tơ'ngla bơtho iĕm mă đei tơdrong 'lơ̆ng kơ iĕm păng dui ba iĕm lăm trong iĕm gô năm.

Je 10:23

Ơ Kră Yang! Inh băt kon bơngai ưh kơ gơh pơm yŏng kơ sư kơdih, Kŭm ưh kơ gơh bơwei kơnao yak lu sư kơdih mơ̆n.

Je 42:3

Wă kơ ih krao apinh Kră Yang 'Bok Kei-Dei ih, tơhlâu tơ'bôh ăn kơ lu nhôn trong ayơ wă kơ lu nhôn rok kiơ̆ păng pơm tơdrong kiơ.”

Jo 9:20

Mă-lei mưh hơmơ̆l gom Bơsŭn Anih Akŭm lăm tŏ sĕt năr đĕch, na kon pơlei bơngai Isơrael kư̆ chu kiơ̆ kơ nơ̆r Kră Yang tơtă oei pơdơ̆ng Bơsŭn dah yak năm tơ nai.

I Kor 10:31

Na inh tơl iĕm thoi âu: Mă tôm tơdrong bơ̆n sŏng sa nhă đak, mă tôm tơdrong bơ̆n jang pơm tơdrong kiơ, bơ̆n athei băt pơư pơang anăn 'Bok Kei-Dei lăm tôm tơdrong 'noh.

II Kor 8:16

Inh bơnê kơ 'Bok Kei-Dei pơm kơ Tĭt hưch hanh kơ năm tơgŭm iĕm kư̆m thoi inh hưch hanh kơ tơgŭm iĕm ling-lang.

Philip 4:6

Iĕm 'nĕ kơ hli, ưh kơ hli kơ minh tơdrong kiơ ôh. Mă-lei iĕm athei krao khan apinh 'Bok Kei-Dei wei-lăng păng tơgŭm iĕm lăm tôm tơdrong păng athei băt bơnê kơ Sư ling-lang.

Kôlôsê 3:17

Mă dôm tơdrong kiơ kiơ bơ̆n wă pơma dah wă jang, bơ̆n athei pơma pơjao kơ Kră Yang Yêsu hăm gơnang kơ Sư wă bơnê kơ 'Bă tơm bơ̆n 'Bok Kei-Dei.

Kôlôsê 3:23

Mă tôm tơdrong jang, iĕm athei jang mă tơpă, jang hăm đĭ jơhngơ̆m, 'nĕ kơ pơm đon, yua kơ iĕm jang wă pơhiôk Yŏng bơ̆n Yêsu Krist, ưh kơ sĭ iĕm jang wă pơhiôk kon bơngai đĕch ôh.

Ya 1:5

Tơ̆ng đei lăm lu iĕm bơngai bu ưh tam gan hlôh tơdrong 'Bok Kei-Dei, bơngai noh athei apinh 'Bok Kei-Dei ăn kơ sư hlôh. Na 'Bok Kei-Dei gô ăn kơ sư hlôh tơpă, yua kơ 'Bok Kei-Dei hơlăng dêh, Sư ưh kơ kret ôh kơ lu bơngai mă apinh Sư păng Sư huay kơ hil kơ lu bơngai mă apinh Sư noh.

I Sam 30:8

Đawit krao apinh Kră Yang: Inh hăm gơh druh 'moi bơngai blah tơtông tơgar iŏk 'nâu ưh? Inh druh 'moi lu sư hăm tam? Kră Yang khan: Năm bĕ druh 'moi lu sư, tơpă ih druh 'moi gô tam păng dŏng pơklaih đĭ-đăng bơngai đêl lu sư rôp.