Tơdrông Pơđơk 3:2 - Sơ̆p Hlabơar Nơ̆r 'Bok Kei-Dei

² Yua kơ tơdrong inh bơtho gô thim kơ ih arih sot, Păng đei hiôk jơnap.

Tơdrông Pơđơk 3:2 ပူးပေါင်းရင်းမြစ်များ

I Pot 3:14

Tơdah ih yak năm kiơ̆ trong Inh păng wei răk tơdrong juăt păng nơ̆r Inh tơtă thoi Đawit, 'bă ih, lei Inh gô pơthim ăn kơ ih arih sot soi.”

Jop 5:26

Ih gô brŏk tơ bơsat kơplah ih 'lŏ kră sot lơ sơnăm thoi hơchô̆ 'ba truh tơ anih preh 'ba lăp bơyan.”

Horiso 119:165

Bu mă 'mêm kơ khôi juăt Ih đei tơdrong hiôk-hian tih. Ưh kơ đei kiơ mă gơh pơm kơ lu sư pơ̆k huŏng.

Horiso 128:6

Hơpơi kơ ih gơh 'bôh kon sâu ih. Hơpơi kơ Isơrael đei hiôk-hian.

Horiso 21:4

Sư apinh Ih tơdrong arih, Ih ăn hloi kơ sư Ih ăn kơ sư năr đunh sot ling-lang hlŏng hloi.

Horiso 91:16

Inh gô ăn kơ sư arih sot păng chơt hiôk păng gô tơ'bôh ăn kơ sư tơdrong Inh dŏng pơklaih.”

Tơdrông Pơđơk 10:27

Tơdrong hli yom kơ Kră Yang ba thim khei năr; Mă-lei khei sơnăm lu bơngai pơm kơnê̆ gô rai djăl.

Tơdrông Pơđơk 16:31

Sŏk ko jing môk ư-ang, 'Bôh đơ̆ng tơdrong jang sư tơpăt na gơh đei.

Tơdrông Pơđơk 4:10

Ơ dăm, mơ̆ng păng iŏk bĕ nơ̆r inh pơma, Na sơnăm ih arih sot đunh sơnăm;

Tơdrông Pơđơk 4:4

'Bă inh đei bơtho inh: Wei răk bĕ lăm jơhngơ̆m nơ̆r inh pơma. Chu kơ nơ̆r inh tơtă, na ih gơh arih.

Tơdrông Pơđơk 9:11

Yua kơ đơ̆ng Inh, na năr ih arih sot hloh, Lu sơnăm ih arih thim rai kơjung sot hloi.

Êsai 32:17

Tơdrong jang 'lơ̆ng tơpăt gô jing tơdrong hiôk-hian, plei tơdrong 'lơ̆ng tơpăt gô đei hiôk hơđơ̆ng ling-lang.

Rom 14:17

Na bơ̆n bơngai mă 'Bok Kei-Dei pơgơ̆r boih, mah kăl kiơ kơ sa 'nhĕm 'nhot thoi noh, mah 'nhĕng kiơ kơ đe sa et tơdrong 'noh. Tơdrong bơ̆n pơm 'lơ̆ng kơ 'Bok Kei-Dei, tơdrong bơ̆n pơm 'lơ̆ng kơ bôl buăl, tơdrong bơ̆n chơt ngă 'nă hal yua kơ đei Yang Bơhngol 'Lơ̆ng, tơdrong noh bơ̆n kăl.

Rom 15:13

Yua kơ bơ̆n gơnang kơ 'Bok Kei-Dei tơpă, na bơ̆n băt chang gô tôm tơdrong 'Bok Kei-Dei wă ăn kơ bơ̆n. Na inh apinh Sư ăn kơ chăl arih iĕm hiôk hơiă, hiôk-hian yua kơ iĕm lui kơ Sư, na Yang Bơhngol 'Lơ̆ng tơgŭm iĕm băt kơ tơdrong chang gô noh.

Rom 5:1

Bơ̆n lui păng gơnang kơ 'Bok Kei-Dei thoi noh, na Sư jô̆ bơ̆n jing 'lơ̆ng tơpăt; yua kơ Kră Yang bơ̆n Yêsu Krist na bơ̆n gơh oei hiôk hăm 'Bok Kei-Dei.

Both 11:21

Thoi noh măng năr oei đei kơpal teh kơ lu iĕm păng kon sâu lu iĕm gơh oei đei đunh sot lăm dêh mă Kră Yang pơkă boih wă ăn kơ lu 'bok iĕm kư̆m thoi iĕm.

Both 5:32

Thoi noh, lu iĕm athei kơchăng pơm kiơ̆, thoi Kră Yang 'Bok Kei-Dei lu bơ̆n hlôi pơkă boih. 'Nĕ kơ weh gah 'ma, dah gah 'ngiĕo.

I Tim 4:8

Bơ̆n pơhrăm pơtơ̆p wă kơ jơhngơ̆m pran kư̆m kăl yua ră mơ̆n, mă-lei ưh kơ dang tơdrong 'Bok Kei-Dei. Bơ̆n pơhrăm tơdrong 'Bok Kei-Dei kăl yua tơpă kơ bơ̆n. Bơ̆n pơhrăm tơdrong Sư bơ̆n arih hiôk dang ei păng gô arih hiôk ling-lang ning-mônh.