Tơdrông Pơđơk 3:28 - Sơ̆p Hlabơar Nơ̆r 'Bok Kei-Dei

²⁸ 'Nĕ kơ khan ôh kơ rông 'bôt ih, Brŏk bĕ dơning năm tơ âu dơ̆ng, inh gô ăn kơ ih.

Tơdrông Pơđơk 3:28 ပူးပေါင်းရင်းမြစ်များ

Tơdrông Pơđơk 27:1

'Nĕ pơư kơ năr dơning, Yua kơ ih ưh kơ băt năr dơning sư jing liơ.

Bôk Bơthô 11:6

Pơgê hrôih, ih athei drôih rei adrĕch mă-lei gah kơsơ̆ 'nĕ kơ kuăr ti pơdơh; yua kơ ih ưh kơ băt ôh găr ayơ gô chăt 'lơ̆ng, găr 'nâu dah găr to dah pơđĭ 'bar tŏ găr adrĕch noh chăt 'lơ̆ng ngăl hloi.

Bôk Bơthô 9:10

Mă dôm kiơ ih gơh pơm jang bĕ đĭ jơhngơ̆m tôch kơ ih kĕ; yua kơ tơ anih lôch mă ih wă năm, tơ noh ưh pă đei minh tơdrong jang, kiơ mă ih gơh pơm, mă chă đon mă gơh hơgei, mă kơ̆l 'ngok, hlôh băt.

Hơri Hiôk 5:3

Inh plôh lê̆ ao 'nguaih boih. Liơ gơh hrŭk sư dơ̆ng. Inh ôp lê̆ jơ̆ng inh 'lơ̆ng boih, Liơ inh gơh ăn kơ sư trôk dơ̆ng.

Lêwi 19:13

'Nĕ kơ pơjăm pơjuă bơngai oei cheng pleh kơ ih, 'nĕ kơ tơtông tơgar tơmam lu sư. Tơmam apah bơngai jang kơ iĕm, 'nĕ kơ wei lê̆ tơ hnam iĕm truh tơnăr dơning.

II Kor 8:11

Pơm kiơ̆ kơ đêl iĕm pơkă boih, mơ̆ng kơ iĕm đei.

II Kor 9:3

Tơdrong inh wơh lu 'nhŏng oh bơ̆n năm tơgŭm iĕm âu, inh hli kơ iĕm jor kơ ra jên tơmam yua kơ đêl inh chă roi tơbăt kơ đe boih, thoi noh na inh wơh lu sư rai pơjing tơdrong âu đei hơdrol, thoi inh roi boih kơ lu bơngai oei tơ dêh Masêđôn.

I Tim 6:18

Ih khan kơ lu bơngai mơdrŏng athei pơm jơhngơ̆m 'lơ̆ng păng đe păng athei gơh tơgŭm mơnat kơ lu bơngai dơnuh hin tơmam.